مرحبـا بضيوفنـا والليلـه الحفلـه جميـلـه=كلكم واحد ورى الثانـي هـلا مليـون مـره
البقـا ياصحابنـا قـوم المواقيـف الجزيلـه=والسحيمي يوم رحب عند حرب وفـي محلـه
أبشر أني لشعـل النيـران فـي راس الفتيلـه=كل صاحب خابره وأحتاط من خيـره وشـره
ياسليـم انتـم عيـال ادم وكـلٍ لـه فصيلـه=كان مانشره على الطيب علـى ميـن أنتشـره
الولـد هـذا مـورط لـه قبيلـه مـع قبيلـه=كلها من صاحبـي لا ذاقـوا السلمـان حـره
يالحروب أصحابنا يأهل البيوت اللـي ظليلـه=العدد مليـون وأنتـم مايجـي منكـم مضـره
يدعي راشد ولا أدري صاحبـي وش يدعيلـه=الله أكبر بعـد سـن الأربعيـن الوقـت غـره
ياسليـم أصحابنـا يأهـل العلـوم المستحيلـه=حول عشرة الأف شخص ولالكم بالأرض جره
سامع الي فالديـار بـروق ورعـود ومخيلـه=لــو عـبـدالله يعلـمـنـي بـهــا لله دره
كيف تنسانا وحنا أهل السيوف اللـي صقيلـه=مجدنـا مالـه شبيـه وفعلنـا كـلٍ يـسـره
بـارك الله فالفريـق اللـي ياراشـد تنتميلـه=وأنت ضليت أبدوي والثوب ماتعـرف تـزره
أدري إنك مأنـت هيـن وطيتـك دايـم ثقيلـه=مايضر أسليـم شـي ولا نقـص فالـذر ذره
ياولد عتقان لا ضاق الشجيع أطلـع حصيلـه=وأنته أغلى من ذهبنا اللـي لحاجتنـا نصـره
فيـه دلـة زعـفـران ودلــةٍ بالجنزبيـلـه=لا تكررهـا علينـا غلطتـك عشريـن كـره
كلها ماهي بعيـد ومـن طلـب دلـة تجيلـه=طعمها تعلم بـه انتـه وأسمهـا فنجـال مـره
لا تنافسنا تـرى مالـك علـى الأيـام حيلـه=الصحيح تصير حر إن كان شفت القدس حـره
يالله أطلبـك السـلام ويالله أطلبـك العقيـلـه=بعد دولاب الفلك سيطر على الحربـي وفـره
قول لي يالشيخ راشد وين ضيعت الأصيلـه=كيف ضيعت الفرس يامتابـع أنجـوم المجـره