هرجٍ هزيل ولايجوز استماعه = لو يزهمك راعيه لاتقول له هاه
يلحقك شره عند قوم وجماعه = كان استمعت لعلم تنقص مزاياه
يامدعي بالطيب عندك مناعه = مهما تقول العلم تطلع خفياه
قد قلت لك يوم المواقف شجاعه = الطيب قدمك وانتبه لاتعداه
الطيب طبع ولايجي بالصناعه = ولا كل من وده على الطيب سواه
كم واحدٍ يعطيك هرج القناعه = وفي ساعة اللازم ترى تهاب يمناه
ايبين علمه في مضاريف ساعه = عرق الردا تله على وسق علباه
لو طال عمره بالزمن ماستطاعه = عنده خلل في داخل القلب يحداه
الطيب يعطى مع حليب الرضاعه = يربابه المولود في حزة صباه
يبقى مع الرجال مثل الوداعه = أحدٍ يحفظ العهد واحدٍ تنساه
واللي حريصٍ منزله بالرفاعه = عند العرب كلٍ يعده وينصاه
يصبر على جور الحمل والمجاعه = مايترك النوماس لو جاه ماجاه
واللي يبيعه مثل بيع البضاعه = هذاك طيبه حسب تصريف دنياه
يومٍ شرى بالطيب يومين باعه = من وين ماهب الهوى شال دعواه
الله وكبر لو تذيع الاذاعه = مايبلش الرجال في صوت الأفواه
كان انقطع حبلٍ يعز انقطاعه= وإلا وردنا عد راهي على ماه

المشاركة الأصلية كتبت بواسطة رابح الجحدلي (المشاركة 1103407) ¨°o.O ( ×××××××) O.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة غازي الزغيبي (المشاركة 1103465) هرجٍ هزيل ولايجـوز استماعـه لو يزهمك راعيه لاتقول له هـاه يلحقك شره عند قـوم وجماعـه كان استمعت لعلم تنقص مزايـاه يامدعي بالطيب عنـدك مناعـه مهما تقول العلـم تطلـع خفيـاه حسنت ياصنت البدراني صح السانك

المشاركة الأصلية كتبت بواسطة سعد المحمدي (المشاركة 1103494) الشاعر صنت البدراني صح لسانك وعتلا شانك

المشاركة الأصلية كتبت بواسطة ماجد بن تركي الحربي (المشاركة 1103877) لاهنت ولاهان هذا الحضور صح لسانك يالذيب تقبل تحيتي