يا بن العريفي ياهلا ومرحبا فيك=يابن الكرام اللـي رفيـع جنابـه
دعيتني يالقرم واجبـت داعيـك=وجتلك عبر ديوان حرب الإجابـه
انظمت در مثل ما انظمت اجاريك=وتجددت بالقلب منـه الإصابـه
تشكي وانا يالقرم في مثل مافيك=جرح من الماضي عميق صوابـه
انا مضى لي ماضين مثل ماضيك=تجـارب العشـاق دايـم تشابـه
قضيت عمري بين هاذي وهاذيك=اسري اليا غابة اعيون الرقابـه
وارجع اليا بان الصبح واذن الديك=وغابت انجوم الليل واقفى سحابه
اغواني اللي ياابراهيـم مغويـك=كنـه عليـه دعـوة مستجابـه
كنه مركب فـي ردوفـه تماتيـك=يطوي عن الساقين ردفـه ثيابـه
واليا نظر عكشه تميتك وتحييـك=غض غضيض ويل من يبتلا بـه
ياقلب ياقلب العنى ويـن اوديـك=قصر الحشى من بعد خلك خرابه
يا بن العريفي يابراهيم اوصيـك=وصيت للـرأس مثـل العصابـه
افتح لها قلبـك وسجـل بأذنيـك=قبل الضماء الماء ميزه من سرابه
لاتتبع المقفين وارفـع هقاويـك=ترى المقفي مثل ظـل السحابـه
وان كان ثوبك قاصر او مايدفيـك=اوصل اكمومه لين تخفي عيابـه
ثوبك اليا صنته عن الغير يغنيـك=وثوب السلف عليك مثل الجنابـه

المشاركة الأصلية كتبت بواسطة الصـ الجارح ـقر صح السان الشاعر سعود المبيريك والله يبيض وجهك ابوروان تحياتي

المشاركة الأصلية كتبت بواسطة عاشق الكسرات صح السان الشاعر سعود المبيريك وبيض الله وجهه

المشاركة الأصلية كتبت بواسطة سلطان صح السان الشاعر سعود المبيريك وبيض الله وجهه

المشاركة الأصلية كتبت بواسطة عاشق بريده صح السان الشاعر سعود بن عبدالله المبيريك والله يبيض وجهك تحياتي وتقديري عاشق بريده