ياوجد حالي وجد شالـــح على ذيب = يـــوم اللــيالــــي عـجـلت في ذهــــابــــه
روح ولـــه نيــه لجـيـب المكـاسـيـب = بس القـــدر وقف على حد بابه
وصاح المنــادي مـن علو المراقيب = بالصدمه اللي زودت في مصابه
خلوه في دار(ن) حوتها الاجانيب = وامسى بـ/ابن هدلان حزن(ن) صطابه
او وجد عود(ن) لحيته كلها شيب = يوم يتذكر مامضى في شـبابـــــه
يذكر زمان(ن) شاف منه التعاجيب =مــر(ن) يعـلـــي به ومر(ن) هوا به
حتى درى وشلون دور الدواليب =واليـا الـتـفـت كـلـن مكشر بنابه
هذا وجود اللي بكبــده لــواهــــيب = يدعي عسى الله يخرجه من عذابه
باسباب من خلا جروحي معاطيب = خــلا علــى الهجــــران تقفي ركابه
من عقب ماقفى مالفتني مكاتيب = ليته درى وش حالتي في غيابه
ويامل عين(ن) تسهر الليل وتغيب = مـــع الــذي ما ســـرني ما جــرابــــــه
ويالله ياللـــي تعلــم السر والغيب = تفرج على من جرح وقته صطابه

المشاركة الأصلية كتبت بواسطة محمد عويض البدراني (المشاركة 1121522) صح الله لسانك يامشاري

المشاركة الأصلية كتبت بواسطة رابح الجحدلي (المشاركة 1121626) ¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة سعد المحمدي (المشاركة 1121688) الشاعر مشاري البدراني صح لسانك وعتلا شانك

المشاركة الأصلية كتبت بواسطة فيصل حمود الوافي (المشاركة 1121736) صح لسانك وسلم بنانك قصيدة رائعه بروعة حضورك لك تقديري