غازي الزغيبي

يا الحثل يوم انك على الواقع اشرفت=فسر خطا غيـري وفسـر خطايـه
يابو فهد راضي بحمك ليا انصفـت=انصف بحكمـك لا تـدور ارضايـه
مادار في سمعك وما بالنظر شفـت=وافصاحها مـع مدعيـن الهدايـه
في مامضى والملتزم منه ماخفـت=الا ولـحـد يناقشـونـه ابـرابـه
حيثاً حكم الشرع لو تعرف الكفـت=شؤن الولايـه عنـد راع الولايـه
لآخص الناس كل تفكيرهـا زفـت=واستغفـر الله محتظيهـا احظايـه
حيثن منطقهم على المجتمـع نفـت=والمتهم شره علـق فـي سمايـه
في موقفي من دون اراده تصرفـت=في رادة الله يـوم جانـي اسرايـه
وحده بوحده ياابيض الوجه ماردفت=يوم استهلت خبط عشـوا الرمايـه
كان الخطـا منـي فنـا ماتأسفـت=لاأضمن خطا نفسي ولا أظمن قدايه
جايز يصير اني مع الوضع طرفـت=يوم اتضح ماهو علـى مستوايـه
يابو فهد ركز مع السالفـه وافـت=قلها لمن يمشي على عكس الآيـة
هذا ونا باللـي حصـل ماتحسفـت=ياعـل ماهـو فـي رجالله عزايـه

زيد الحثل الحصني

يابو طلال احيان مااوحيـت ماشفـت= لو كنت بحساسـي وكامـل قوايـه
كـم مـرة مـرت عليـه وطوفـت= حلم وثقه لو سجلـت مـن غبايـه
ومن معرفة بعض البشر ماتسلفـت= عندي ثقه مـن عملتـي وعملايـه
واللي يحسب لي عكس الاقبال لانكفت= لوكان في وجهـي يزيـف غلايـه
اقول فـي قلبـي عسـى ماتكلفـت= ياللي على وجهيـن مـوسٍ مرايـه
وغازي يقول احكم ونا مثل ما اسلفت= اقول اخيـر مـن العـلاج الوقايـه
ياليت يوم الظـول اضـول توقفـت =لو كان يجهلني غمـوض الروايـه
والخفت واهل الخفت عنهم تطرفـت= مالي بهـم غايـه ولالـي هوايـه
شجيعهم ينزل ويطلـع مـع اللفـت =ويدخـل الميـت جهـاز العنـايـه
ويجحدك لوانك معـه كـد تعاطفـت =ويجازي المحسن بالاحسـان سايـه
لا شفتها ثقلـت بـلا شـك خففـت= ومجامل اتايـه اليـا تـاه تـا يـه
آخذت عنها حيادلا شفـت ماعفـت =ولا أضرب بحد امهندي في عظايـه
تبـي تقاعدنـي بعـد ماتوضـفـت= لحق الزمك نفسي ولحـق ازملايـه
ولياحضرت بكل مجلـس وسولفـت =ماكنـك الا شيـخ يقـرا لـه آيـه
جزل المعـزب واجـزل ليـا ضفـت= ومهنـد لعـداي عـنـي حمـايـه

المشاركة الأصلية كتبت بواسطة الصـ الجارح ـقر صح السان الشاعر العملاق غازي الزغيبي ولسان الشاعر زيد الحثل الحصني ويعطيك الف عافية اخوي حمد تحياتي

المشاركة الأصلية كتبت بواسطة عاشق الكسرات صح السان الشاعر العملاق غازي الزغيبي بيض الله وجهه

المشاركة الأصلية كتبت بواسطة sultan_22 صح السان الشاعر العملاق غازي الزغيبي بيض الله وجهه