|
ديوان الكحيله للشاعرة كحيلة حرب
اكحيلةً تلعب على كل ميدان =بنت الجواد الي يجي با الطليعة ان رحبوبي حرب هذاك عرفان=وان مابغوني نجد عندي وسيعة سالم البشري= يامرحبا ترحيب من قلب ولسان=وترحيبنا بالضيف هذا طبيعه فالملتقى فينا الشهامه وفرسان=بالطيب نشري من لفا مانبيع
فوق الكواكب والنجوم المطله=رسم القبيلة حرب مجدًتليدي معهم غريب الدار ينساهلله=وقطعانهم ترعا على ماتريدي والي تعرضهن يشوف المذله=فعلً الحرب ومن زمانن بعيدي كم راس شيخً طاح مماحصله=بمصقلاتً مرهفات الحديدي مثل البروق بمزنةً مستهله=ولااثغب يلمع على جال حيدي ذولاهلي ياسعد منهم هلله=افخربهم بين القبايل وزيدي وارفع بهم راسي ولاني مذله=وسلام مني عد ماهل عيدي وعدادمافاحت على النار دله=حربً هل القوات مجدً تليدي الكحيلة= |
الفرق شاسع بينك وبين خلي= ابوك والله ماتشابه محياه لا تلتفت وش تلتفت فيه قلي=غرك جمالً بارزً لوسترناه ماتدري ان القلب منه استحلي=وانه عطاه الواحدً لاعدمناه نجمه على كل النجوم امتعلي=هومنوته فا الكون هو غايت امناه انصحت له وهو بعد منصحلي=با ب المحبة لغير هم ماشرعناه من لامني عسى القدم به تزلي= ويطيح في حب الغنادير برضاه وتاقف له العدوان حتى يذلي=ويشكي من الي تل قلبه من اقصاه اغديه يشعر با الذي حاصللي=ويصيح من فرقا المحبين ويلاه ماهو بيدنا نحب ولا انخلي=قسمة من الي ماتعدد عطياه ويناصحي نصيحتي لك تصلي =اخير من حكين كثير/ن/ سمعناه الفرق شاسع بينك وبين خلي= ابوك والله ماتشابه محياه {الكحيلة} |
كلنا نعرف البطل العريف/ عالي المخلفي وكيف انه تحمل رغم اصابته وطارد المجرمين وما تركهم حتى لحقت التعزيزات مع انه مصاب وينزف الا انه تحمل واصل المطاردهومثله فخر الكل حربي والكل اسعودي لاذالك جت ها البيات المتواضعةهذه القصدة نشرتها في موقع بواسل حرب ومن حقكم ان تقرونها .......لعل رجله فداها من يعذربنا.........
خمس وثلاثين طلقه فيك ياعالي=ماوقفنك توقف دون واجبنا لحقتهم وانت منك الدم شلالي=يوم الرصاص يتعاقب ماتغربنا نفخربكم ياعريب الجد والخالي=شجاعة الحربي الي دوم تطربنا وقفت موقف شجاع وموقف ابطالي=يعل رجلك فداها من يعذربنا حنا حماة الوطن في قيضها الالي=يوم الخشاش يتقرب من مشاربنا يا ابن مخلف نزلت المنزل العالي=فعلك نجومن تلالا في كواكبنا لاقيل حرب اقول حماية التالي=الله من ذودن نسوقه من مكاسبنا يوم القبايل على رجلي وخيالي=واليوم ننعم بأمان ومن يحاسبنا في ظل حكم السعود الكل رجالي=-الله يسلم ابو متعب معزبنا ...الكحيلة.. |
.........على سنا نارً ....................
على سنا نارً وحنا مجاليس=سمعتهم يومنهم سولفوبه الكل يمدح فيه مدحً بلاقيس=وانا مع المعنا اخذني اسلوبه قالو كريم ومرخين ربطت الكيس=يفرح إلى جو المسايير صوبه رجال لاعدو رجال النواميس=له مجلسً كل النشاما لفوبه صفرً ادلاله كنهن القرانيس=صفً على جال الوجار محضوبه هذاك مطمع يا البني النواعيس=نصيحةً مني علي محسوبه انصحك يا سارة وابنصحك ياميس=صدً عن الي لامشاجرثوبه امسوي مثقف ومربي خنافيس=ويمشط اقرونه تقول مخطوبه علم الرجوله ضيعوه المفاليس=والله لاحوله ولاهم صوبه |
......ينتظر حكم الاعدام..............
ماهي غريبه منك ياسود الايام=كم مرةً دمعي غرق فيه خدي العام ولا اليوم ولا من العام=وانا مع ضروفي اعيش التحدي لاقلت تصفي لي تبدل لي اوهام=ورجع ورد النفس وقبل تحدي كني سجينً ينتظرحكم الاعدام=معطيه سجانه احبوبً تهدي وصل قراره موقع من المفتي العام=تنفيذ با الاعدام حدً بحدي وانا اعض من الندامة با الابهام=واقول كيف تصيروابيح سدي يمكن نسيت اني على منصبً هام=او القدرصدفه وقف معه ضدي تخالطة عندي على اوراق رسام=حاولت اعدلها ولاهي بيدي والحرمايقبل على الحر ينظام=الا الذي ماله مع الناس جدي والله يفرجها على خير ميرام=تقبلبه الايام ولا يصدي |
,,,,,قامن هواجيسي يدقن الاجراس,,,,,,,,,
قامن هواجيسي يدقن الاجراس=واخاف منهن يرسللي نواشي ذكرت طعنات الظهروتبلاس=وشلون معروفي غدا يا بلاشي زرعت زرعً اعتنا فيه غراس=وحصدت سمً للمعاليق ناشي شربت منه لين ضاقن الانفاس=مثل شراب الخلج وردًعطاشي من شربوني كاس يقفيلها كاس=عجيب يرجون السموحة بلاشي جوني يقولون السموحة ولاباس=مع ضحكةً با السن فيهاخراشي الله وكبر يا الخديعة ولانجاس=نسيوفعايلهم خشاشً مخاشي وقفت احسبها من الساس لساس=وصكيت بيبان الحكي وانقاشي عرفت عدواني وانا صاحية راس=وميزت دربي مع ظلام وغطاشي ولجيت للي ترتجي عفوه الناس=وكلت ربي في وجيه المواشي= نعم الوكيل الي خلق كل الاجناس=يعلم خفا قلبي وماكن جاشي |
, ,,,,,,,تشبه الياس,,,,,,,,
اليوم اعيش بلحظةً تشبه الياس=اما اتجهت إيمين والا شمالي والابطيح بغبةً مالها اقياس=تلاطم الأمواج مثل الجبالي مجبورة بموقف خطيرً وحساس=ياعزي الحالي ويا عزتالي وقفت بحدود الرجا وقفة الياس=واخاف من باق العلوم التوالي القلب يامرني على عقد الالماس=والعقل ينصحني بشد الرحالي الماس عقدً ماعرض عند داماس=ولاصمموه مصممينه محالي يامصعب الموقف ويا مكثر الناس=الي تحرا زلتي ياحلالي لاباس يا نفسٍ من القهر لاباس=تجملي با الصبر عند التوالي لابد مانشرب قراحً من الكاس=وننسا جميع الماضية والخوالي هذه حياةً كلها اتعاس بتعاس=لالا يهمك شيء من ماجرالي امنت باللي له الانفاس حباس=باب الفرج عنده عزيز الجلالي |
هديه لعضاء الملتقى
مريت لي بيتً على العز مبناه=امشرعً راعيه باب الرجالي بيت الكرم والطيب كلً تنصاه=الي من الاقصين ولي موالي امسيسه راعيه والعز با ارجاه=من عزوتي يا عزوتي يا حلالي تاجً على روس المزايين تزهاه=ونجمً على كل المجرات عالي ابو.ابوفياض. ..جعل الانذال تفداه=امعربً مابين عمً وخالي حربي زهاه الطيب والطيب يزهاه=رجال لعدة زحول الرجالي من حرب عزً لضعيف وملجاه=يلقى بذراهم عز جار ودلالي هذا كلام ًصدق والصدق مبداه=يشهد على ماقول فعل البلالي الي دفع روحه الجاره مفاداه=انشدوتلقى العلم عند الرمالي في موقفً ماكل واحد بيقواه=وقفلها كحيلاً موقف خيالي هذه فعايل حرب ماهي مخباه=ترفع لهم بيضا بروس الطوالي دستورهم فعل الوفاء ساس مبداه=من جد جد مورثه للعيالي هديةالكل الاعضاء ويستاهلون عزوتي ارجومن كل واحد يرد ينسخ القصيدة ويضع اسم ولده في الفراغ الي ما يسوي كذ اعتبر ان القصيدة ماعجبته اختكم الكحيلة حـــــكحيلةـــــــــــرب |
,,,,,,,معطى ومحروم,,,,,,,,,,
عزي العينً حاربة لذة النوم=احدً ينام وصاحبه ما ينامي ماتستوي مبين معطا ومحروم=هذا الصحيح الي عليه الكلامي سهمً ضرب فا القلب والسهم مسموم=احتل قلبي ثم نصب له اخيامي وش جابني لدرب والدرب ملغوم=وش جابني في درب عقب الكرامي حرً على وكره معزز ومحشوم=متواسي الجنحان حرً اقطامي لافكه الصقارثم ادرج الحوم=تلقا طيار الريش مثل العسامي لو سامه السوام ما يقبل السوم= من يملكه ميبيع مثله حرامي هذا شبيه الي صدر فيه مرسوم=وقع قرار وصدر الامر سامي ان الغلا له مابقي فاالسما النجوم=رسمً على قلب العنا با لوشامي ماتزيله الايام لو قيل مرحوم=ياعل عمري فدوته يا عمامي عساي قبله لو بساعة من اليوم=ويعيش في دنياه برد و سلامي حكم القدر ماضي عليّه ومحتوم=وانا رضيت بحكم رب الانامي |
....عطني الشماغك........
عطني اشماغك نصف ساعة بوريك=وش المواجيب الي عليك تعملها لصرت رجالً وشي مواريك=تلبس وقار وجلستك اتعدلها وان جاك فزاع{ن}ولطيب ناخيك=اوقف مثل شم الجبال بسهلها وقله فداك المال والحال فاديك=فزعة المحتاجً مادور بدلها تكتب بلوحات الشرف بيض اياديك=وببين لك عند الرفاقه عملها وان جاك ضيفً قل هلا ومرحبا فيك=نورت دارً رحبو فيك اهلها وقدم له الماجوب ماابي اوصيك=اكرام ضيف الدار سنه فعلها والجار جارك لايخيب الرجافيك=اصبر على ميلة قصيرك وشلها ونشفت عاراته ومرن حواليك=غض النظر لاترسله مع اثرها ترا النظر سهمً على القلب ياتيك=كم نظرةً جرت ندامة لهلها وهذا شماغك ومسكه بين اياديك=قضيت من شرح الرجوله واهلها |
,,,,ضاع الأمل,,,,,,
البارحة هبت علي العواصيف=ضاع الامل ومن الزمن عزتيلي اكن عبرات الضلوع المهاديف=وارجع من الاخر وحسب اتحصيلي واقول ياعبرة عيونً مذاريف=حكم القدر مالي بحكمه بديلي مافيه توصيفً الوضعي وتعريف=وعجزت من شيل الحمول الثقيلي ماني علي الماضي كثيرة تحاسيف=لشك متجيب اليال يغديلي خسارتي تفوق كل التواصيف=قهر اليال الي غدً في خليلي بنيت له فا القلب قصرًعلى الكيف=ممنوع مدخاله على من يجيلي الالياجاصاحبه دون تكليف=تشرع له ابواب الغلا بتهليلي ضيفً حشيم وفوق هذامهوضيف=صاحب محل الامليكً جليلي ايصب له فنجال من دلة السيف=صبة غلا فيهاالحفاوة دليلي والبارحة هبت علي العواصيف=ضاع الامل ومن الزمن عزتيلي |
,,,,,,لوسيلة وادي الرمة من دموعي,,,,,,,,
وش عاد لو هلت دموعي هماليل= -لوسيلت وادي الرمة من دموعي ماردت الي غيبته هدت الحيل =- انا اشهدً فرقاه ليه فجوعي عليه ونات الضماير مواويل =- وعليه قلبي طايرً من ضلو عي عزي الحالي كل ما يظلم الليل =-اليا بدو كل العرب با الهجوعي دكت علي هموم مثل المخاييل =-وذكرت بعده وستلجت ضلوعي يفوح قلبي مثل فوح المعاميل =-واقصر بصوتي وفضحني دموعي انا شهد ان الموت مافيه تبديل =- وانا اشهد الموت مابه رجوعي اواه ثمً اوه ياضلمة الليل =- اليا جتمع لليل الحزن والدموعي وتسابق العبرات سيلً ورا سيل=-وتكسرت بيبان صبرً متوعي اسحب عنان الصبر ورخيه بالحيل=-واقول ياشمس الفرج لك طلوعي لله في خلقة اعجازً وتدليل -= ان الحياة وموتنا له رجوعي |
.......باح الخفا والصبر مني تبرى.........
ياشوق كان الشوق فيك يتحرى=شوقي على شوقه تمنيت ياليت ليت المفارق بيننا مايطرى= اشوقله والبعد منه استشكيت يكسر لجام الصبرويبيح سرى= ياعزتي للحال لو اني اخفيت باح الخفا والصبر مني تبرى= اغليه لوني على الغير خفيت دليل حبه با المحيا تعرى=يابنت اخذ با القلب صك وملك بيت يستاهله لو الخلايق تزرى=والله ماغيره من الخلق حبيت ولفت في حبه كتابً يقرى=درسه حروف الشعر بيتً تلا بيت يساتهله عقب الحرار المظرى= على الكرم والطيب لصويحبي صيت منزل عشيري للنشاما مقرى= قولت هلا يامرحبا فيك حييت عوايده كان البخيل يتدرى=و ارجو السموحة كان با القول ماوفيت كتبت قيفاني على الالف والرى=جاريت في هن صوتها يومي اوحيت |
.....يازمانً فاقد معنى الاخوة.........
يازمانً فاقدً معنى الأخوه=كل حين في متغير كيانه لويمرك كن مهو من السموه=مشتقي في عالمه زاد اشقيانه نسيو المعروف والمعروف توه=كن ما ضيله على عشره ثمانه ونسيو الماجوب مع دعوا الحموه= كل حي/ن/مشتقي يطرد زما نه والأبو ما صار يعرف للأبوه=معطي السواق في بيته مكانه يا حسايف كيف ما عنده امروه=لارقيب ولاحسيب ولا حصا نه جايبً سايق شبا ب تو نوه=ود مريم ؟عند ريم؟ وجيب دانه؟ ودني للحفل لو الوقت توه=ولا تجي بدري قبل وحده لعانه والابو با الاستراحة؟ شب ضوه=قصته لنه ماهو كفو الآمانه المحارم لاتقربها الدنوه !=احذر السو اق قدام الاهانه من يشيل الحمل يبرك له عنوه=والرجل يحفظ مقامه مع لسانه |
......ضاعن معاذيري..........
انا بنجد وصاحبي دونه اقفار=الفين كيلو يا الغلا يفصلنا ياتل قلبي تل يا نازح الدار=عليك بيبان الحشا شلعنا ظاعت معاذيري وبانن الأسرار=كشفت سرٍ بالضلوع استكنا دمعي من الفرقا كما وبل الامطار=غر المزون اليا ارزمن ورعدنا والله منساكم ولوصار م اصار=كود النصايب فوقنا يركزنا انا بليت بحب من يشعم النار=حرًعلى كسب المراجل معنا صفرًمعاميله على جالي النار=وله مجلسً له النشاما تعنا ماصك بابه عن طويلين الاعمار=عليه غضات الصبايا بكنا الطيب من ساسه وهو من هل الكار=وانا وصوف اصويحبي يعجبنا يفدها من يمشي على كل الاقطار=ونجوم في مدارهن يسبحنا ويفداه من ينظم جزيلات الاشعار=واللي على لحن الطرب يرقصنا انا بليت بحبكم يابن الاخيار=وانته كفو حتا ايش لو يزعلنا على الشرف حبي لكم مابها غبار=انظف من البلور لالمعنا ماني من اللي يتقن من ورا جدار=واعراضهن من فعلهن يدنسنا |
.....يامي.........
يامي لاتبكين من فرقا الاحباب= ياما بكت عيني على فراق خلي يامي لك فا القلب منزل ومحراب= اقري بقلب الي يحبك وصلي يامي لو ياقف حبيب على الباب=مقدر اجيه وشوفته متحصلي يامي ندرا سمعة/ن/ بين الاقراب= ادرا على سمعة هلك مع هللي يامي لنا با الحيا ستر وحجاب =لو الغلا لقلوبنا مستحلي يامي لو نضحك ترا الحب غلاب =كم واحدً من بعد خله مغلي يامي قلبي من غلا صاحبي ذاب =يعرف غلاي وبا الغلا مخلصلي يامي يفدونه اعدايه والاصحاب =وتفداه ميلان الوليد ان حصلي يامي قولي معي يارب الارباب =اغفر ذنوب الي ركعلك مذلي |
,,,,,,شفت غر المزون,,,,,,,,,,,,,
شفت غر المزون وقلت وينه وابيه=له سنين وفراقه مزع القلب مزع راح عمري وهو في غيبته ورتجيه=والله اني من الفرقا عليه اتجزع شين فرقاء الاحبه اه ويلي عليه=لودريتم عن الي فا الضلوع يتوزع والله ان المنام عيونكم ماتبيه=كيف وانا غلاًله في ضميري تهزع مثل نبت الخزاما فا الحمى من يجيه=وهو حمنه ضلوي مايجيه المفزع ارفع الراس فيه ايه ارفع الراس فيه=والله انه عن الشبهه بعيد المنزع |
,,,,,صار الطلاق بيدك مثل السلاحي,,,,,,
لو انت صقارن لطلق الجناحي=يمديك عقته عن مطيره والاطار كثرت مواعيد انطلاق السراحي=مثل الذي يوعد بشره والاصار صار الطلاق بيدك مثل السلاحي=رمحن تهّوز به على ضعوف وقصار انشهد انك منت كفو الملاحي=يعوقها محمد وبشرى وبشار اقل هم بفسحته با الصباحي= لعيونهم تصبر على مر ومرار تشرب هماج وتقل تشرب قراحي= والانت ثور وبك طبايع من 0؟ با الله كيف تحللك منت صاحي=ابوك ماتخشا على نفسك العار تبي تطلقها وتطلب مراحي = حقك اكلاشن كوف بيدين بيطار ابواردي متدربً لسلاحي = يحطها وسط الثنادي بمعيار يمسحك ويبقي ارجال الفلاحي= ربعن لهم شيمه وقيمه ومقدار ستر/ العذارا با اليال الشحاحي =سلام ياذكر النشاما والاخيار مايعيبكم واحد من الالف طاحي =ماهو حسوفه لا فنا ميت النار |
.......................سبحة يمينه...........................
يامرحبا واهلين واهلين ثاني=باللي على عرش الغلا رافعينه والله ما مثله على الارض باني=في ناظري والا العرب خابرينه طيب كريم وفيه كل المعاني=حاتم عليه من السخاء مشبهينه يشهد على ماقلت قاصي وداني=وله قيمة ً بين الرفاقه ثمينه الحر حرً والهداني اهداني =والفرق بيّن للذي عارفينه وانا على مدحه غلاي ايحداني=اخلصت له والقلب سبحة يمينه الله عطاه من الغلا ما عطاني=لاتعذلون القلب ياعاذلينه منساه لوجار الاهل والزماني=له منزل /ن/ماظنكم واصلينه بين الضلوع وبين حدب محاني=جود بناه وبا الوفاء مشيدينه والله منساصاحبي لونساني=اسمه على باب الغلا ناقشينه |
......قبلي شكت ليلى الخيلية......
جذبني غلاه بسلك ماينشـا ف= سلوك المحبه سلوكً حريريـه تجيبك لين تاقف على المشراف=مقاسيم والنفس ماموره ومنهيه وانا ما وقفت بموقف الخواف=حشا كل وقفاتي على العز مبنيه شكينا من الفرقاء والزمن مـارا ف=و قبلي شكت ليلى الخيليه فراق الاحبه مر وسم ازعاف= وعزي لمن ناشت رجله الحيه وشكو مر الفراق اشـراف= ولازالت الشكـوا ازا ليـه وانا لي وليفً فاق با الاوصاف=ولا اظنتي با العرب زيه عليه من الرجاله وقار يشاف=شجاع/ن/ كريم وحامي الهيه ولاظن يلومني من يعرف انصاف= لو يعرفه قال والنعم حيه ولكني اخفيه خوف/ن/ من علوم عجاف=وكلامً يجي من ذاك ومن ذيه ناسً على الحكي خيلهم جداف= صباح وهجاد وكل عصريه يقول شفت فلان لو مشاف=سوالف من خياله نقلها حقيقيه وانا احمد الله ماعلي خــلاف= اصيله والانساب حربيه |
وانا القتيل الي شرب دمه عداه
انا اليتيم الي دموعه غشنه= وانا القتيل الي شرب دمه عداه اناالي ضروف الزمان اعسرنه= ونا الضعيف الي محد سمع لنداه عزي لمن مثلي لياله عصنه = من مر وقتي قلت ويلاه عزاه سود الليالي ماعطن ياخذنه= قاسيت منهن لين شفت المعناه هذه ثمان.شهور. مع مثلهنه=مضن على قلبً شكا عظم بلواه ودموع عيني فوق خدي سقنه=حت بخدي بان لدمع مجراه انقل على متني من الهم طنه=وشرب الهماج الوارد البير مروآه جرح الخفا لو الثياب استرنه=يبين في وجه المشقا وتلقاه ياعذلات القب لاتعذلنه= يكفيه ماشاله ويكفيه مجاه كفً ملام وعذلكن وفرنه= الله يعلم با العلن والمخفاه يبقى الرجاء في واحدً ماخفنه=اجروحي الي في ضلوعي مخباه |
على نار الجمر
ياحيات الندم ليش القهر =كيف صرتي ياحياتي غادره لوصبرنا يوم او نصبر دهر=النتايج ماتجي متغايره انقدرت اليوم بكره من قدر= يرجح الميزان وانا الخاسره احسب انه كل ما طال العمر= الحياه اتمر واصبح قادره اكتشفت اني على نار الجمر= اقضي الايام عيني ساهره لوكتبت حروف بوحي والشعر=والليالي و الضروف القاهره الالم نفس الالم و ادها وامر=طعنت الايام طعنه ماهره سددتها لي في لحظة غدر =استباحت طعنتي متكابره وان بغيت الصبر ما اقو الصبر=كل لحظة في حياتي غابره كني الي يقتفونه با الاثر= ايتلفت والفيافي قافره دارت اقداره وحول بالخطر=با المهالك والحياه مخاطره ياحيات الخير يااحكام القدر= الاماني كلها متناحره ما على الدنيا حسوفة يا......= كل شيءً يا حبيبي خابره ماخفاكم شيء من باق الآمر= أتحمل واليالي عابره لك كتبت حروف شعري با السطر=والعباره توحي اني صابره ومع دموع العين اسهر للفجر= قصةً واقع تراها صايره ياحياتن كلها ضيم وقهر =كيف صرتي ياحياتي غادره |
فيها لوفاء...رمز..= متأسفه مكان قصدي ازعلك= وشلون ازعل وحدً هو حياتي اموت في ساعة ولحظة تواصلك = سيب الزعل خل الزعل ياغناتي واذكر ترا مايوم يمكني اجهلك= اذكرك وانا واقفه في صلاتي واسمي الرحمن وصد وسألك= عساي ماني مخطيه يا مناتي والقا الجواب فالحظتي في تأملك= ضحكة ترد الروح في امنياتي رباه يا مروع غلاك وتعاملك= يا منوتي فايامي المقبلاتي اهمل حياتي بس لايمكن اهملك= لو خيروني بينكم والمماتي مخترت غير انته ولاني ببدلك= صدقت لك بحساسي وبكلاماتي كابر حياتي با الغلط و اتحملك= بتحملك حتى للحظة وفاتي لك السلام بكل لحظة وياصلك= فيه الوفاء رمزً من اعلى الصفاتي |
ودي اسافر بين كل الكواكب=بين النجوم وعند حد المجره رحلة عمر مغير راكب وراكب=ننسا بها ا لدنيا حلاها ومره ورتاح من همً على القلب راكب =قلب العنا يبديه والا يسره وانسى حمول/ن متعبه للمناكب=من شال حملي مايعرف المسره اليا لفاه الليل همه تواكب=تجمعتله من انواع المضره غزير دمعي من عيوني سواكب=من هاجس /ن فا القلب شيد مقره غِرقت ببحر الهم كل المراكب=واسعافها عطلاًنً يامن يجره شكيت من مر الليال النواكب=وعانيت منها مرتً بعد مره الحظ دايم للمواقف مواكب=يفرح بعثرات الزمان وتسره يطيح حتى من خيوط العناكب=ومنين ماجته الليالي تفره ودي اسافر بين كل الكواكب=بين النجوم وعند حد المجره رحلة عمر مغير راكب وراكب=ننسابها الدنيا حلاها ومره |
دخيلكم لا تزعلونه حبيبي=حبه حرمني لذت النوم ورقاد ليت اليالي للحبيب تغديبي=وتحطلي مع المحبين ميعاد انا صويبلة وهولي صويبي=ماهمنا كلام حاسد ونقاد الله عطاه من بد المخليق طيبي=وانا غلا خلي له العمرينقاد صوبني بحبه صوابً عطيبي=متسيدً عندي على كل الاسياد حطيت له بين المحاني رقيبي= يامر على كل المشاعر إلا عاد تقيمله فيها احتفالً رهيبي=تعبير عن حبه وقدرة يا الاجواد ماهو من الي فا المذاهب حضيبي=اخلاق دمثه وتواصيف تزداد يقدره منهو قريب وغريبي=وله منسبً عالي على روس الاشهاد من نسل حرب مركعين الحريبي=تا ريخهم يشهد على فعل الاجداد قولوي انه عيب واقول عيبي=إذا تجاوز حبناخط الانقاد |
شربت البداوة وارتويت ابداع =شربت البداوة صافياتً مشاريبي وخذت من الحضارة طعمها الذاع=وتركت الحثاريب مالي فا الحثاريبي وانا لابغيت الشعر ليه باع=وحبلي طويل وجذباته مجاذيبي تحديت وقتي وتنفس من الذعذاع=الياهبت شمال وذعذع الطيبي على روضً خضر ماطبه المرياع=ولادوجت فيه حرش العراقيبي نبت فية البختري والخزاما انواع=مع الشيح مداخل بدون اي ترتيبي وعلى الجانب الشرقي غدير بقاع=تبين عليه الشمس ساعات وتغيبي تغيب وراغرالمزون الي تمزع تمزاع=هماليلها من فوق رجمه شخاتيبي تمايل ديد حانه من الا بد اع =يعا نق قحويانه با ترحيبي تمنيت لون لي مرجا ع=وانزل قبل مغيب الشمس فاشعيبي ورجع طفلةً تلعب بليا قناع=ولاهمها هرج العرب وتعاييبي يناديها ابوه وتجي في ساع=تشب السراج وضحكة الوجه ماتغيبي ويرسلها العمهاضاحي وابو هزاع=تناديهم على قهوة الضحى في مجلس الطيبي رد الشاعر سعد عبد الله المحمدي
الا يالكحيله بنت شيخٍ حسين اطباع=عشير النشام ماكر الجود والطيبي جنيتي على قلبي ونا من قبل ملتاع=بعد شفت صوره ذكرتني بصاحيبي لو القلب ماهو من ورى قبة الاضلاع=كفح كفخت الوكري بحام الواهيبي زرعنا الزروع ولثمرت شجره الزراع=تلواء ورقاها وسبب من معازيبي عجزنا نحصل طمعتٍ من ورى طماع=اخباث النواياء كثرو في عذاريبي ردي على الشاعر سعدعبد الله المحمدي
سعد عبد الله يشكي الاوجاع =-يقول انا شفت صورة ذكرتني با اصاحيبي وانا اقول وقتن راح لايمكن الارجاع=-ولكن ذكرياته فا الضلوع المحاديبي قسم مشالهن قوقل ولازعزعن زعزاع=-يبي يبقن مادام الروح تجريبي عرفت النت واليوتيب والمذياع-=وقناواتً تجيب الخبر مخطيه ومصيبي ولكن مانسيت البداوة ياطويل الباع-=لها ذكريات حلوةً با المواجيبي رد الشاعر الكبيرعلي الفريدي
قريت النشيد وفز له خاطري والتاع= لقيته يمثل مطلب من مطاليبي الا ووجودي وجد ممحل على المرباع=نزل بالمظامي في زمان اللواهيبي على سجة بالبر والعشب فيه انواع =اشاهد خضار العشب واهلي معازيبي هذي منوتي ماني بطامع ولا طماع = مع العافيه ومكمّلات مواجيبي |
راعي الغلا مذبوح مذبوح مذبوح= ياعزتي كانن محد/ن / فطنله ممكن يكون اقرب من الروح للروح = وممكن يكون ابعد من الكون كله وممكن تحبه بس ماهو بمسموح = انك تجيه وتاصله في محله يعني كذا مالك معه اي مصلوح = سجان روحك ماسمح تستظله مدري ..احس ان الغلا شيء مفضوح= يبين لو حاولت تخفيه كله تعال واقراء.. عنايه على البوح = سطرت لك حرف الغلا مستدله انك ملكت بخافقي يا الغلا صروح = شيد تهن .. مليون قصرً وفله .يعني مدينه بس محدً لها يروح = ممنوع يا تيها من الخلق ظله إلاانت ياعمري من الخلق مصروح=الي مصرح خافقً مستحله تبيني اشرحلك وش انته بها الروح ؟= انت الملك فيها وامير .و اهلله.. يكفي ولا تبيني ازيدلك بوح =يا مُنيتيى با العمرو الروح كله ادري اعرف اقول مغليك مذبوح = انته ذبحته سيف بعدك تسله اطعن بروحه مابقاله من الروح =الآ جروحه با الخفا تستغله لاقلت صدقني ترا القلب مجروح = جرحك تجدد فيه .. وانته .تذله |
وقفت في مفرق تقاطع اسنيني=على طريقً مادري كيف ممشاه اما نروح يسار ولا يميني= ولانسيد والمصايب مخباه حكم القدر بجيه لو مايجيني = وكل النتايج عارفتها مبداه ادري بها ماهي المثلي تعيني = دنيا الشقا كاسً من المر ذقناه على جروحي ردد ت للهجيني= لحن الطرب على جروح المشقاه تلعبي الاقدار في كل حيني= تعزف لحن للموت وذل مبداه صرت اتكلم بين نفسي وبيني= خوفً من العدوان لسر تلقاه يافرحم لشا فو الهم فيني= الله خلقهم في حياتي معاناه وانا كذا ماهي معايه تزيني= دنياي وعرفها على الرب مشكاه صبرت لين الصبر قال اتركيني= الي تسوينه انامقدر ارضاه قلت الصبر مافيه غيرك عويني=انت الامل من بعد ربي ومقضاه قال اسمعي هذا مبينك وبيني=شوفيلك احد وكملي الدرب ويهاه انا عجزت اصبر تبي تقتليني= يابنت مالي فيك والصدق منجاه وقفا وانا دموعي على رمش عيني=مسحتها فا الكم قلت اه ويلاه حتى الصبر معادهو لي عويني= عجيب يا نفس العني الوقت مقساه ردوخبر مني كلامن يقيني= ان ابن ادم لارضا ربه ارضاه |
لك منزلُ وسط آلمحاني بنيته= رآح آلعمر وآنا بسيسانه آبني جودت سيسانه وشيدت بيته=لك ياغلآ بين آلمحاني سلبني سرقتني وآنالفعلك رضيته= آلآنهبت آلقلب وفعلك عجبني ياما عذلت آلقلب ياما نهيته=لكن قلبي في غلآكم غلبني آنت آلآمل كان آلآمل مالقيته=وآنت آلرشاء من بيرهمي جذبني فديت عمرك يا حياتي فديته=آنته لي آلبلسم إلى طال غبني ايوالله انك ظل وانا نصيته=آلوذ به عن آلهجير آن لهبني يحرم على قلبً ودآدك عطيته=ينساك لو الوقت بعدك نكبني آنت آلطريق آلي بليلي سريته=يوم آن همي لاتعظم طلبني قنديل في ظلمة حياتي لقيته= بدد ظلامً للموآجع سحبني |
كل المشاعر ماتنادي على الغير=ما ابي اشوف الناس صرت اكره الحي الاكرهت الكل كبير وصغير=اتخيلك من وين ماروح ومشي ,وبيع عمري لوحصل منه تقصير=ارجوك سامحني اذ كنت مخطي واقبل بعذري قبل كل المعاذير=مخطيت لكن قد تجي هاكذ هي احيان تعمل خير وتحصله خير=واحيان ياتي عكس ماكنت تنوي لكن تاكد مالها ايات تفسير=غلطة من الي مانوا يخطي بشي من زود حرصه صاريقرا التعابير=بوجيههم قبل الكلامه يبدي هذه حقيقة قلتها دون تزوير=صدقت معك بكل ما اقول ووفي هذا اعتذاري واقبله دون تاخير=ان كنت معيه مثل موفيك توفي جاك اعتذاري مثل صوت العصافير=في خايعً ممطور لاشك ما مشي فيه النفل والديدحان ونواوير=عله من الوسمي سحابً منشي خمسين يوم ومزنها له شاختير=لين اصتفق بفياضها صافي المي هي منوت الي للوناسه دواوير=شرواك وانت الطيب ياعزوةً لي جيت اعتذر ماجيت اقدم تبارير=عساي وضحت الحقيقة كما هي |
تمهل يابعد عمري تمهل يانظر ها العين=ولاتقف على باب ً ماتعرف منهم آصحابه آنامرضا على مثلك تقول الناس لاقالو كلام ًشين=ولا اجاوب على سوأل عندي ماله ايجابه وفيت معك على عهدي ولاعندي بقايادين=رصدت لجلك رصيد من الغلا مايعرف احسابه آجمع لك من الوردالطبيعي وقدمها لك بكفين=وقبل يدك اليمنا وطلب جعل ترضابه شعوري نحوك شعورً يكسر لك جدآر الصين=غلآ جارف غلا طاغي على قلب العنا ذآبه تمكني غلاك وزادبنيان .الغلآ تمكين=بناله حصن مايدخل جنود الحب في بابه تصدق حتى آنا مدخل ولادري وين بابه وين= ما يفتح غير لاصحابه يجون ومعهم آحبابه يتجمهرلك غلايه ياغلآ ويصف لك صفين=ويعزف لك سلآم بفرقته ولوحن جذآبه وآنـا مـن خلقتـي يانس مشفـت غـيـر اثنـيـن=اخويه بعد ابويه تاج راسي وتعزوابه صدقت بكل ما قلته فلا تصدق بي الواشين= إلى صفو كلام وجملةً . مليون كذابه تحذرهم تحذرهم تراهم مثل عقرب طين=تخفى في ضحاح الما وذيلها عطيب مضرابه صدقت بماكتبت وصادقة ها لحين=آنا كيف بكذب و اشتكي كثرت غيابه تخيلتك سحابة تسقي قلبي المسكين=تحول بوآبلها صحراء الضما فيه إلى غابه ترفق يا غلاقلبي مابقا من صبري شين=غيابك مثل لليلً بهيم وصعب يسرابه غيابك مثل سكينً قسمت قلبي إلى قسمين=حرآم تعمق جروحي يسد القلب ماصابه كبيرة كلمة انساك ؟وبسيطة كلمت آلوآفين=سكنت بنون عيني حرسك الطرف بهدآبه تكون لك غلا في دآخلي يامعظم آلتكوين=زهور آلفل ونرجس وردً فاحت آطيابه كتبت الشعرمن شانك على حرف وعلى حرفين=قريت الشعر بغيابك كتبته وتسلابه {{حــــكحيلةــــــــــــرب}}= |
اشتاق لك شوق البحر لشواطي=عمرك تشوف البحر يهجر شواطيه؟ مقدر على فراقك ولاني بساطي=ياروح روح الروح يا عمر مغليه الله عطاك من الوداد احتياطي=يكفيك والعالم حرامً إن يغطيه ربطني بوده وثيق الرباطي= مسيسً مبناه داخل محانيه مابيع في ودك ولاني بعاطي=الله عطاك من الغلآقدر معطيه سطاعلى قلبي من الودساطي=واحتل فكري والآحاسيس تتليه لبستك اوسمة الغلا والنواطي=انت الامير بقلب حي/ن/معنيه قلبً خلامن غير ودك وحاطي=الا محرم غيركم مايرآعيه لقط ارسال الود منك لقاطي=وغنا على موجة غرآمك بغانيه الي حصل ماهو بجمع النقاطي=الله عطاك من الغلا وأنت زآهيه تم الكلام الي على قاف اطي=سطرت حرفي والمعاني تجي فيه |
اه ياعلمٍ قدح مثل الشظيه=يخطف الانظار نوره في صلاتي بان نوره والقمر والشمس حيه=ياصلاة الله عسى ماهومماتي كيف وانالي رفعت السامريه=ياغناتي مالها حلال والله يا غناتي ماهقيتك تفرح العذال فيه=وانت ستري بالليال الكايداتي عطني المضمون وشرب شاذليه=والله اني في رضاك ارخص حياتي ما اتغالا الروح دونك للمنيه=كيف لوتطلب من الوقت الحظاتي والكحيلة من سلايلها العبيه= هن بنات الريح حصن محصناتي صوت حافرها تقل وقع برديه=ولا تراخ برسن للدانياتي خل عذال الليال السرمديه=ميز الخطوة على وزن اخطواتي كان تبغى للوفا مثلي وفيه=واعتقد ماصار لي مخالفاتي امشي الخطوة على وضحً نقيه= ماتغيرني ليالٍ قاسياتي لو وصلني منك يا المضنون كيه=ادمح الزله وهذه من صفاتي وبالختام ارجوك تقبلها هديه=حكم الموقف قبل فوت الفواتي مع طريقك خل خطواتك ذكيه= ياغنات الروح ياكل امنياتي لك طريقً واضح ٍ مافيه زيه=ان بغيت تشيل حملك في ثباتي وانا اعرفك شهم متحب الرديه=ماتغير ماقفك مثل السراتي ولويحل طويق في موقع طميه=ماتغير موقفك با النايباتي لك ظلال ولك ظلالً جاز ليه=ياهنيي فيه في لحظة مباتي |
يامرحبا ياعضيب ترحيبةٍ لك=مثل المطر لهل وسط الخيالي ترحيب مخصوص وترحيب ياصلك=من الكحيلة بهرت لك ادلالي اهلا هلابك يا الفطين المحنك=يادرعنا عند ازدحام المقالي انته مثل مزنً ركامي نخايلك=صدوق برقه فيه له اشتعالي هلت على روس المعادي هميلك=مثل البرديشيل روس الرجالي ميقافكم واضح ولايقبل الشك=شعارهم منكم ركبهم اهبالي الله على حرفٍ كتبته ومثلك=صليت فيه اكبودهم بالف صالي ياسيفنا المسلول دك العداء دك=شعرك يهز ديارهم والجبالي لوقبلو راسك ولوقبلوا يدك=ما أوفوك حقك ياعريب الخوالي و أرجع اقول اهلاً هلا مرحبا بك=في ملتقانا زدت نوره جمالي اقلط تفظل منزل الطيب منزلك=يانجم بان وفي سماء الشعرعالي {{حــ كحيلة ـــرب}}= |
مساء الخير يا فارس ويا خيال=خذ القاف يومني كتبته وحررته انا ابيك ستري ورجال رجال=غلاك الي بقلبي وردته و صدرته انا ابيك ياعمري رداي وشال=اضفيه من متني على الصدر حدرته زهابي وبهيبه عمام وخال=وقول هذا الي بقلبي تخيرته مادام تقول الحال نفس الحال=على ويش ياعمري تكاثرته واناودي اصفى من قراح زلال=واباموت ماقالو غلاها مغيرته ولاهمني حكي حاسد ولاعذال=ولاهمني حكيً مع الناس خابرته مادامي مامشيت الدروب اذلال= فلا يهمني حكي ولاني معبرته لك الود ياودي بهاردلال=وبسقيك من فنجالهن يوم حضرته على العز وكبار وقدر وجلال=تبها بشربه عند ربعك إلى اذكرته |
وقلبي الي كما ناعم الريش=ريشً تعلق له على غصً سدره تلعب به ارياح الغلا لومانيش=من سبة الي غالي وعز قدره الي عليه اضلوع قلبي هشاهيش=وكم دمعتً سالت على الخد حدْره ,والله مدري كيف من دونه اعيش=القلب من بعده مودع الصدره كنه تلاعبه اسيوف مراهيش=مسلم من كونه ولاكف كدره يناقلين العم يا لي مطاريش=ردو خبر مالي على الصبرقدره منساه لين اشال فوق النواعيش=في لاحظةً كل المخاليق كدْره معليش يا قلب العنا صبر معليش=لابد لهمو مك عقب ورد صدره |
اليوم صمتي فيه من نفس صمته=نفس الجمود الي طغى بالمشاعر لاهو بفاهمني وانا مافهمته=جرح الزمان الي على القلب جاير استسلمت روحي الهمً علمته=وستسلمت كل المحاني خساير كتبت حرفي با الخفى ثم زهمته=وجاني يسوق الهم معه البشاير يقول هذا سهمك الي سهمته=حظ الند م فاشل وخاسر وباير يعني على ماقيل والي فهمته=انتي كذا تمشين والامر ساير استوقفت لحظة شقايه اعتمته=لليل الشقاء والهم كايد وجاير قرات قرآني ولليل اقمته=وجنبت عن كل الذنــوب الكباير ودرب الردا حرام انا ماخطمته=,وموت ما قالو هاك الشيء صاير ادراء السمعه عن عدو/ن وشمته=ودراء وجيه مغفلين العشاير واسم الحروب الي بكفي رسمته=اسمي حـكحيلةـــرب ان كنت حاير في عزت الاسلام امري ختمته=خوذو صحيح القول مابه زواير وختامها صول على من حشمته=مكة وطيبة عد مازار زاير |
البارحه ليلي قضيت اتحرى =عيا لذيذ النوم يقرب جفوني من هاجس /ن/ بين الضلوع يتذرى=لاواعنا حالي ولاواشطوني من بعدكم جاشي به الفين حرى=ياليت لوناديت لي تسمعوني يا اللي لكم بين الحنايا مقرى= مغيركم با الكون يملآ عيوني سلمت قلبي وحكمه ماتورى=لاياخذنك يا غلاي الظنوني اعلنت في ودك وسريت سرى= وبكيفهم لوشككو با الظنوني ياحر/ن/ لصيد الحباري مضرى=الله عطاكم فوق ماتطلبوني غلاك في صفة غلاهم تزرى=تمون ياروحي عليه تموني وغيرك فلايحلم بها لوتجرى=عهدً علي منساك لو يدفنوني خلك صدق في مايقول واقرى=ويا طلبين العلم لاتسألوني شيً من الله كل نفعً وضرى=اللي له بصلاتكم تسجدوني تمت على شطرمن الآلف والرى=وشطرعلى يان واوً ونوني |
اهلاً هلابـك عـد مـا بـارقً لاح=يا للي ملكت الروح غصبً عليـه صافين لك با لود غـلاك مانـزاح=لوزيحت اجبال الحجـاز الرسيـه انت الذي لك في خفا الروح مسراح=وانت الذي عيني الشوفـه شقيـه اسمك ينسيني همومـي وتنـزاح=وشلون شوفـك ياغناتـي عليـه صدقتلك بـا الـود والـود ذبـاح=ولاني بحال اللي جـداه . الزريـه فتحت لك باب الغـلا دون مفتـاح=وسكرت بابه عن جميـع البريـه وعطرت جو الود في عطر فـواح=عطر البيوت اللي على السامريـه والله لـو القلـب بيديـن جـراح=مايزيل ودك دام ها النفـس حيـه لك المكانه فوق عن كـل الارواح=ناظـر لهـم في نظـرة المحقريـه خذراحتك عساك مبسـوط مرتـاح=لاتنقل اهمـوم الخطـى والخطيـه لابـد مـن يـومً يعمـن الافـراح=دنياك ماتبقى علـى الحـال ذيـه ماقلت هذا القـول لعـب ومـزاح=تدري صدقت بمـا كتبنـه ايديـه |
هذا شماغة مع اعقاله=وذي سبحته كان ناسيها وإذا مجلسه داخل الصاله=وهذه المخده رقد فيها وهنا سألته عن احواله=وهنا كملنا الباقيها وذا مجلسه وسطه ادلاله=شرب قهوته مسويها وهذا العطر كان يحلاله=رشيتله وهتنا فيها حتى دولابه على حاله=ملابسه كان كاويها ليه السفر صار مواله=والنفس معه معنيها عزي الحالي عقب حاله=ادموعيني تواسيها البيت بديت بهماله=مالي بدنيا مهو فيها الكحل ماعاد نبغاله=لمين احطه؟ياناسيها يوم اتصل رقم جواله=هلت عيوني عباريها من فرحتي فيه يا خاله=طشيت بياله وشاهيها كلمت والعين سباله=مع غصةالصوت وخفيها وشبك كذا ليه ياهاله=بعدك على الكبد كاويها |
الساعة الآن 10:45 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir