|
سرب من حمام
سرب من حمام ؟!
قوله : " يا من يودّي له سلام " ؟! ولّا وسايد السهر ..لاجيت أنام ؟! ولّا الكلام ..... اللي ذبل على طرف أصابعي ..من غبت.. وازهر بي الخصام؟! أو قصيدة ممتليه ندم ولّا ملام ؟! منهو يصالحني عليك ؟! مات النهار بناظري ..الا شعاع فيني غرق كل البحر..الا شراع رضيت أجامل حزني فيك.. رضيت أموت ما بين ايديك.. رضيت ..رضيت.. الا الوداع. أرجوك بس..الا الوداع. منهو يصالحني عليك ؟! من يسرقك .. من بين زعلك والتقيك.. من يسرق الخوف اللي ساكنّي واجيك من يقنع الماي اللي فيك.. اني عطش.. وغصون عمري تشتهيك..؟ من يقنع نعاس عينك والخدر اني سهر على النوافذ أحتريك ؟! منهو يقول لك يا الجمر.. اني أبيك. منهو يصالحني عليك ..؟! ياللي خذاك مني الجفا كل ليلة أشعل لك حنين بدل حنين البارحه كل ما طفا وكل ليلة أفرش لك جفن عطر ودفا صبر ووفا وكل ليلة من قبل أنام أوارب اطراف الهدب علّ وعسى يمرني طيفك عجل لا من تعب فيّ الزعل أو جفنه الصاحي غفا! وكل ليله أسأل هالسؤال : منهو يصالحني عليك ؟! منهو يصالحني عليّ ؟ّ! ( مسفر الدوســـري ) |
رائع يامتعب .. وسرب من الاعجاب بكل ماتتحفنا به دوماً .. سلمت يمناك اخى الكريم ..فلك بحق ذائقه راقيه .. كن بخير ..وليعانق قلبك الود |
منقول رائع يامتعب
سلمت يمناك على اختيارك الرااقي الله يديك العافيه |
الساعة الآن 02:45 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir