|
ذنــــبـــا .. بلا ..غــفــــران ...
"العشق " ذنباً .. بلا .. غفـران=راعيه .. ما ظنّ .. لـه توبـه من عام .. بحره .. غدا "غرقان"=عليـه .. الأحـزان .. مكتوبـه |
يا ريـــــــــــــــــــــــح ؛؛؛؛؛؛؛؛؛؛؛
يا ريح هبـت علـى جـده=ما القى معك للغضي طاري اللي خذا القلـب مـا رده=وقع على غصننا وطـاري |
يا ســــــايق الــجــمــــس ؛؛؛؛؛؛؛؛؛
يا سايق الجمس أبو لونين=سرعتـك بالله هديّـهـا حتى تجي عيننا في عين=حيّاً له الـروح مهديهـا |
البستان .. و.. الورده ....
قطفت ورده ..من.. البستان=أصبحت،، بستان.. للـورده أرويتها من،، رها ..الأعيان=وأروت ظما.. عدّنا.. وِرْده |
لا زلت في داخل أسواره ؛؛؛؛؛؛؛؛؛؛؛؛؛
غررّت فالقلب حتى انّـه=مكنّك من ناصيـة داره قهواك من هيلـه وبنّـه=ونصبّك سيّـد لـزواره ألين حكمك غلب صنّـه=علقّـت الأكـه بسنـاره لكنّ لو خاب بـك ظنّـه=ما زلت في داخل أسواره |
لذة ... الإنتقـــــــــام ...
يامن رماني ف بحر الـود=في بحر ما له رسا بأرميك ولا نيب قايل هجرني وصد=بأقول بعتك وقابض فيـك |
يا قــــلــب ؛؛؛؛؛؛
يا قلـب لا تطلـب رضاهـم=مانت على وصلهم مجبور نـسـيـوك لا بـــد تنـسـاهـم=حكم الزمن والزمان يدور |
دام البناخي كذا شوره ؛؛؛؛؛ مع الشاعر خالد اللهيبي
حـفـيــد الـحـجـيــري= في حال ... خصمك هو "القاضي"=و"الجور" شرعه .. و .. دستوره هل ؟؟؟ ممكن تكون به "راضـي"=وألّا .. تداعيه .. في .. جـوره خــالـــد اللهيــبـــي = في حاضـر الوقـت والماضـي=فامـثـال للـنـاس مـذكـوره الحكـم ترضـاه لـو فـاضـي=وتنـفـذه سـاعـة صــدوره حـفـيــد الـحـجـيــري= وإن كان .. فالحكم .. اغلاضـي=وشاهـده .. بيّـن لنـا .. زوره ما يجوز !! نبدي له اِعراضـي=ونستأنف .. أحكام .. مقـروره خــالـــداللهيـــبـــي= الحـكـم مافـيـه معـراضـي=وصكـوك قاضيـه ممـهـوره والحـق مثـل القمـر ياضـي=وبالظلم يطمـس علـى نـوره حـفـيــد الـحـجـيــري= أجل .. علـى الله .. معواضـي=دام البناخي .. كـذا .. شـوره ما عاد .. فالحكم .. مخواضـي=ولا بــدّ .. لأيامـنـا .. دوره خــالـــد اللهيــبـــي= العـاقـل لوقـتـه يحـاضـي=فاليسر وان كان فـى عسـوره مانفتـلـه يـرجـع انقـاضـي=مـن كثـر ماقسيـت دهــوره |
بكره يحمْس الزمن بنّك ؛؛؛؛؛؛؛؛؛؛
لو طول الأيـام نسنّـك=وأخلفك عنّا كلام الناس بكره يحمْسْ الزمن بنّك=ويردّكم خاضعين الراس |
Sms مع وليف الطير ؛؛؛؛؛؛
حفيد الحجيري= عبر الرسايل وام ام اس=شرحتلك بعض ما فينـي لو كنت فعلا بشر وتحس=ما تغيب لو يوم عن عيني وليف الطير= الوضع واضح وضوح الشمس=لا واقساكـم بـعـد ليـنـي غبتوا تراكـم بعهـد الأمـس=والأمـس ذكـره يسلّيـنـي حفيد الحجيري= يا صاح فالأمر حاصل لبس=عكسـت مغـزى عناوينـي فهمت قصدي ترى بالعكـس=ونسيـت مـا بينـك وبينـي ان كان للآن نبـض وجـس=فـي خوّتـي يـا مخاوينـي لا تصفق الخمس فوق الخمس=أثبـت و هـات البراهينـي |
دوله غزتنا بحاكمها ... مع الشاعر حـــــــــــــــــــــرب
حفـيـد الحجـيـري= يا حرب خابرك تفهمهـا=لو كان جاتك على الطاير بعض العرب فاتحه فمهـا=ما تعلم افبيتها اش صايـر حــــــــرب = مهما اتلاشـى معالمهـا=ماكون دون الهدف حاير واللي ماتفهـم نفهمهـا=ان الخطر حولهـا دايـر حفـيـد الحجـيـري= شرواك الأهداف يرسمهـا=ويصيبها فكـره النايـر تعال بالحرف نخصمهـا=على حسب نهجنا الساير حــــــــرب = دوله غزتنـا بحاكمهـا=اللي على اهدافها تعايـر لابد مانحطـم اسهمهـا=ونزيد من جرحها الغايـر حفـيـد الحجـيـري= لازم نحجـمّ زعايمـهـا=وناقف لها موقف الغايـر ما ننخدع فـي تبسّمهـا=ولا نآمن الغـادر البايـر حــــــــرب= حنا الرسالـه نسلمهـا=للي نعرفه يجـي غايـر اللـي بـدوره يعممهـا=المسألـه ماتبـى مسايـر |
تمشي عكس ؛؛؛؛؛؛؛؛؛؛؛
يا ليت الأيام تمشي عكـس=وألّا تغـيّـر فممـشـاهـا يمكنّ نلاقي أملنا فـ.. أمس=وأحلامنـا نحقـق أدناهـا |
حفيد الحجيري= سلام يا سادة الكسـرات=ياللي تنومـس معانيهـا من شاعر يحسب الكلمات=قـدام للنـاس يبديـهـا ابو سليم= ارسم تراحيب بالعبرات= عبراتها منها وفيها الشاعر اللي كتب ابيات = لابد في يوم يلقيها همس القوافي= باعداد ما هبت النسمات=في دار تفرح بلافيهـا يامرحبا وابرك الحزات=باحلى العبارات نهديها بخيتان البشري= ترحيب ينصى هل الطالات=في دار الأجـواد نهديهـا يامن لكم فالشعر صولات=ورجال نعـرف مباديهـا وليف الشوق= ترحيب يابادع الابيـات=ياللـي موفـي معانيهـا في دارمبني على الطيبات=تسعد ويفرح بـلا فيهـا العبيدي= يآمرحبآ وابرك الحزآت=باللي لفآ دآر مغليهـا الشاعر اللي رسم ابيات=درب الوفى منهآ وفيها سرور البشري= ترحيب يحمل معه باقات=باقات بالورد مهديها وأغلا التراحيب مثنيات=لأهل الوفاء دوم نثنيها |
مجمـــــــــوعة انســــــــــــان !!!
محتار .. واهدي حيارى الدرب !!!=محتـاج .. وأملـك ملايينـي !!! طبعي مسالم .. وأحب الحرب !!!=كــل اختلافاتـهـا .... فيـنـي |
تكه.. و .. تكه .. و .. تك .. تكه
تكه .. و .. تكه .. و تك.. تكه=والقلب مـن زود .. تكاتـه غدا .. لحلو النبـا .. دكـه=وحواني الصدر ... مركاتـه |
نقطه على لوحة الأيام .... مع أبـــــــــــو طــــــــلق
حفيد الحجيري= من بعد رد السلام العام=سلام مخصوص يا هاني فرصه نبا ننتهزهـا دام=شرفت يا ذرف الأيماني أبــــــو طلق= ترحيب ماخطت الأقلام=عني وعن كل إخواني آمر وحنا معـك قـدام=ليّ الشرف يوم تعناني حفيد الحجيري= عداد ما سارت الأقـدام=دام البقا يـا كحيلانـي هيا احتزم والمعاني خام=توه صفا جو الألحانـي أبــــو طلق= فرع وحدر فاليمن والشام=آنـا معـك دوم تلقانـي شايل زهابي ..عليّ حزام=تحت أمركم كل قيفانـي حفيد الحجيري= من رقم واحد من الأرقام=حولتـه لرقـم مجـانـي من خاص جداً تحول عام=ولا زال له عندنا شاني!!! أبـــــو طلق= نقطة على لوحة الأيام=تمازجت فيها الألواني ماتزيلها ريشة الرسام=لكن تسوّي شكل ثاني حفيد الحجيري= الصاحب اللي بليا نظام=عنيته وهـو عنانـي يمين أجيله يجيلي شام=وليا صددته يجي عاني أبــــــو طلق= مدري غدى في حياتك هام=ولاّ مـن الـود حيرانـي حدد لجل تاخـذ الأحكـام=وتسمع تفاصيـل تبيانـي حفيد الحجيري= يا حاوي العرف يا ضرغام=فيما سبق عيـد الامعانـي ماني فـبحر الهوى عـوام=وعن بابه اقفلـت بيبانـي أبــــو طلق= اعطيتك الحل يـا مقـدام=من دون تهمة ولا جانـي الباب دام انقفـل بإحكـام=لا ينقفل باب الاحسانـي أحيان بعد الفراق زيـام=ما يقتنع فيـه الانسانـي إصنع من المستحيل أحلام=واصبر على قدر الامكاني حفيد الحجيري= ما نيب بايع ولا سـوام=ولا نيب مبتاع خسراني ما دام في صحبته ما دام=بأنساه قبـل يتناسانـي واللي علينا بنفسـه زام=عن مثله النفس تنهانـي لو يثمر الطيب فالأخصام=ما ظنّ له فالردي جاني |
ذوقني المـــــــــر و الـحــــــــــالي ؛؛؛؛؛؛؛؛؛
واونتي.. واشقـا.. حالـي=من حيّ.. قفّا وأنا.. أراعيه ذوقني المـر.. و..الحالـي=في لدةً ....من طرف عينيه قبله .. و .. قلبي خلي خالي=واليوم كل .. المآسي .. فيه ليته .. ولو .. يوم يصفالـي=يروي.. ظما عدنا.. و أرويه |
الغث كاثر و عكسه قل ..... مع قابل ( الجمل )
حفيد الحجيري= ســـلام مـنــي يـعــم الــكــلّ=ويـخــص .. قـابــل .. ويعـنـالـه حبره .. شذا .. من زهور الفلّ=وأسرع من البـرق فـ.. وصالـه قابل البشري= من خاطر ياحسن مامل=ويفرح بشرواك لاجاله ترحيب مثل الحيا لاهل=من سايق المزن هماله حفيد الحجيري= دام البقا عدّ ظامي علّ=وعداد من يبدع القاله يا وافي القيل نبغى حل=في حال بلحيل يرثاله قابل البشري= عن الوفا مثلكم ماضل=والطيـب والعزيبقالـه قال المثل من سأل يندل=والكـل بالخيريسعالـه حفيد الحجيري= خير المعاني ما قـل و دلّ=يا مرتوي من رها .. جاله الحرف مما أصابه .. كلّ=وتذمّر القاف مـن حالـه قابل البشري= في ساحة الحرف اخذ 00وخل=كثيـر مـن نـوخ رحـالـه واللي يمـد النشيطـه 00دل=كــل تقـهـوى بفنجـالـه حفيد الحجيري= الغث كاثر وعكسه قـل=وبناخي الطيب من خاله والشجره اللي بليا ظل=من مرها شمسها فالـه قابل البشري= الزين وهبه ولا ينتـل=ولاكل من يطلبه نالـه والحرعن ماقفه مازل=ويكفي عن القول افعاله حفيد الحجيري= يا أقلام روفو بعزيزا ذل=عِزّوه من بعـد اذلالـه اللي ما له صن له أشكل=وخسارة الحكم أشوالـه قابل البشري= حنا نعزه معـزة خـل=ونبرا من افعال جهالـه ومن لاشرى صح ماحلل=لاصاد شريـه ولاكالـه حفيد الحجيري= أنتم عدود الرهـا للبـل=محسوب من ضمن عقاله لكنّ كيف الحرام يحـل=ومغربل اللحن يُصغالـه قابل البشري= عن كل من قال مانسأل=الحمل راعيـه يشتالـه واللي عن السايرة يجهل=مايتبعـه غيرجهـالـه |
حرووووف الأسى ؛؛؛؛؛؛؛؛؛
يا ما كتبنا "الهموم" حـروف=يا ما رسمنـا "الأسى"لوحـه حتى انكسر "واوها" المعطوف=وحرف "الألف"صار به لوحه |
الجـــــــهل ..و.. العـــــقـــل
الجهل .. نعمه .. بلا استغراب=كم جاهلا .. مهتني بـ.. جهله والعقل .. نقمه .. لذوي الألباب=كم عاقلا .. مشتقي بـ.. عقله |
الوصل ..و.. الفرقا
إن كان بعد الفراق وصال=فآآنا مع الوصل والفرقـا وإن كان بعده رداة الحال=ناجين بحر الهوى غرقـا |
عذب القصايد .........
عـذب القصايـد .. وردنـاهـا=يومنّ للعذب طعـم .. و.. لـون واليـوم بعـد اختلـف .. ماهـا=من وِرْدها ما .. صفى .. ماعون |
ما وافق الفكر طرف النون .... مع أبو مديــــــــده
حفيد الحجيري= عـذب القصايـد .. وردنـاهـا=يومنّ للعذب طعـم .. و.. لـون واليـوم بعـد اختلـف .. ماهـا=من وِرْدها ما .. صفى .. ماعون أبو مديده= وينك عـن اللـي تقّفاهـا=ياللي قصيدك سِحر وجنون ماكـان واجبـك تحماهـا=قبل إتِّعكّـر وتصبـح دون حفيد الحجيري= توقيتنا حسـب مبداهـا=يا من بصفو المثل تبدون والطيّبه لـو قصرناهـا=وش فايدة عرفنا المكنون أبو مديده= لازِلت أنآشِدك مرواهـا=مادِمت في أمرها مامون لو كِنت مِحتـاط لعداهـا=ماأتغّير الطعم والمضمون حفيد الحجيري= تفسيركـم ضـلّ مبناهـا=والعالـم الله بمـا تخفـون لا شك ما صِبت مغزاهـا=ولا وافق الفكر طرف النون |
و هـــــــكذا حالتي حاله ؛؛؛؛؛؛؛؛؛؛؛
أذكره .. وأنساه .. ثم .. أذكـره=وهكـذا ... حالـتـي .. حـالـه ما بين لحظات .. حب .. و.. كره=آموت .. وأحيـا .. وأنـا قبالـه |
في سكة الجهل لا تبراه .... مع الشاعر سرور البشري
حفيد الحجيري= سلام مثل الجبل ياسـرور=يصعب على غيركم يرقاه أجمل من أجمل بنات الحور=و أحلى من الذوب في مجناه سرور البشري= يانجم شامخ سطع بالنور=ياحـر فالنايفـه مربـاه في برولافوسـط بحـور=ترحيب لابو علي حيـاه حفيد الحجيري= دام البقا والوفـا مخبـور=من يمكم ما يزلّ سـراه والآن ليتك عليّ تشـور=في حال يابو رحم ما قواه سرور البشري= يبقى الوفاء بيننا معمور=والكل منا يحث أخطـاه وتبشربعزك يانسل صقور=لابان منك المثل مغـزاه حفيد الحجيري= بنيت له في حشاي قصـور=علّيـت جدرانهـا لرضـاه واليوم أشوفه يلـف يـدور=ويش أخلفه وش عوج ممشاه سرور البشري= وفيت يابوعلـي وقصـور=مـن جانبـه والعليـم الله والفعل هذا منـه منكـور=منكور بس قوللي وش جاه حفيد الحجيري= مد اليمين و مددت جسور=من شان ما تنخجل يمنـاه ولما اعتلى البني هدّ السور=هـده وروحّ يـجـر الآه سرور البشري= إن كان طبعه كذا معذور=في سكة الجهل لاتبـراه لاصار ساس المكروالبور=يجري مع الدم في مجراه حفيد الحجيري= بآخذ بوصفتك يالدكتور=لو كان دائه يسير دواه والآن يابو رحم مشكور=شرفتنا يا عريب الجاه |
اللي تمــجـــــــرى اللحن مـــــــا ؛؛؛؛؛؛؛؛؛؛؛؛؛؛
اللي تمجرى اللحن ما أنهـاه=ولا اعتـذر فـي مجاراتـه وش جاه يا صحابنا وش جاه=ما يوصّل الحـرف منهاتـه |
ما فيه .. كلمه .. بليّا .. رد
الكلمه اللي ما تحماهـا=لا تقولها وأنت منت بقد احسب لها قبل تبداهـا=ما فيه كلمه بليـا رد |
يا لســــــــــــــــــاني ...........
الكلمه .. اللي تجيب .. اللوم=يا لساني .. احذر .. تبدّيها والكلمه .. اللي بها .. ملزوم=لا .. يا لسانـي .. تعدّيهـا |
تــــــواضـــــــع المــــغرور ........
منهو تواضع بقصد ... الكِبْـرْ=في أصغر .. الشرك .. مستوطن مثل .. المرائي .. بكثر الذكـر=ما نابه إلّا .. الجما .. ترطـن |
مثل الذهب كيف وألاّ كم .....
حفيد الحجيري= سلام مافيه أبـد خِلّـه=ينصى بخيتان ولـد العـم اللي فكثـره وفـي قلّـه=مثل الذهب كيف وألّا كم بخيتان البشري= ترحيب لايمكن تملّـه=يابو علي ياخشير الدم واجب ومده على الملّه=ونتممه بالوفا ونّتـم حفيد الحجيري= تبقى يا راع الوفا كله=يا ملبي القيل يوم أزهم شريط الأحزان بآآ فلّه=لنكان تقدر تلمه لـم بخيتان البشري= راع الوفا مثلكم مثله=لاجاه راع المثل ينعم لاباس عن مابكم هله=يمكن لكم فالأمر ندعم حفيد الحجيري= لي صاحبا علته علـه=متشكل ِ بين فتح وضم ليا صددناه ما نزلّـه=وليا قصدناه ما نسلم بخيتان البشري= نبّه خويك على الخلّـه=مادامها بين فتق ونظم قـدام لاتظـل وتظلـه=يمكن جهل مادرى بالعلم حفيد الحجيري= الـدرب يعْرِفْه ويدلـه=فيه الذكـاوه ويتغيشـم المشكل اللي نبـي حلـه=ما أقوى معه غير قولة سم بخيتان البشري= إمـا تصمّـل وشكْلّـه=والا معه بالوفا اعـزم قـدام لاسيفـك تسلـه=وصاحبك بكرة معه تزلم وعن عيبه الواجب تقله=مادمت لمصاحبه مهتم بالطيب إسعى وحاولـه=درب الوفا معه ماتنـدم |
ما تكتب الكايفه يمنــــــــــــــــاه ............
اللي ما يتعب على الفكره=ما يكتمل بنيه ومعنـاه واللي ما يعط القلم فِكْرِه=ما تكتب الكايفه يمنـاه |
دامك مسيّر على الطايف .... مع بخيتان البشري
حـفــيــد الـحـجـيــري = دامـك مسيّـر علـى "الطايـف"=بتمـرّ .. طلعـة كـرا .. لا بـدّ وإن كنت .. فطلوعها .. خايـف=مالك .. و .. مال "الهوى" و "الودّ" بـــخـــيــــتــــان = جْـوه وفيـه الثـمـر صـايـف=ليّـا متـى00 بجوكـم 00لابـد إن مانت 00وقت الحدث 00كايف=طالك 00 و00طال "العناء"و"الوجد" حـفــيــد الـحـجـيــري = فـي جوّنـا .. الغيـم "متلايـف"=ومزونهـا .. نـوّهـا .. قـايـد راقيـن .. فالمرقـب .. النايـف=يسهل .. لنا "الصعب" و "الكايـد" بـــخـــيــــتــــان = يا 00جو 00 بثـه لنـا "لايـف "=شمسه000 ولـه "حرهـا" سايـد "وافيـن " للمـذهـب "الهـاتـف"=تسلم مـن "العيـن" و "الحاسـد" حـفــيــد الـحـجـيــري = ماني .. لجـو الشفـا .. عايـف=لكـنّ لأهلـه .. مانـي .. رايـد الذيـب .. للمكسبـه "حـايـف"=وأنتـه .. علـى عدّهـا .. وارد بـــخـــيــــتــــان = ماني 00لما تذكـره 00 "طايـف"=لانقـص 00فيهـا ولا 00 زايـد "للمكسبـة" 00مابنـا 00زايـف=تاريـخ 00لفعولنـا00 شـاهـد |
الهم عدو العقل و الجسم .... مع أبــــــــــو طلق
حفيد الحجيري= بين الأسامي لمحلي اسم=راعي وفا والوفا راعيه أبو طلق والمعاني رسم=سلام منّي لكـم أبديـه أبــــــــو طلق= لمحت من لك فقلبه قًسم=يابو علي مايساوم فيه ياللي لكم فالمعاني وسم=ترحيب من ودكم أثنيه حفيد الحجيري= وافي ولا تمدّ غير الدسم=قافك على ما تبي تبنيـه واليوم منكم نريد الحسم=في همّ ليّه زمن كانيـه أبــــــــــو طلق= الهم عدو العقـل والجسـم=لا حـل بالآدمـي يعضيـه عمليق يردي جديس وطسم=إنكان ما تضـده وترديـه سِل الأمل من حسم بن عسم=يكفي من الهم بتـر إيديـه تبشر اراضي الصبر بالوسم=والرب ماخاب من يدعيـه |
كا ملة الجــــــــــوده ............
متمركزه وحدها فالنيف=من قوة الحرف والجوده مبنى ومعنى وكم و كيف=فالخاص لا العام موجوده |
اللي يبا رطب تمرتها .................
من لا تقوّى بخسارتهـا=ما حقق من النجاح أدناه واللي يبا رطب تمرتهـا=يصبر على صيفها يجناه |
ملتقى حرب الأول ............................
دايم على العز عنوانـه=ما تهزه الريح لو هبـت شامخ رغم أنف عدوانه=وتبت يد محاربه تبـت |
بـخـيـتـان الـبـشــري= حُب و وّله !! إشتياق و شوق=تاصلـك حامـل لـهـا ودّي دام النظر معتلـي بـك فـوق=لاتجيـب بالفكـر و تــودي حـفـيـدالـحـجــيــري= يابو محمد ... جميعـك ذوق=حدّيت ...الابداع لك ..حـدّي تروّق القاف .. لين.. يـروق=يمّ .. السحابه .. بـه تعـدّي بـخـيـتـان الـبـشــري= يارائع القول 000والمنطـوق=مانـي علـى الحـد متعـدي لاني بسابق 000ولا مسبوق=قسمي مـن الوافيـة عنـدي حـفـيــد الـحـجـيـري = دايم ولك فالثمينه 000 سُوُق=يـا وافـي الكيـل والمـدي تساق لك كل جزله 000 سَوْق=ورثتهـا أب عــن جــدي بـــخـــيـــتـــان = يامطوقيـن المعانـي طـوّق=ياطيـب الفـعـل يـاسـدي لك قدر بين العـرب مرمـوق=موروث من سابـق العهـدي |
بخـيـتـان الـبـشــري = سلام يقعـد معـك ويقـوم=يأكل ويشرب معك ويبـات لأهل الوفا بالوفـا ملـزوم=ومن راح بالطيبة له جـات حـفـيـدالـحـجـيـري= ترحيب يصحى معك وينـوم=يسرح ويضوي معك بالذات للي يمـد الوفـا موسـوم=بالطيب من وافـي المـدات بخـيـتـان الـبـشــري= يبقى الصفا والنقـا معـدوم=في غير مثلك رجال ثقـات كيف اتقاضى من المحشـوم=سجين فكري طليـق الـذات حـفـيـدالـحـجـيـري= ما شفت للطيب طير يحـوم=إلاّ أنت يا عالـي الهـدات ما ينوخـذ حـق للمظلـوم=من ظالمـه دونمـا اثبـات بخـيـتـان الـبـشــري = كيف أكتب نهاية المقسـوم=واللي ظلم ما انكر الحـالات هو الدواء و دائي المحتـوم=وأنساه ذآ اصعب الصعبـات حـفـيـدالـحـجـيـري= يا صاح ما ينعطى محـروم=ما به دوا بـدون تأثيـرات والي رضى ظلم يرضى اللوم=ملزوم يصبر على القسمات بخـيـتـان الـبـشــري = زودت فوق الهموم همـوم=ومعالج أهل الهوى جرعات كلاتنـا للبعـاد خـصـوم=ويبقى الأمل كامل الأوقـات حـفـيـد الـحـجـيـري = حسب الذي قلـت يازيـزوم=أبديت لـك صافـي النيـات لو لك دوا عندنـا مخـدوم=مافي يدينا سوى الدعـوات |
يابو محمد حمست البن .... مع بخيتـــــــــــــــــــــــــــــــــــــــان
حـفـيـد الحـجـيـري = يا بو محمد حمست البـن=و صبيت للقارحه فنجـال بــخــيـــتـــان = حضرت لأجلك ملوك الجن=وكـل عقـدة لهـا حـلال هات الذي فالهجوس يـدن=ياوافـي الكيـل والمكيـال حـفـيـد الحـجـيـري = يا ولد عمي ما خاب الظن=ما للردى فيك لـو مثقـال لكن بعض العرب لي كـن=الحقد وأبـداه فيمـا قـال بــخــيـــتـــان = ماخابت عيون بـك لـدن=ماللضعافـة بكـم مدخـال الحقـد راعيـه دوم يـزن=ضعيـف لفعالكـم ماطـال حـفـيـد الحـجـيـري= تسلم يا راع الوفا والقـن=ياللي لك النايفـه مدهـال اشره على مـن وألا مـن=المنعوج لو عدلتـه مـال بــخــيـــتـــان = ميقن وليتك معـي تيقـن=حتى معي تستريـح البـال ياكثرهـم ياحسـن لكـن=يكفيك من لك بهم منـزال حـفـيـد الحـجـيـري = بعض العرب حي لو يدفـن=ذكره يورث بعـده أجيـال وبعض العرب ميت و مكفن=لو كان فوق الثـرى لا زال بــخــيـــتـــان = معـادن النـاس يختلفـن=أنواع متفاوتـة وأشكـال ودام الوفا دار لك مسكـن=في كل مجهى ولك ميصال ولاتهمك قلـوب ماتذهـن=ولاتستمـع كـل ماينقـال من جابتـه مالهـا ثمـن=ماينحسب من وجيه رجال |
غاية رضاها الرضا منكم ؛؛؛؛؛؛؛؛؛؛؛؛؛؛؛؛
حلفت مني ما تسمعهـا=الجابه اللـي تزعلكـم حيثك منى الروح مطمعها=غاية رضاها الرضا منكم |
الساعة الآن 03:14 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir