|
وش صحيح العباره 000000
ادري بتقصيري حوى الصدر داره = وإن العفو لاهل المكارم شهامه لكن مدري وش صحيح العباره = هي تنطق والا برمز وعلامه اعلم بأن الربح عكس الخساره = ولا احدن على نفسه يدوّر ملامه ولا اخبُر بأن الليل يسبق نهاره = واعرف بان اللحم يكسو عظامه وعلمي طريق المُكر ماهو شطاره = وإن الضعافة تعتزي بالرخامه وحليم حلمه من صفاته وقاره = وإذا غضب إخشى لرمية سهامه واللي سمع واصدر بحُكمه قراره = يبطل من اللي شاف مجمل كلامه تبقى الصداره مركز اهل الصداره =ويبقى الهلامه لونفخته هلامه وقالو تعرف رجال عندك تجاره = وتجارة الاموال مع روزنامه وإن الفقر فقر العقل وافتقاره = فكراً يعلي هامته فوق هامه خبير بأن العمر تاره و تاره = والرجل باخلاقه يعلي مقامه وإن الزمن لابد يعكس مداره = وإن الرخا لو طال إنسى دوامه |
صح لسانك وسلم بنانك
قصيدة رائعه بروعة حضورك لك تقديري |
¨°o.O ( ×××××××) O.o°¨
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
ياسلام ياسلام ياسلام ياسلام
صح لسانك وبيض الله وجهك يابو محمد لك خالص التقدير |
صح الله لسانك
وافي وقصيدك وافي لا عدمتك وتواجدك بينا هو غاية امانينا تحياتي اخوك |
صح السانك وبيض الله وجهك على هذي القصيده الرائعه بروعة حضورك الغالي
|
اقتباس:
واللي سمع واصدر بحُكمه قراره = يبطل من اللي شاف مجمل كلامه تبقى الصداره مركز اهل الصداره =ويبقى الهلامه لونفخته هلامه ويبقى الهلامه لونفخته هلامه ويبقى الهلامه لونفخته هلامه ويبقى الهلامه لونفخته هلامه كفو كفو وملعون من لايقول الحق ويعطيها فاياف قصيدة حلقت في سماء الابداع با المعنى والمبنا والفكر والطرح الرااقي صح السانك وبيض الله وجهك يا بخيتان البشري لا املك الا ان اصفق لك بحرارة على هذه المعاني الجزلة |
الاخ الشاعر القدير ...بخيتان البشري
صح لسانك يابو محمد على هذه الدره شاعريابومحمد ولايختلف على ذلك اثنين وانا من اشد المعجبين باِشعارك بدون اي مجامله صح لسانك مره اخرى يابعدي تحياتي وتقديري لك |
اقتباس:
صح بدنك وطبت وطاب مرورك العطِر |
صح لسان وبيض الله وجهك ولا تستغرب الجزاله من
اهلها تحياتي لك . |
الساعة الآن 10:06 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir