|
دام العرب ( فخداع ) 0 ( ونزاع ) 0 ( وازحام ) 0000
الوقت جاير فالليالي والأيام = يقسى ولينه ماخفى عند يسره فيه الظروف مسيطرة حسب الاحكام = يبان مافيها بقله وكثره ماينتهي ماده بنا يوم قدام = تطعم سنين العمر يسره وعسره والمقبلة يالآدمي غيب علام = سبحانه العالم بخيره وشره ياحظ من صلى ويابخت من صام = ماعاش لاضايع ولاضاع عمره يالله مسلم من عبادك فالاسلام = رجاك يالمولى ولك فوض امره حمله ثقيل وكله ذنوب وآثام = عالم بها لو تجهل الناس سره دنياه بين الآم واحزان واسقام = لو الفرح فيها يجيه ويمره ينام لو يصحى ويصحى ليا نام = عسى الامل له فالمقابيل جره يتبع أثرها لو قعد بعد ماقام = وربه يحقق مابغاه ويسره هذا الزمن فيه الفشك ماله حزام = والعزم راسه مالقي من يفره دام العرب فخداع 0 ونزاع 0 وازحام = مابينهم نفعه تعداه ضره يكفي من الايام ماحل بالشام = والطاغية يفرض على الكل جبره أُمة تعيش الذل عامٍ بعد عام = يالله يالمعبود عجل بنصره زلزل عليه الارض من تحت الاقدام = وشر الهزيمة جعلها تشل فكره هذي هجوس يخطها حبر الاقلام = فيها المشاعر والاحاسيس حره |
قصيدة رائعة لاشك
مراقبنا وشاعرنا القدير بخيتان البشري صح السانك لاهنت |
ابو محمد
صح لسانك وعتلا شانك |
صح لسانك لاهنت
|
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح الله لسانك ولاهنت وسلم فكرك وبنانك دمت برعاية الله وحفظة |
اقتباس:
|
اقتباس:
|
الشاعر/بخيتان صح السانك لاهنت والله ينصر الإمه العربيه والإسلاميه إنه ولي ذلك والقادر عليه.
تحياتي لك ودمت بخير. |
صح لسانك قصيده اكثر من رائعه الله لايهينك عليها والله يرحم أمة الاسلام دمت بصحه وعافيه
|
الساعة الآن 11:31 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir