|
ديوان احمد حمود حلتيت الجريسي الجهني
لايا قليل العرف والعقل والشور=بسوق المراجل مانجيب الهزيله نمشي مع الوافين في بر وبحور=ولانبني الا فالرجوم الطويله ولا انت مسكين وبالحيل مغرور=وفيك الوهم يسعى في صبحه وليله وقلبك رهين الحقد وبالحسد مغمور=لوتضحك بوجهي بصدرك مليله كذاب من يومك وبالكذب مشهور=نعرف دروبك ياربات الفشيله يابوجنوبٍ مابها احساس وشعور=وحملك على غيرك نشوفك تحيله تعال باكتبلك من المرجله اسطور=عساك تحفظ حرفها يالهبيله واعطيك من دين الهدى شمعه ونور=عسى فؤادك ينجلي من غليله انا زرعت الخير يازارع اشرور=وكلاً على ماقيل يجني حصيله ماضيك محفوظٍ وبالختم ممهور=دايم على ربعك تجيب الحفيله بنيت انا بالجود دارٍ وله سور=مدهال لهل الطيب واهل الجزيله وعدالمراجل ملكنا هيه ياثور=وياما رويناكم ولاشي جميله ابعد ولاتقرب تراء مالك احضور=مادام خبثك في عروقك تشيله |
رسالة عتب
سلا م الله على اللي لاقريب ولا نقول ابعيد= سلام الله على من راح عنا وختفى ضيه تحيه من صميم القلب يلي في جفاك اتزيد=تحيه ياخوي الدرب فيني عروقها حيه اناليه سنه وشهور اشوف الحال فيك اجديد =تغير يلخوي طبعك عسى ماباس ماسيه اناظر فيك واهوجس وردد هاجسي واعيد=ويطول الليال في متكاي احسب ذيك مع ذيه تعال اشرح وسارحني وجيب العلم بأتاكيد=تعال ارجع لمبدانا وخلك صافي النيه صروف الدهر لوجتنا علينا سددت تسيد=اناعهدي معك وافي ولاتلقى عهد زيه انا لواحدٍ غيرك تراء ماعاتبه ياسيد=اجنب وبتعد وابعد وسيبه غارق ابغيه تراء دنياالعنى ياصاح ماتمشي على من ريد=تعاكس دربنا الواضح وتوسم بالحشاء كيه |
تسلم يابو فارس
راعي الجزلات دائما وياليت تتحفنا بكل قصائدك في هذا الديوان دمت بعز يالغالي |
يا طير يالي بأسماء تسابق الريح=دوك الرسائل ودها صوب اهلها ورقى على متن الهواء دوم لا تريح=ترى الوقيده في خفوقي شعلها وجيب الخبر بالحال ياساكن الشيح=عسى الجروح اتروح ويبرى عللها قله ترى سر الهواء ما بعد بيح=بقاع الحشاء باني بيوت ونزلها والقلب قله بعدك ايقوم ويطيح=والروح من فرقاك زايد زعلها عساه يرجع عقب هب المراويح=ويحيي عروقٍ في حشايا ذبلها يا طير صبري طال ولاشي تفاريح=غير الهموم اللي توالا هملها هم(ن)طفاء يا طير نور المصابيح=وسود الليالي غيبته لي سدلها |
يامن علينا تبدي الود بكلوف=من بعد صدقتنا وذيك الرحابة ابداء وتبين وجعل العلم مكشوف= لا تدرق خلف القناع وحجابه ترى الحروف بلانقط ماهي احروف=حط النقط بقراء حروف الكتابة كثر التصنع يدمي الجرح بالجوف=وشرب القراح يروح نطرد سرابه بين علومك ومسح الجرح بالصوف=اما يطيب الجرح ولانتحابه لك شوفة وانا من اللي لهم شوف=وكلاً على جسمه يفصل ثيابه اللي مضى نسعى مع الود ونطوف=واليوم ضاع الود ونصك بابه احذر ترى دنياك لودقت الدفوف=لو العب تلك من لحون الربابة لابدها تمضي ويسريبك الخوف=ويمضي ربيع العمر ويقفي شبابه ويسرع ما تنزلك من عالي الطوف= في قبرها وتهل فوقك ترابه |
مراسلات
(((((مراسله بيني وبين الشاعر حمد بن جعفر الشيخ)))))= دار الزمن ياحمد والقلب فيها استدار=صابر على عسر الايام وميلاتها مره تجينا قراح وعد خالي المرار=ومرار مرة كما الحنظل في شرباتها دنيا غريبه اتقلب ما تعرف القرار=تقبل وتقفي ولأتثبت في حالاتها انجاتنا مقبله تدق زير(ن)وطار=وتجلس اللي هواها فوق نجماتها ولودعة يا حمد تشيب منها الصغر=اللي بياض البن مشرق على شفاتها المسعد اللي عرفها ياحمد وستجار=منها برابه وجنب كل غراتها ما فادت اللي مشى من قبل فيها وسار=ولأعزة اللي جمع ماله في خزناتها ((((الرد من الشاعر حمد))))= دورات الأيام فيها عبرةٍ واعتبار=ولابد من يوم ما ناكل مطباتها الله خلقها كذا ليل وظلام ونهار=ديم حلاواتها تنسي مراراتها ان اقبلت بالحرير اتقاد يمنى ويسار=ونكان قفت ما قادتها قوياتها ان كان دقت طبول الخير خير وخيار=وآنكان دقت طبول الحرب عاداتها اللي يشيب نهار العرض جنة ونار=وحطام دنياك لا تحسب احسابها لا كنها مزرعة للأخرة وادخار=للي عمرها بذكره ونال جناتها |
((((قصيدة في قبيلة حرب))))= هجرس وغني ياهجوسي بالشعار=وجيب المثايل لربوع الحشامي ابحر وروح في غزيرات الابحار=وهات الجواهر وافيات وتمامي لضيوفنا حماية الدار والجار=اللي لهم بالمجد ذرو السنامي رحبهم ترحيب مزناً بالمطار=اللي حياها مرويٍ كل ظامي عزالله ان الدار فرحت بالأخيار=بضيوفنا والي حضر بالمقامي يا مرحبا وسع السماء وكل الامدار=ويا مرحبا عد الشجر والنوامي احروب لاهبة هبائب بالأخطار=تقلط على العدوان مثل العسامي احروب في وقت القاء تشعل النار=ولأحل وقت الطيب برد وسلامي للجار حشمه في حماهم ومقدار=ما يزعلوه بيوم لو بالكلامي تشهد بها العربان وتقر الاخبار=والوائلي يشد بذيك العوامي يذكرلنا يوم ابتلا والمرض جار=والصبح حلاله للعرب ما يسامي الرهو عليه الطيب موفين الاشبار=والصبح معاهم يرتوي لظوامي بدعي عسى الله ياطويلين الاعمار= تبقى بيارق عزكم في وامي وحنا جهينة ذكرنا بأكل الامصار=ما يوم غاب العز عنا وصامي لوما خذينا العز يزعل ويحتار=ويأخذ علينا عهود ويأخذ لا زامي ما نتركه لوسار بالوقت ما سار=لو اجتمع ضو النهار وظلامي ونعمين في كل القبائل ولأختار=كل العرب بالطيب تأخذ وسامي وصلاة ربي عد ما طائر طار=وعداد من هلل وكبر وقامي على نبيٍ ارتقا وقت الاسحار= وجاب الشريعة وافيه بالعلامي |
ابو فارس الجريسي يعطيك العافية وسلمت يالغالي .
لك مني جزيل الشكر والاحترام |
قصيدة ينبع النخل
البارحة ساقني ربي على الديرة=في واجب(ن)ما تؤخر عنه الاقدامي كملت في واجبي وصابتني الحيرة=بالديرة اللي هواها داخلي هامي سرحت بالفكر اراجع ماضي السيرة=ورجعتبي الذاكرة لماضي اعوامي ذكرت فيها النخل والعين والجيرة=وذكرت فيها رجال اكبار و علامي وذكرت فيها نظام الخيف وتعميرة=يوم العرب تجتهد بحزم ولزامي اللي مضى صمد عاصي مرهيٍ خيرة=جنات زرع وعيون تروي الظامي والطير فيها يجر الحن تعبيره=ورياح زهر تفوح بجوها سامي اللي مضى ديرتي تضوي كما النيرة=يعرف بها من سكن بالشرق وشامي واليوم غير الرسوم وياالله الخيرة=والطلال تبكي عليها ماضي اليامي سبحان منهو بهاذ الكون تدبيره=يميت ويحيي اليباس ودق العظامي ابدعي الله ولابرجي احد غيرة=يسوق مزناً حياها يرزم الرزامي في ديرتي اهلها وتظهر تباشيره=وترجع عيوناًلها في ينبع وسامي |
قصيدة في لابتي جهينة
يالهاجس اللي دواماً رافعٍ راسي=عطني مثايل جزيلات معانيها صيغ الجواهر وزين عقدها الماسي=اليوم لافي على ربعي با حييها سلام ياعزوتي وربعي وناسي=سلام اللابة ربي معليها مني تحية لكم من عطر الأنفاس=تنثر شذا عطرها من راس راعيها حنا هل المجد ونوماس واساسي=حنا الجبال الثقيلة في مراسيها لنا على النائفة داراً ومجلاسي=وامجادنا صفحة التاريخ تبديها جود الكرم والوفاء فينا بلاقياسي=متخالطٍ مع دمانا في مجاريها رجالنا فيه عزوفيه نوماسي=وفيه الشهامة تعلت مع معاليها يوم الوغاء يشتعل ودق الاجراسي=ربعي بحوض المنايا الروح ترميها ربعي ومنطبعها تطويعه القاسي=وتشوش لا جابة الدنيا بلاويها ياالله ياخالقٍ من كل الاجناسي=تحفظ جهينة على العزة وتبقيها واليوم حنا لدار العز حراسي=من حدها لحدها بالروح نفديها وياالله تحفظ لنا اللي دوم نبراسي=عبدالله اللي يعز الدار مغليها هوسيدي راعي الطلات والباسي= اللي يصون الشريعة من معاديها وعضيدة اللي كما حراً وقرناسي=نايف ونايف على العليا ومراقيها وصلاة ربي عدد ما هب نسناسي=على نبياً دروبه نقتدي فيها |
هذه القصيدة القيتها في حفل معايدة قبيلة المزاريع في 3/10/1432ه=
ســـلام يـاهــل الـعـيـد يـاربـعـة الـــدار=يــاربــعــةٍ بــالــجــود دايــــــم كــريــمــه وثنـي سـلام الطيـب لـرجـال حـضـار=اهـــل الـعـقــول الـراجـحــه ولفـهـيـمـه تـحـيـةٍفـي طـيـبـهـا عــطـــر الازهـــــار=تنـصـى ربــوعٍٍ بـالـوفـاء مستـديـمـه ربــعٍٍ لـهــا بـالـجـود رســـمٍ وتـذكــار=تـاريـخ وافــي مـــن عـصــورٍ قـديـمـه لـواكـتـب الامـثــال واقــــول الاشــعــار=مـاظـنـتـي بــوفـــي ربـــــوعٍ حـشـيـمــه عسى الولي يحفظ طوليـن الاشبـار=الــلـــي عــلـــى عـزالـمـراجــل مـقـيـمــه وياعل سحب الغيث ترهي بالامطار=وتهـل مـزن الخـيـر مــن كــل غيـمـه وتسقي ربوع الدار وتزيـن الاشجـار=وتحيي عروقٍ عقب ماهي هشيمـه ولجل الوفـاء جينـا ضيـوفٍ وخطـار=بـنـكـمـل الـمـاجــوب قـــــدراً وشـيــمــه والله يـديـم الطـيـب مـابـيـن الاخـيــار=اهـــل الـمـعـارف والـعـقـول الحكـيـمـه ويحفـظ بـلاد العـز مـن كـل الاشــرار=وتبـقـى عـلـى طــول اليـالـي مـديـمـه وياسامعي صلو على خيـر الاخيـار=وزيـدو بـذكـر الـلـي نعـيـش بنعيـمـه |
اخواني الافاضل هذه القصيدة القيتها في حفل تكريم الشاعر الكبير جنيه الذهب
الشاعر محمد بن متروك السناني اقامتة قبيلة هذيل مناسبة حصولة على لقب شاعر الموسم اتمنى ان تحوز على رضاكم وستحسانكم
صيغ الجواهر ياهجوسـي بالأشعـار=وانظملـي مـن عـز الجواهـر قصـيـدة ابـحـر وروح فــي غـزيـرات الابـحــار=ابـحـر وعـطـنـي مـــن دررك الـفـريـدة بانصابها ربعاً علـى الطيـب حضـار=بانـصـابـهـا ربــعــاً تـجـيــب الـبـعـيــدة ســـــــلام للهذلان حــمــايـــة الــــــــدار=ســـــلام لـــلـــي حـــاضـــراً بـالـوعــيــدة هـذيـل وافـــي ذكـرهــا بـكــل الاقـطــار=هـذيــل جـــود الـطـيـب دايـــم تـجـيـدة تشهدلهـا بطيـب الـكـرم شـبـة الـنـار=وبن اليمن يشهد من ارض الحديدة دخيلـهـم يـرتـاح مــن ضـيـم الامـــرار=يـاخـذ حقـوقـه وافـيــه مـــن ضـهـيـدة يــوم المـغـازي تجـتـلـد عـــج وغـبــار=خـيـالـهـم يـنــطــح جـمــوعــاً عــديـــدة عسـى السحـاب ايهـل بهذيـل مـدرار=يسقي عروق النخل ويـروي جريـدة وانــا الجريـسـي ياطويلـيـن الاشـبـار=مـــن لأبـــةٍ طـيــب الـمـراجــل تــزيــدة ربعـي جهينـة تــاج راســي يـالاحـرار=عــدالـــة الــمــايــل نـــهـــار الــوقــيــدة ربعي لها من ماضـي الوقـت تذكـار=يــوم الـوغــا يـلـمـع بـــروق ورعـيــدة رجالـنـا مـــن بـــادي الـعـمـر هـــودار=طـيـب الـكـرم والـجـود مخـتـوم بـيــدة وكــل القبـايـل عنـدهـا طـيـب مـقــدار=ولاتـبـنـي الـلــى بـالـرجــوم الـجـويــدة ويالله يـاعــالــم خــفــيــات الاســــــرار=يــاواحـــداً كـــــل الــخــلايــق عــبــيــدة تحفـظ ديـار العـز عـن شـر الاشـرار=ديــرة هـــل التـوحـيـد واهـــل العـقـيـدة وتحفـظ لنـا عبـدالله اللـي لنـا شعـار=اللـي بـحـب الشـعـب ينـبـض وريــدة وختامـهـا صـلـو عـلـى سـيـد الابــرار=نـبــيــنــا راع الــخــصـــال الــحــمــيــدة |
اخواني اعضاء وزوار منتدانا العامر هذه القصيدة
قدمتها الى قبيلة المزاريع بمناسبة شفاء الشيخ حامد المزروعي في الحفلة التي اقاموها له قبيلتة وقد القاها نيابة عني الشاعر القدير احمد بن سعيد المزروعي اتمنا من الله العلي القدير ان اكون قدوفقت بها ولو ان اصحابنا المزاريع يستاهلون افضل من هذه القصيدة
ســـلام مــنــا عــلــى الــلــي دايــــم نـجـلــه=شـيــخ الـمـزاريــع لــــه تـقـديـرنـا الـغـالــي تـــحـــيـــةٍ وافــــيـــــه بـــالـــديـــن والـــمـــلـــه=تنصـى رجـال الوفـاء فــي كــل الاحـوالـي ياشـيـخ يـاالـي صـــروف الـدهــر حـطـلـه=مـــــن الـمـقـاديــر ذاق الــمـــر والــحــالــي طـهــوريــاشــيــخ والله يــــبـــــري الـــعـــلـــه=ونــشــوفــك بـعـافــيــه يــاطــيــب الــفــالــي الـيــوم فــرحــة ربــوعــك شـمـســه مـطـلــه=بـسـلامـتــك يـاعــريــب الــجـــد والـخــالــي صــيــت الـنـشـامـا لــفــى واقــــول عــــزالله=يـسـتـاهـلـون الـثــنــا جـزلــيــن الافـعــالــي انـااشـهــد ان الـصـقــر جـنـحـانــه تـقــلــه=يـهـد فــي طيبـهـا ويـبـدي عـلـى الجـالـي وانـــا مـــن اهـــل الـوفــاء ودربــــي ادلــــه=امـشـي دروب الـوفـاء فــي دق وجـلالـي تــجــارتـــي عــرفــكـــم ومــربــحـــي كــــلــــه=وطيب المراجل رصيدي هو وراس مالي ويالله يــالـــي تــســـوق الـغــيــث وتـهــلــه=تــعــز ربــعــاً لــهـــا بـاالـطـيــب مـدهــالــي وصــلاة ربــي عـلــى مـحـمـد رســـول الله=شفـيـعـنـا يــــوم حــشــراً فــيـــه الاهــوالـــي |
قصيدة في سيدي خادم الحرمين الشريفين الملك عبدالله
ياهاجـسـي قــوم هــات الـشـعـر أغنـيـبـه=الــيــوم فــرحــه وكــــل الــنــاس فـرحــانــه فـرحــه سـعـيـده بـسـلامـة سـيــد الطـيـبـه=ملـيـكـنـا الــلــى سـكـنــا داخــــل اعـيــانــه = ريـف الضعيـف ونصـيـر الـلـى يماريـبـه=عـــــــادل ولايــرتــخـــي كـــفــــه ومــيــزانـــه ويـــااالله يـلــي خـفـايــا الـغـيــب تـدريـبــه=يـاالـواحـد الـلــى يـهــل الـغـيــث وامــزانــه تـحـفـظ لـنــا راعــــي الــطــالات والـهـيـبـه=عــبـــدالله الــلـــى ســنـــام المـجـدعـنـوانـه صـقـرالـعـرب ســيـــدي لاشـــــك ولاريــبـــه=يـشـهـدلـه الـمــجــد فـــــي داره ومـيــدانــه حــكــيــم رايً وكــــــل الـــعـــرب تـحـكـيـبــه=يـاكــم مـنــهُ تــــذرا فــــي ذراى أغـصـانــه سـلـيـل عـود(ن)رســى حـكـمــه وتـرتـيـبـه=وحـدشــتــات الـجــزيــره وكـــــل عــربــانــه وعـضـيـده الـلــى يــمــد الـخـيــر يـرهـيـبـه=غلـب علـى الحاتمـي فـي مـدات ايمـانـه سلـطـان فـــي قلـوبـنـا والـشـعـب يزهـيـبـه=يــــاالله لــنــا تـحـفـظـه وتــعـــز سـلـطـانــه والـنـايـب الـلــى عــلــى الـقـمــه مـراقـيـبـه=نايـف ونايـف عـن اهـل الظـلـم واعـوانـه سيف (ن)على الحق ماتخطي مظاريبه=اخـمـدلـنــا فـتــنــة الـشـيـطــان واخـــوانـــه ويـــاالله يـاحـافــظ الاقــــدار فــــي غـيـبــه=يـــاواحـــداً نــرتــجــي لـــرضـــاه وجــنــانــه اتــعـــز داراًبــهـــا مـــكـــه وبـــهـــا طــيــبــه=داراً عـن الشـرك طـول الـوقـت منصـانـه هـــي عـزنــا دارنـــا وقـلـبــي ومقـاضـيـبـه=هــــي روحــنــا ودمـنـاوعـرقـي وشـريـانــه مكـانـهـافـي نــظـــر شــوفـــي ومـهـاديـبــه=متربـعـه خـلــف رمـــش الـعـيـن وجـفـانـه وصــلات ربــي عـلــى الـــي نورنمشـيـبـه=عــلـــى الـــــذي حـجــتــه ايــــــات قـــرانـــه |
الى جميع اخواني في هذا منتدى العامراسعد الله اوقاتكم بكل خير وعافية
هذي القصيدة القيتها في حفل زواج ابناء اخونا احمد الفارسي يوم الخميس الموافق12/4/1432هـ
سـلام عـد النسايـم مـن هـبـوب الشـمـال=لـربـعــه الــلــي بــــراس الـمـجــد مـنـزالـهــا تحيةٍعـطـرهـا يــســري عــلــى كــــل جــــال=تلفي على اهل الفـرح ولـي وفـاء جالهـا ربعاٍعلى الطيب تبني فوق صـم الجبـال=متـعـلـيٍٍ طيـبـهـا فــــي مــرقــب جـبـالـهـا مـبـروك ياصاحـبـي يانـسـل عــز الـرجـال=الـفـيــن مــبــروك جـعـلــه وســعــد فـالــهــا جعـل الفـرح دوم عـنـدك ياكـريـم السـبـال=يـضـوي نـجـوم الـسـمـا ويـنــور اهـلالـهـا وحنا جهينة لعلم الطيب شمس وظـلال=نـــارد عـــدود الــوفــاء ونــجــود احـبـالـهـا طيـب الوفـاء عنـدنـا يالفـارسـي راسـمـال=مـــن بـــادي الـوقــت هـــذا دوم رسمـالـهـا وكـل القبايـل لهـا باالطيـب درب ومجـال=اتـســوق ذود الـوفــاء وتـنــوخ الـرحـالـهـا ويـاالله ياضافيـن ستـرك علـى كــل حــال=تعـز دار السعـود الـلـي ضـفـاء ضلالـهـا وتعـز صقـر العـرب الـلـي حـكـم بالـعـدال=هـوسـيــدي راعــــي الـعــوجــاء وخـيـالـهـا وصلاة ربي على الهادي حميد الخصال=عـلـى الــذي حـطــم الاصـنــام ثـــم زالـهــا |
((((((الوصية))))
يـــا فــــارس ادنــــي دلــتــي ولفـنـاجـيـل=وهــات البـهـار الـلـي يـزيـل العـسـامـي وشــب ضــو الـنـار ووقـــد بـهــا حـيــل=وحـــرص علـيـهـا يـــا فــتــى لاتـنـامــي وحمـس لنـا بـن اليمـن ووجــد الهـيـل=وجـهـز لـنـا كـيـف الـرجــال الحـشـامـي ودي بتعلـيـلـه مـــع الــجــدي وسـهـيــل=بـــا رافـــق النـجـمـات فـــوق ألغـمـامـي عــســاي اســلــي خــاطــري بالتـمـاثـيـل=وأنـسـى الهـمـوم الـلــي علـيـنـا تـزامــي أيــامـــنـــا يــــأبــــوك هــــــــم وغــرابـــيـــل=عـــــوج الـلـيـالــي تـجـتــلــد بــإظــلامــي أزريـــت أمـيــز حـالـهـا وعــــدل الـمـيــل=نـبـغــا الــســلام ومــــا لـقـيـنـا ســلامــي فــي ضحكـهـا يـأبـوك غــدر ومحـابـيـل=يـاكــم مـــن قــفــت ضـعـونــه ضــوامــي بوصيك عن درب الوفاء دوم لا تحيل=امشـي طريـق الطيـب وسـمـع كـلامـي وخـلـك لربـعـك ياضنيـنـي كـمـا شعـيـل=يشـيـل حـمـل الـقـوم ويمـشـي همـامـي رجل(ن)بالـيـا ربــع مــا ينـطـح الـخـيـل=ولا يمـشـي الخـطـوة كسـيـر ألعـظـامـي وكمل فروض الدين ولا تنقـص الكيـل=وحـفــظ صـلاتــك يـــا فـتــى وصـيـامـي ينفـعـك فــي يـومـاً يـجـي حــرة أمـهـيـل=وكـــــلاً عــلـــى زاده بـيــاخــذ وســـامـــي خــذ الـحـذر يــا مسـنـدي وفـهـم القـيـل=وحـفــظ وصـاتــي يـــا رفـيــع ألمـقـامـي |
يــــــاالله يـــاربـــي عــلــيــك اتــكــالــي=يالـواحـد الـلــي دايـــمٍ فـــي رجـاويــه رب الــعــبــاد والـــيــــاً كـــــــل والـــــــي=محيي هشيم العظم ولعرق محييـه تستـر علينـا مـن صــدوف الليـالـي=اللـي يضيـق الصـدر منهـا وتكويـه دنـيــا غـــروره مـآبـهـا طـيــب فـالــي=تزيـن يـوم ويـوم ياصـحـاب تشنـيـه تقـبـل علـيـنـا مـثــل زهـــر الخـمـالـي=ولأودعـت يبـس الحيـا فــي مـراويـه مـــاهــــي مـــعــــزة دنـــيــــةٍ لـــزوالــــي=والمـوت لـوطـال العـمـر يــوم يلفـيـه بعض العرب يمشـي بكبـر وخيالـي=يتـبـع هــواه ودايــم إبلـيـس مـغـويـه يمـشـي وكـنـه بـيــن نـجــم وهـلالــي=مايـدري أن الـمـوت يتـبـع خطـاويـه أبنـصـح ألـلـي عــاد يبـغـى الـتـوالـي=لـيـحـط دنـيــا فـانـيـة فــــي هـقـاويــه حـنـا ضـيـوف وكلـنـا فــي إرتـحـالـي=مــــا للـمـسـافـر غــيــر زادٍ مـســويــه ينـفـعـه فـــي يـــوم يـجـيـلـه ســؤالــي=يوم (ن) يفر المرء من عند مؤويه وصــلات ربــي عــد مــزن الخيـالـي=وعـداد مـابـرقٍ بــرق مــن مناشـيـه عـلــى نـبـيـن يـشـفــع بــكــل حــالــي=للمـسـلـم الـلــي دايـــمٍ فـــي حـراويــه |
دواليب الايام
تحركت فينا دواليب الايام=وسارت بنا مابين برد وسمومي عشناومشيناوالتعب المشي الاقدام=وشفنا قرارالقاع وشفناالنجومي شفنا الذي لطيب وافي ومقدام=يمشي على وضح النقاء والسلومي متعلىٍ مثل الضياء بروس الاعلام=يرقى ويبني في طويل الرجومي عن ماقفه مايوم غفى ولانام=حراً لياجات الموقف عزومي في مجلسه تلقى معاميلن احشام=ينصابها جاراًوربعٍاً قرمومي لضيف يبذل من تراحيب الكرام=اللي لهاباالجود مبدا ورسومي وشفنا الذي ماغير صورة وهندام=يخدعك زوله لابداء بالقدومي عايش حياته في تفاكير الاوهام=عن واقعه مبعد بطيف الحلومي عزالله ان البوم لو بالفضاء حام=لوعينك اتشوفه بحد الغيومي ماهو كما طير السعد حر لياقام=في هدته يظهر كبير العزومي هذي حقايق خطته روس الاقلام=عن واقعٍ يبدي علي كل يومي |
الله يانجم(ن)سرى تالي الليل=وقفى وقلبي غارقاً في طعونه صوتله يانجم بدري عن الميل=قال العفو مغيبي قرب حتونه لاكن تصبر ونهض العزم بالحيل=وخلك مع اللي ساهرات عيونه هذا مقدر والليالي مقابيل=لابدها تنسيك رسمي والونه قفى وحزني مثل سيل المخاييل=والروح ذابت من هواه وفتونه مالي جدايا غير نظم التماثيل=عساي السلي خاطري من حزونه لاجيت ابنسا اللي رموشه مظاليل=هب الشمال وذكرتني مزونه ولامن غفيت احلوم ليلي مراسيل=ونوم الكرى من ناظري يسحبونه ولامن جلسنا مع ربوعاًمداهيل= سرابي الهاجوس بقصى ظنونه الله من حظ(ن)عثر سبق الخيل=بعد الطلائع جاء يسحب رسونه |
قصيدة الشيخ محمد الزايدي الجهني
قصيدة القيتها في حفل الشيخ محمد صالح الزايدي الجهني
في يوم الاربعاء الموافق 3/11/1433هـ
ياهاجس ابذل للوفاء كل مجهود=انظم بيوت الشعر عطني دررها هلي ورحب وابذل الطيب بازود=لضيوفنا اللي معتلين ابنظرها يامرحبا ترحيب وافي بلا حدود=وسع السماء ولارض ويضا بحرها تحية تروي مصادير وورد=من طيبها عذب القراح ابنهرها مني ومن ربعي جهينه هل الجود=الابه اللي عزها في ظفرها العزوه اللي مجدهاراقي اسنود=ترقى على شم الجبال بصطرها في حفل منهو بالوفاء دايم يجود=الشيخ ابوسلطان طيبه عمرها شيخٍ يطول الطايله داوم ويزود=يبني على صم الجبال وحجرها من ساس قومٍ مجدها دوم مشهود=زوايدة لاجيت ابذكر فخرها مع دولة ابن سعود قادات وجنود=يشهدلها البيرق وثابت خبرها يوم الليالي عج ملح وبارود=لزايدي نار يضوي شررها فيها الكرم والجود من ماضي اعهود=مايوم غاب الجود عنها ونكرها ولانسى بذكر الطيب شيخاً له اعدود=طاف البحور بطيب جود وعبرها سعيد ابوتركي عسى عزه امدود=ذخر الرجال اللي ينومس سبرها ونامن اللي فالمواقيف موجود=عن ماقفي مشي القدم ماقتصرها اقف مع اربوعي على عالي الطود=والطيبة عن لابتي مادخرها وقبل الختام اهديلكم باقةاورود=لهل الحفل واللي تعناحضرها واقول مبروك الفرح يبن الفهود=يانسل ربعاً طايلات شبرها سلطان جعل السعد في دارك ايرود=تضوي ليالي سعدكم مع قمرها وصلاة ربي عد ماحجة اوفود=على الذي جاب الشريعه ونشرها |
قصيدة الطوق
ياذا الحمام اللي على عنقك الطوق=يالي تجر اللحن جرالربابه مدري طرب مغناك ولا من العوق=وللا عليك الوجد مكثر عتابه ذكرتني بالي سكن داخل الموق=اللي خذا روحي وقلبي سرابه اللي مضى جرحي عن الناس مدروق=واليوم بسبابك فتحنا حجابه لاياحمامه زدتي الطرق بطروق=وصحيتي قلب(ن) دالهٍ عن مصابه حسبي عليك اغناك صحابي الشوق=نقض جروحٍ مرمسات ابغيابه من غيبته في داخلي جرح وحروق=والقلب من صوتك تزايد عذابه خليتي فكري ينتحي الراعي الذوق=اللي جماله في شبابه زهابه انشهد ان غناك ساق الوله سوق=وغيم على قلبي سوات السحابه سحاب غيم مابه ارعود وبروق=ولاشي مطر يروي سهول وهضابه ولاظن شمسه تبدي اليوم بشروق=من بعد ماقفا وبعده نحابه ياذا الحمام الكل مطرود ملحوق=اللى الغلا لاراح نطرد سرابه ياذا الحمام الكل مطرود ملحوق=اللى الغلا لاراح نطرد سرابه |
هذا القصيدة القيتها في حفل الشيخ حمد الرشيدي
لتكريم معالي وزير الثروة الحيوانيه والسمكيه والزراعيه الدكتورمبروك مبارك الرشيدي في دولة السودان الشقيق في يوم الاربعاء الموافق 15/12/1433هـ
مني ومن ربعي جهينة هل الطيب=سلام ياجمر العرب طول الازمان تحية من طيبها دوم ماتغيب=تحية ياعبس وردٍ وريحان جينا نوافي بحفلكم يالمعازيب=ياربعة باالطيب دايم لها شان طيب الكرم والجود ناره مشابيب=في داركم وثباتها شوف الاعيان انتم هل الاطالات يوم المحاريب=يوم الليالي تورد الخيل عطشان مجدا لكم ثابت بروس المراقيب=من ماضي الايام رسم(ن)وعنوان لادق زير الحرب روس المشاعيب=على ظهور الخيل جندا وفرسان هذي حقايق مابها شكٍ وريب=في صفحة التاريخ علما وبرهان ورجالكم ياعبس دايم مناديب=بدرب الوفاء يمشون شيبٍ وشبان فيكم حمد راع الوفاء والتراحيب=سفيركم في كل ديرة وميدان انشهد انه حر نسل النواجيب=في هدته يروي كما غيث الامزان وحنا جهينه من رجال المكاسيب=مجدا لنا ضافي على كل الاوطان صديقنا نسقيه صفو المشاريب=وعدونا نسقيه مرٍ وقطران دخيلنا نحميه باحد المحاديب=بالرواحنا وموالنا وكل ماكان وكل القبائل للمراجل مراقيب=تاريخها من ساسها دوم ريان وختامها صلو صلاة باترتيب=على رسول الله من نسل عدنان |
هاذه القصيدة القيتها عندما كنا في ضيافة الشيخ علي بن عبيدالله ابن ناشي الجريسي واخوانة
في يوم الاربعاء الموافق 22/12/1433هـ في مدينة جدة
بسم اللي خالقٍ خلقه وعالم بالوجود=مسقي نبات الارض من مزن صدوق اخيالها سلام مني ومن ربوعي ياعريبين الجدود=سلام ياساس المراجل من قديم ارجالها تحية ياربعنا في ريحها عطرا وعود=عطر الرجال اللي على العليا يضوي هلالها طيب الكرم في داركم ياربعنا دايم يزود=يشهدلكم بن اليمن ونارالكرم ودلالها انتم لنا وحنا لكم من سابق ايام وعهود=يوم المراجل تدرج في شمسها وظلالها يانسل عودٍ له على الطلات سيفٍ ومحدود=يوم الجريسي ينتخي في ربعتة ورجالها يوم الزمن في في عجته يامعزبي ملح وبارود=فعول ربعي بالملاقى طايلات احبالها تاريخنا ياولد عمي ثابت في دنيا الوجود=تشهدلنا كل العرب بمجادنا وفعالها جدي وجدك ياعلي في مشيهم عز وسنود=تمشي على درب النقا بقصارها وطوالها لوالزمن فينا تغير ماينسينا العهود=اللي مضت ياربعتي متمركزه بجيالها دنيا العنى يامحزمي فايامها بيضٍ وسود=ونور الحقايق مايروح ونارها بمشعالها بعض الحقايق ثابته ياعزوتي بلياشهود=مثل الجبال الراسيه ياسامعي في حلالها والله يديم الامن بارض الامن في دار السعود=وديم حكم اللي ثنى بالسيف دون جبالها وختامها صلو عدد ماهلت امزون الرعود=وسقت نبات الارض وسال الغيث في مسيالها |
قصيدة في حفل زواج الشاب منير المرامحي الحربي
ياهاجسي عجل بزينات الامثال=عطني لحون القاف عطني جزيله بنصابها صديقنا طيب الفال=الصاحب اللي ماندور بديله وبداء بسلامك ياهجوسي على الحال=وثني على ربعاً رقت بالطويله سلام ياربعاً لها الطيب مدهال=سلام ياحرب الوفاء والجميله تحية تلفي كما الغيث همال=يحيي ديارٍ عقب ماهي محيله ياحرب يارجالاً لهاالمجد منزال=من ماضي الايام كلاً يخيله تارخكم من ماضي العهد لازال=يضوي مع نجوم السماءكل ليله ونبع الكرم في داركم عد شلال=ياما سقى من عذب جوده مسيله وحنا جهينة من رجال لها افعال=تاريخنا شمس النهار ومقيله امجادنا مركازها هضاب وجبال=وظلع نابي يذهل اللي يجيله منا سعد اللي على الطيب خيال=اخو سنيدة سعد منهو دخيله ابن غنيم اللي للاصعاب حلال=فك المحابس من ايدينناً تشيله والطيب في كل القبايل له اسبال=ماذمها ولكل يجري بخيله وختامهايامنيرجعل الهناء اظلال=غيمه من الرحمن تبقى ظليله وعسى السعد يبراك في كل الاحوال=يبقى على دارك سنيناً طويله وصلوا عدد مابان وسط السماء اهلال=على نبياً نقتدي في سبيله |
قصيدة لقبيلة الفوارس
بسم الذي منزل تبارك ولانفال=الواحد اللي خالق الكون كله رب العباد اللي خالق الشمس ونور=بامرة مزون الغيث ماها تهله من بعدها سلام ياطيب الفال=يابو معيض اللي لك الطيب مله تحية يالفارسي قدر وجلال=نسوقها يمك كما كيف دله انشهد انك من ربوعاً لها افعال=امجادكم كل النشاما تدله انتم هل الطلات في كل مدهال=ونتم ربوعاماتعرف المذله يوم الليالي ظيمها فالبشرمال=ربعك سيوف العز فيها تسله تاريخكم يضوي كما نجم وهلال=مشرف على روس الجبال المطله دخيلكم يرتاح من ظيم الاهوال=ينام ليل ويهتني في محله الطيب فيكم الوفاء نبع شلال=من سابق الايام نبعه يهله عسى المزون تهل في كل الاحوال=في داركم تسقي نبات وتعله ونالجريسي معرب الجد والخال=ربعي جهينه شمس عزوظله المجد فينا وارثينه من اجيال=ودرب المراجل من سنين تدله وصلاة ربي عد ماهل همال=على نبيٍ امته ماتمله |
زوماله وردها مع الشاع الشيخ عطااللة الغانمي
((((الشاعر عطالله الغانمي))))= سلام ردية وفاء مبروك بالبير الجديده=الله عسى عمرك طويل وياعسى ايامك عديده يالله عساها داخله بالخير دخلتهامفيده=لكن غير البير لاتنوي طماعه غيرها كلاٍ معه في خاطرة نظره ونظراته بعيده=الله يتم الامن من بعد الليالي اللي شديدة ويالله عسى ذاك الزمان الشين ماربي يعيدة=ونعيش في ظل السعودية ونشكر خيرها (((( الرد ابوفارس الجريسي))))= يامرحبا في مرحبا ومقابلك فرصه سعيدة=والطيب والتقدير لاهل المعرفه ربي يزيدة ماهوغريب اجاور اهل الطيب ولاريا السديدة=نمشي على زين المعاني مانغير سيرها ياصاح انا ماشي على مله وقانون وعقيدة=والتاجر الواعي يزود كل ساعه في رصيدة ونتم وحنا في حمى منهم سياستهم رشيدة=واخصامهم يوم الملاقى مايطير طيرها |
قصيدة ترحيبية القيتها في حفل قبيلة جهينة لقبيلة حرب في تاريخ 23/5/1434هـ
بسم الله اللي خالقٍ كل الكواكب والنجوم=اللي خلق خلقه وعالمٍ غيبها واسرارها رب العباد اللي لوجهه كلنا نصلي نصوم=اللي بغيبه حافظ الارواح وسير اقدارها من بعدها يامرحبا بضيوفنا ربعٍ العزوم=ترحيبةٍ مثل الذهب ياضيوفنا مسعارها تحيةٍ عد النسايم لابدت في كل يوم=وعداد ماهلت مزون الغيث كل امطارها في حفل شيخٍ ماقفه معروف لاحان الزوم=حراً على الهدات ظاري مايهاب اخطارها الشيخ ابو نواف جعل العز في داره يدوم=من عزوة ابن اغنيم عزالمجد دوم افدارها حي الله اللي مجدهم ثابت على روس الرجوم=الابه اللي بالمواقف طايلات الشبارها احروب ربع المجد والطلات ورجال السلوم=قبيلة يحفظ لها التاريخ كل الذكارها قبيلةٍ من طبعها دايم على العليا تروم=طيب الوفاء رسمالها والعز دوم اشعارها الجود فيهم واضحٍ رسمه على كل الرسوم=يشهدلهم بن اليمن ودلال فوق اوجارها مزبانة اللي من صدوف الدهر ضايق ومهموم=يوم الليالي تدرج في سوها وشرارها يوم المراجل في ظلال السيف ورماح وسهوم=فريسهم تقلط على العدوان وسط اوكارها وحناجهينة لابةٍ نفرح لياجونا القروم=انقدم الترحيب صوب اكبارها وصغارها تاريخنا مع دين رب العرش ثابت ومعلوم=في نصرة المرسول طفنا الارض وكل ابحارها نارد حياض الموت مانهاب الملاقى والخصوم=نروي سلال اسيوفنا لوالحطر في نارها هذي حقايق لابتي ماهي من اطياف الحلوم=يامدور التاريخ ناظر لابتي وخبارها ونعمين في كل العرب اهل المراجل والعزوم=كلاً على مجده يعسف الخيل في مضمارها وصلات ربي عد ماطيراً بها الدنيا يحوم=على نبياً سنة نمشي على منظارها |
مع الشاعر احمد عطاء قاضي
ابوفارس الجريسي= سلام ياهل الشتاء وصيف=لا يامثل حي خبرني عن وقت ماضي لكم بالخيف=ياسيد القيل علمني يوم المراوي تعل الريف=في وصفها قول سمعني داري وفيها الجفاف امخيف=ومنظر الدار محزني رد الشاعر احمد عطاء= ترحيب بمجالس العريف=ماخاب في مثلكم ظني للان باقي خياله طيف=ماينقطع منظره عني لاتقول الاوطان كانت كيف=ومن وصفها كنت متهني ارجالهم يكرمون الضيف=والكل مبسوط ويغني |
يامرحبا ياهلا باللي لفوني من بعيد وقريب=تحية مثل وبل الغيث لامن هل بشعابها انتم هل الاوله ياضيوفنا والطيب يثمر باطيب=ونتم هل الجود يارجالٍ رقت بالطيب مرقابها سبعة ليالي مضن ياصحابنا والحال مناعطيب=بسباب عله لفت يصحابنا ونصبت بشهابها غديت مثل الذي يحرس حلاله عن سباعاً وذيب=يساهر الليل وسباع الضواري تبرز انيابها مافادني روحة المشفى ولا علماً بيد الطبيب=مافادني غير من ينشي العظام ويحيي اترابها وانا احمد اللي رفع شرالبلاء عنا وطاب الصويب=من رحمة يبري الاجراح والاسقام واسبابها هوالكريم الذي لامن دعاه العبد دايم يجيب=رب العباد الذي محصي فعول الناس بكتابها |
مع الشاعر عابد الحربي ((البحار))
اخواني الافاضل اعضاء وزوار ملتقى حرب الرسمي
السلام عليكم ورحمة الله وبركاته من بعد طول غياب امسي على الجميع بالخير ورسل تحياتي على متن الغيم وجناح الطير واليكم هذه المشاركة التي اتمنى ان تحضى على استحسانكم ((((البدع من الاستاذ الشاعر عابد الحربي((البحار)))))= بسالك يالشاعر العملاق=ياللي قصايدك تشعل ضي ليش الهواء صار ماينطاق=وصار ماعاد يسوى شي ((((الرد ابوفارس الجريسي))))= اللي مضى الود بالعماق=تزرع بذوره وتروى ري واليوم يكذب على العشاق=خداع يكوي فوادك كي |
ياناس بسأل جميع الناس=وبغى الاجابات محدوده كيف التقي للهواء مقياس=بالعمر وين الهواء حدوده |
قصيدة القيتها في حفل الاستاد حسن شاكر الصحفي
يهاجسي انظم لنا عقد الألماس=جواهرٍمن نظم الإشعارعقدة هات الذي لأمن بدأت ضي مقباس=في حفـل من هـو باالمراجل نعده سلام ياحراً رقى نا يف الرأس=مني ومـن ربعي جهينة نمده تحيةٍ يالي لك العز نبراس=ازكي من عطور المباخر وندة مبروك ثم مبروك من قلب وحساس = مبروك فوزك بنخابات جدة في معرض التجار مع كل الاجناس=ظهرت مثل الصقر يومٍ نهده عزالله انك ياحسن حر قرناس=في هدتك راس الطويلة تحده كفخت بالجنحان في روس الاطعاس=طفت البحور وجزت جزره ومده ولاهي غريبه تكسب اليوم نوماس=نوماس عز ومعطي المجد لده حزت الثقه يامعرب الجد والساس=ساس الخوال موثقين الاشده ربعك حروب اللي لها المجد مجلاس=اهل السيوف المرهفات الاحده يشهد لها التاريخ وتشهد لها الناس= تاريخ وافي كل رجل يعده وحنا جهينة عزوة المجد والباس=ربعي تمد الطيب في كل سده يوم الوغى نظهر على قب الافراس=نارد حياض الموت مندون صده ونعمين في كل القبايل بلاقياس=والمجد في كل النشاما مرده وصلات ربي عد ماهب نسناس=على نبي الله رسوله وعبده |
قصيدة حفل الشاب عامر سلامه الجهني
يا الله يا منشي سحايب له أرعود=يا مروي أبغيثك ديارسنيه يا خالق الأكوان يا خير معبود=تغفر لنا يا ربنا كل سيه وصلو على اللي دوم ذكره لنا سعود=الهاشمي رسول ربي ونبيه من بعدها يامرحبا بربعة الجود=في دار ربع نارهم دوم حيه ربعي جهينة لختلف عود عن عود=حماية البندق نهار الحمية ربعي لها الامجاد والعز معقود=في عصرنا الحاضر وفالجاهليه اهلا هلا يا ضيوف مدا بلاحدود=وسع السماء والكون وكل البريه تحية من غالي الطيب والعود=عطر الرجال اللي لها قابليه حياكم الله عند ماذعذع النود=وعداد برق الغيث ماناض ضيه في دار شيخ للمواقيف موجود=من ربعي جهينة ربوع الحمية ابوعمر اللي به الطيب معهود=له في دروب الطيب روحه وجيه مبروك ياعامر عسى فرحك يزود=عسى السعد يبراك صبح وعشيه عسى الفرح مزنه على دارك يرود=يسقي هماليله ربوعك وحيه ويفرحبك اللي لامشى يرتقي سنود=عمر عمر راع العلوم انديه |
قصيدة لجهني
يا سلامي عد مانجمٍ تلالا وعتلا=لربعي جهينة هلا الطلات والمجد التليد ربعي اللي مجدها راقي على كل الملا=ثابت من عصرها لاول وبالعصر الجديد لابةٍ فيها النسب مايوم ضاع وبدلا= ثابت ٍمن يوم زيد وليث فاالعهد المديد مع رسول الله مشينا بالصحاري والخلا=نصرةٍ لدين يوم الدين عن ربعه بعيد بصحبته تاريخنا ياسامعيني أمكملا= تشهد الدنيا علينا ويشهد السيف الحديد لا ظهرنا نعتلي رأس الطويل وناصلا=نا صل القمة وعنها يا ربوعي ما نحيد يوم نار الملح صوته بالمعارك زلزلا=ربعي جهينة لها الطلات باليوم الشديد عزوتي بفعالها تاريخها منها امتلأ=ناحتينة في الجبال الصم وحروف القصيد الكرم من يوم يومه عن حمانا ماجلا=معزبٍ في دارنا والله على قولي شهيد والوفاء في طبعنا وعن دمنا ماعزلا=ماكنن بقلوبنا تنبضبه عروق الوريد وختامها صلوعلى اللي له مكان وله غلا=رسولنا شفيعنا يوم القاء يوم الوعيد |
قصيدة في حفل عبدارزاق البلادي ابونايف
سلام مني ومن ربعي هل الطالة=سلام تسليم وافي للبلاديه تحيةٍ مثل كيف البن بدلاله=تحية جهينة اللي نارهم حيه تنصى ابونايف وربعه والذي جاله=تلفي على كل حربي حامي الهيه جينا أنبارك لشيخ معربٍ خاله=شيخٍ جويد النسب من جده وبيه عزا لله إن الكرم والجود مدهاله=من طيب فعله عليه العز ماريه عسى الفرح دوم عنده والسعد فاله=ياعل نجم السعد ما يختفي ضيه ياذا ألبلادي ربوعك سيفها تسله=يوم الليالي رحاها تجلب السيه المجد فيكم رسى من ماضي اجياله=مشرق كما شمسنا بالعين مرعية لأبتك حرب الدول للحرب خياله=ومجادها وارثينه ورث جديه وناالجريسي سليل المجد ورجاله=ربعي جهينة شموس العز مع فيه من ماضي أيامنا فالمجد نزاله=أمجادنا للبشر ماظن مخفيه مجلاسنا فوق رأس الرجم وجباله=بيوتنا فوق عالي الرجم مبنية وكل القبايل لها بالمجد وظلاله=ما ذمها لأحشى من صادق النية وصلاة ربي على نبينا واله=شفيعنا يوم افر المراء من خيه |
قصيدة ابن حمادي مشعل
ســلام يـاحـرب الــدول يـاهـل الـجـود=يـــالابـــه الـــلـــي نـــارهـــا دوم حـــيـــه تـحـيـةٍ الـزكــا مـــن الـطـيــب والــعــود=تــحــيــة ربـــوعـــي جـهـيــنــة هـــديـــه بنصـابـهـا ربـــع لـهــا الـعــز مـعـقــود=بنصابـهـا ابـشـور الـوفــاء والحـمـيـه جينـا وفـاء يــا مشـعـل الـعـز والـفـود=يــابـــن حــمـــادي يــازبـــون الــونــيــه جيـنـا نـبــارك فـرحـكـم عـلــه اسـعــود=عسـى السعـد يبقـى فـي دارك وحيـه يابن حمادي لاختلف عود عن عود=لــــك عـــــزوة لـلــحــرب والله سـمــيــه ارجـالـكــم لـلـحــرب قــــادات وجــنـــود=يــوم الـوغــى تـشـعـل كـمــا نـارضـيـه على ظهور الخيـل والسيـف مجـرود=تــارد عـلـى حــوض المنـايـا ضـمٍـيـه تاريخـكـم يــا حـــرب ثـبــت ومـوجــود=فــي عـصـره الحـاضـر وفــا لجاهلـيـه هـذي حقايـق ثابتـه ماتـبـي اشـهـود=تاريـخـكـم يـشـهــد بـصـبــح وعـشـيــه وانـا مـن اللـي مجدهـا راقــي اسـنـود=راســـي جـريـسـي والـعــروق جهـنـيـة ربـعـي هــلا الـطـلات والعـلـم مـوكــود=حـنـى هــال الـتـاريـخ شـمـسـه وفـيــه حنى على درب الوفاء نمشي اوفـود=نـجــمــل الـمـيـقــاف وقـــــت الـدعــيــه ونعمين في كل العرب مابها النقـود=كـلان عـلـى مـجـده يعـسـف المطـيـه وصــلاة ربــي عــد مــا ذعــذع الـنـود=عــلــى رســـــول الله وخــيـــر الـبــريــه |
الليل
بيناتنا ياليل موعد ومجلاس=في مجلسك ياليل بشكي همومي أنت الوحيد اللي على السر حباس=ونت الصديق اللي لنا مايلومي في مجلسك بسج وبعد عن الناس=والسرح وناظر في شعاع النجومي ياليل قلبي من عنى الوقت منحاس=والعين عيت في سمارك تنومي جرح الحشاء ياليل ينزف بلاقياس=وخاف نزفه يخرج من الكمومي ويشاهده خبل من الناس لولاس= يبني علينا من هزيل العلومي مايدري اني مشرفٍ فوق الاطعاس=في راس مرجوم تعلا الغيومي ياليل بان الشيب في مافرق الراس=ولازلت واقف والمعاليق تومي شربت انا من مر الايام بالكاس=وارخت علينا رمحها والسهومي غديت مثل النخل واقف ويباس=ميت وثابت في هجير والسمومي |
قصيدة خليص وينبع
جمت البير راحت في زمن نصف ساعه=يـاعـرب ويــش الـسـوي والـمـراوي بـعـيـده كـــل يـــومٍ انـاظــر جـــوف بـيــري وقـاعــه=والظماء يبس عروق النخـل مـع جريـده ابـتـلـيـنـا بـاقــلــب دوم يــهـــواء الــزراعـــه=مـهـنـة الـجــد والله مـاهــي لــيــه جــديــدة لومشـنـا وسعيـنـا فــي مـجـال الصـنـاعـه=غـيـبـتــك يـاربــيــع الــقــلــب والله فــقــيــدة باطلب اللي يخلق النور يرسـل شعاعـه=يرسـل الغيـث وبـروق الحـيـا مــع رعـيـدة اهلهـا فـي خبـوت خليـص وينبـع تباعـه=يفـرح اللـي بشـوف الغيـث فـرحـه وعـيـدة يسـقـي داري ودار الـلــي اهـــم بالـرفـاعـه=خليـص وينبـع هواهـا نبـظ قلـبـي وريــدة يحيي دار الربوع اهل الوفـاء والشجاعـه=ربــعــةٍ يـــــوم هـــــدات الـلـيـالــي شــديـــدة مــن قــراء فــي تـاريـخ اديـارنـا ياجمـاعـه=ابـحــر ابـخـيـرهـا يــــوم الــمــراوي عــديــدة خليص وينبع يوم الوقت شين ومجاعـه=خـيـرهــا واصــــلٍ مــكـــه وجـــــدة شـهــيــده الحكمتـك يـاولـي الـعـرش سـمـعٍ وطـاعـه=بـــس رجـــواي وجــهــك يــاولــي الـعـقـيـدة بـــاتــــذرع وبـــدعــــي وبــتــهـــل بـــذراعــــه=وبـاتـذلـل عـســى غـيـثــك عـلـيـنـا تـعـيــده |
قصيدة الوطن
اليوم يومك ياوطن وحنا اليومك حاضرين=الله ايديم افراحنا بايامها واليالها عساك يايوم الوطن تبقى على مر السنين=غيمة فرح تمطر علينا من صدوق اخيالها يادارنا ياعزنا يادرة التاج الثمين= ياديرةٍ في وصفها مابديار امثالها ياقبلة الاسلام ياعز العرب والمسلمين=ياديرة كل العرب يمك تشد ارحالها ياموطني نجمك تعلا يم نجم الفرقدين=ماظن غيرك يابلادي لو نعلا طالها ياسامعي ادعو معي اوقولو بعد قولي امين=الله يرحم من ثنى بالسيف دون اظلالها عبدالعزيز اللي بنا مجده على الجنب المتين=صقر لفى وحد شتات اديارنا ورجالها من ماكرة جتنا صفورٍ خلت القاسي يلين=تمشي على نهج الشريعه ماتبدل حالها سعود مع فيصل وخالد للعهود امكملين=وفهد الفهود اللي حفظ لهل الكويت اعقالها واليوم في عهد الزعيم الحاكم الشهم الامين=عبدالله اللي لابدت ثقل الحمول اشتالها صقر العرب سيدي ياللله على حمله تعين=اللي سما بادار فوق انجومها وهلالها في منهج التعليم يبني من يسار ومن يمين=من حدها لاحدها يبني ابفكر اعيالها وعضيده اللي له سند عز وفخرعون وعوين=سلمان نبراس الظفر عم البلاد وخالها حرا على الهدات ظاري سيدي ذرف اليمين=لاشتدت القالات راع العز هو خيالها يالله تحفظهم لنا وتعزهم دنيا ودين=وتحفظ بلادن كلمة التوحيد هي رسمالها |
قصيدة موجهه الى خليفة المزروعي
إلا يـا خليفة لـيـت لـي با لجسد جنحان=لاسوي سوات الـحـر لاهـد يفردها وهد الفضاء ورقى على غيمة الاحزان=وعدي سما فـوق الهموم ولهايدها ولامـن نزلت النزل عـلى نايف الظلعان=وخاوي طيور الحوم ابـاري هددها ولضاقت بنا الديره وهمي غداء نيشان=اسج الجناح وهـدت الـحـوم نبعدها وعـمـد الديـار اللي عـليها المطر هتان=ديـار مـزون الـغـيـث علت مواردها ونـادي بـنـات الـفـكـر يـبـنـلـي الـكيفان= لعل الهموم اتروح ونقطع مدايدها عـسا يـا تـسـلـى وجـعـل الـهـم لـنسيان=وعالج بنسياني جروحي وسهايدها ونا ماارفعت الصوت اغني ترى طربان=مـغـيـر اتـسلـى بـالحـون ونشايدها تـبـصـر بحالـي وعـطني طب يا شيهان=قبل ماتروح الروح وتسكن لحايدها وباختم كلامي وادعـي الله عظيم الشأن=يـبــدل قـلـوبٍ كـايــدات بـحسـدهـا |
الساعة الآن 08:37 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir