قبح الله وجه منهو فالعرب يقدح زناده = لوتسمى في بحور الشعر يغرق مايعومي
علته علة وقلبه بالمرض بالحيل زاده = مثل عودٍ كل ماجاه الهوى يلعب ويومي
مادرى انه بين خلق الله تقلد له قلاده = هو زبون الناقصة بين الرجال اهل العلومي
مانذم ربعوه اللي للوفا حكام ساده = مير مانقبل من الناقص تجي زلة تحومي
حرته حرة ونبته وإن طلع وانه كتاده = دايم الواطي يعيّب فالرجال اللي قرومي
مادرى انه في ذراهم يوم كبرها الوساده = عزوةٍ ترقى سنود ولاتحسّب للرخومي
ساسهم ثابي ودار العز حكامه وقاده = يوم ذاك المدرق يقعد ولا يقدر يقومي
لاحسبنا له حساب ولاكشفنا ثوب غاده = نستر الخافي وذاك الاش عن سومه نزومي
ولا نظن الا بخير وعلم مانعرف وكاده = مانجيبه والزرا راعيه عن دربه نشومي

صح السانك وبيض الله وجهك

المشاركة الأصلية كتبت بواسطة حمدي العوفي (المشاركة 1111330) الشاعر القدير بخيتان البشري صح لسااانك مليار على القصيده الجزله والرائعه ولاهو بغريب عليك الابداع يابخيتان تقديري لك

المشاركة الأصلية كتبت بواسطة سعد المحمدي (المشاركة 1111538) الشاعر القدير بخيتان البشري صح لسانك يابو محمد على النص الراااااااااااااائع والموجه تحياتي وتقديري