ملتقى قبيلة حرب الرسمي - ابراهيم الحردي (صاحبك حي وعده اعداد الاموات)

يا صاحبي ما عاد للعذر حاجات..
لا من قسي قلبك وقل اهتمامكـــ..

أول علي شوفك أسوق المسرات..
وانت علي شوفي يزيد ابتسامكـــ..

وأول خـيالي مــــا يفــارقك بــــذات ..
لانه مثل ظلك يِعكــس التهامكـــ..

وأول علي وصلي تِقطع المسافات..
وتقول لحظه بين يٍدك وامامكـــ..

واليوم تتهم صاحبك بــ(اتهامات)..
وش فيك يـ(ابن الناس) لا وش علامكــ؟

صاحبك صاحب فـ(الرخا)والملمات..
مــا غيره وقـته ويعـــرف مــقامكـــ..

بينــك وبينــه عــهد لا والــتزامات..
ما خان عهده مع كلامه كلامكـــ..

واليوم في زلته تحسب حســـابات..
يا كثر زلاتك ولا يوم لامــكـــ..

اول مع حزنك يواسيك بـ(اثبات)..
واليوم في حزنه مصوب سهامكـــ..

واول علي فرحتك اقام احتفالات..
واليوم في فــــرحته زاد التئامكـــ..

حتي العذر قدمه شعرٍ وشيالات..
وانت مع عـــــذره تزيد اتهامكـــ..

صاحبك حي وعده اعداد الاموات..
وان كان شفته لا تقدم سلامكــ...

اخوكم

ابراهيم الحردي

ملاحظه: الابيات وليدة اللحظه .