بنيت لي كم بيت في تالي الليل=وانا على ناري اعد القهاوي
بني على محماس وكيفي من الهيل=والعلم بالمليان يجرح ويداوي
في حزتن والقلب يروي تعاليل=يطوي سجلاته والوقت طاوي
اعدّ لي كم درس بعد التحاليل=ذقته وجربته بعد الهقاوي
لعل فدروسي افادات ولا اميل=ولااعاود الزله وابليس غاوي
اذكر زمان(ن)فات روّح تساهيل=واقول في نفسي ويش انت ناوي
ياوقت لاتطمع بدنيا المهابيل=-اللي بجمع المال عامي وقاوي
يكشخ على حاله مثل المخابيل=ولاهي بها الدنيا بكثر الغناوي
وابليس قاضب به قضب المحابيل=يزين اعماله بقبح البلاوي
مقصر فروضه وقوله تماهيل=باقي على حاله مسند وضاوي
بكرا ليا (حمّل)بكتوف الرياجيل=ماينفعه جيبه من المال خاوي
عزي لمن كمّل فروضه مكاميل=طلاب للمولى بكثر الدعاوي
حذراك يانفسي بدرب الغرابيل=كل ماعلى الدنيا زايل وهاوي

المشاركة الأصلية كتبت بواسطة حفيد الحجيري (المشاركة 1167866) صح لسانك ابو عوض مع التقدير والاحترام

المشاركة الأصلية كتبت بواسطة رابح الجحدلي (المشاركة 1167980) ¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة القناصه (المشاركة 1168001) حـــذراك يانـفـسـي بـــدرب الغـرابـيـل *** كـــل مـاعـلــى الـدنـيــا زايــــل وهــــاوي عن الاف الابيات جعلها الله في موازين حسناتك صح لسانك مليااار جزله ورائعه تقديري

المشاركة الأصلية كتبت بواسطة فهد ابن غانم (المشاركة 1168219) صح الله لسانك ولاهنت وسلم فكرك وبنانك دمت برعاية الله وحفظة

المشاركة الأصلية كتبت بواسطة رابح الجحدلي (المشاركة 1167980) ¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك