|
ديـــــوان كســـرات ( الفـــــارس )
السلام عليكم ورحمة الله وبركاته هذه كانت اول مشاركه لي فالملتقى وماقصروا الاخوان شرفوني بردودهم الجميله
الفـــــارس= سلام ياسـادت السـادات=وافكاري تطلب سموحتكم معذوره لامن غدت ماجات=ياكيف تنصـف سعادتكـم عبدالعزيز الزويهري= يا مرحبا و أبرك الحزات=يا مـن فرحنـا بجيتكـم و اللي غدا بالفكر ما فات=فيه الوفا من سماحتكـم سالم البشري= ترحيب يافارس الأبيات=جزله بلاشك كسرتكـم شرفتنا فاسعد الأوقات=في ملتقى حرب سدتكم ابن الباديه= ترحيب يامبـدع الابيـات=معروف والطيب عادتكم ضرغام دايم لكم وقفات=كم منتدى تحـت رايتكـم اخوكم : عبدالله بن كامل بن محمدصالح الغانمي |
هذا الحشى قد ماتقدر=اطعن وسو الذي ودّك دام الصبر للهنى معبر=ياماحلا الطعن من يدّك |
من بعد غيبة عنا وفـراق=لحظة لقى و حضرة الدمعه مدام قلبك غريق اشـواق=تعـال حـنولـع الشمعـه |
ونّيت ونة كسير الحـال=حالوا حبايبه من دونـه يعجل خطاته على الترحال=من خوف لايلـد بعيونـه |
ابعـد واقفـي وعـنـك اروح=لاتحسـب انـه غـدى قسمـي لو كنت منتـه عديـل الـروح=وش ميزة الروح في جسمي ؟؟! |
يامدّعي شي ماهو فيـك=ارفق على حالتك يافلان تبغى المعالي وانته ديـك=غرّتك ياصاحبي الجنحان |
مجــــاراة مشـــاعر ليست الا
ياصاحبي والدهر ميّـال=والدله اللي بها جانـي شرّبتني واحتري الفنجال=ياتيك من حيث ما جاني |
احسب ثوانيـه والساعـه=واعيش في ليلتي مرتـاب سيوف الاشواق قطاعـه=والجرح في داخلي ماطاب |
اسقيتني بالخفـا مـرّك=وانا الذي بالحلو اسقيك شفت الوفا يالغضي غرّك=خلاك تجني على وافيـك |
محاوره تشرفت بها مع استاذي حسيبك للزمـــن
الفـــــارس= سلام وازكى عبيره من=فوح الزهر لالفته رياح للشاعر اللي رموز الفن=من حرفنه لبسته وشاح حسيبك للزمن= يامرحبا وانت راعـي قـن=ياالشاعر الفـارس اللمـاح يشوقنـي حرفـك المتقـن=وكم شاق غيري وعطره فاح الفـــــارس= دام البقى وانت لي مزبـن=لا منّ جـور اليالـي لاح حيثك عن الجود ماتسكـن=من جملة اهل العقول رجاح حسيبك للزمن= ماهي جِميلة ولالِي مَـن=باسعى لكم سَعْيَة الملاح وابذل لكم كل مايمكـن=ولاتشرب الا زَلالِ قْراح الفـــــارس= هيّا اسمتع قولي واتمعـن=فللي رماني بدون سـلاح عشنا الصفى وابتلاه الظن=حاكوه حسّـادة الاربـاح حسيبك للزمن= دَوِّر على صافي المعدن=اللي يشيل الحمل لاطاح وخِلٍ تِبع خِطَّة المفتـن=ليتك تِعدِّه سراب وراح الفـــــارس= هو طيب القلـب وحنيّـن=غرّوه مع شدة الالحـاح وان كنت ابنساه مو هيّـن=وش ذنبه الحب دمه ساح؟ حسيبك للزمن= يِكفي من الشَّـرح مابَيَّـن=انا اشهد إن الهوى فَضَّاح خايف على قلبـك الليـن=خلَّك على موجته وارتـاح الحب يحتـاج لـه صَيِّـن=معذور وادعي لكم باصلاح دامه على العرش مِتْعَيِّـن=ياالله عسى دايم الأفـراح |
لو الوفا بالوفا مكفـول=لاوفي قليل الوفى وانسى مير الزمن ياقليل الحول=حط السطى للعطى مرسى |
من يوم ماجفيتني يافـلان=كـل الاحاسيـس منشـده حتى البلا صار في الاجفان=ماحدٍ عطى صاحبـه وده |
لك فالحنايا زهر فوّاح=يفوح لاجيت في بالي يامالك الروح كيف ارتاح=وانته بذا الهجر ياغالي |
دورت لك في ثنايا الامـس=سقيا تخفـف ظمـا الليلـه حتى وصلت لغروب الشمس=ماسعفني الشوق من حيلـه |
ياكـم نصحتـك ولكنّـك=درب الصفى ماشيٍ دونه تشكي العنى والعنى منّك=تعزف على اوتار مجنونه |
لا صار ما يسر مايصيبك=مافيك ياصاحبي نقصـان هي ريح الاقدار تسريبك=في عكس ماتشتهي احيان |
من كان جاير على ربعـه=وماحْسب حساب اللحم والدم لايحتري للصفـى رجعـه=ماعقّبـه جـرح مايلـتـم |
لاذقت من مر يومك كـاس=وارخى عليك العنى ستاره ليه التفافك وطاري الياس؟؟=مــادام الايـــام دوّاره |
ابحرت ومقصودي بلاده=واليا تصافق بي الامواج ومن يقدر الود ياساده؟!=لامن تمادى بحرْه وهاج |
لك شوق ماكب مطلاعـه=دايـم ولـه فالليالـي دور حتّى غدى معاير الساعـه=لحظة غروب الاصيل يثور |
مابين فرقى الهوى الحارق=ومابين خوف العنى يجتاح دمعة وفا كانـت الفـارق=دفتها ذكرى ليالي مـلاح |
للود جمرة غظى عسره=وقّادهـا الليـل لاجنّـح يقضيبه الاآه والحسـره=من كان في خطاه مترنّح |
لاتزعل ان جيت ناصيني=ولاشدني منظرك فالقرب من كثر ماطحت من عيني=ماعاد تقوى تشوف الدرب |
الصاحب اللي لنا خوتـه=ماتبان في وقتها ( الشده ) احسن لنا فالرخـا قلتـه=اللي ( العدو ) وقتها يسده |
محاوره تشرفت بها مع الشاعر القدير عبدالرحمن شريان الجحدلي ( الذراع )
الفـــــارس= عد الزهور البهيـه مـا=شدت هواوي بطيب الفوح سلام في مقصده يسمـى=شامل لكم يابعاد الشـوح الــــــــــذراع= عد المزن لاهمل بالمـا=عد الورق لا نما فالدوح يامرحبا والفرح عـمّـا=أهلاً بكم ياسليم البـوح الفـــــارس= دام البقـى والصفـا ينمـى=حزّت جزيل النبا مايلـوح امـا بعـد ودي بكلـمـى=ونكسب معك فالمثل مشروح الــــــــذراع= الود للآن ما تمّا=ياليت نبني عليه صروح شوقي لمنطوقكم طمّا=على هوى خاطري و الروح الفـــــارس= مادامه الود لـي مرمـى=الدوح تطرب سماع النوح انا غبنّي الهـوى اعمـى=والناس صوبه لهاف تروح الـــــــــــذراع= الناس ما تتبع الظلما=تتبع سنا البرق والمصلوح والود مثل القمر مهما=نخفيه نور القمر مفضوح الفـــــارس= شوف القمر كيف له رسمى=ابداعها من طعن وجـروح ولاشفت فاجـواءه البكمـى=غيره صدى صوتي المبحوح الــــــــــذراع= كل شي ينجاب بالحزما=ادخل مع الباب يا مجروح داوي جروحك قبل تدما=وتصير بعد الرجا مطروح الفـــــارس= ظنك يبي يفيدني العزما=ويردّني لبابه المفتـوح وسهيل للحين له قسمـى=ويجود في دربه المفسوح الـــــــذراع= إستخلف الله فما يحما=تلقا بداله عريب مزوح إنسى هوا سهيل يا شهما=لاتميل عن ساحة المسموح |
لـوّك تبـي للمحبـه اثبـاات=ابزهـل اثباتـهـا للعـيـن لكنـك اقشـر قليـل الـذات=شف وين انا صرت وانته وين |
في مباراة البحرين والسعوديه في تصفيات اسيا المؤهله الى المحلق ومن ثم الى نهائيات كاس العالم 2010 كانت السعوديه بحاجة الفوز للتاهل لملاقاة نيوزلندا في الملحق وكانت النتيجه 1-1 حتى الدقائق الاخير من المباراه سجل المنتخب السعودي الهدف الثاني في الوقت بدل الضائع وبينما الجمهور يحتفلون بتاهل المنتخب فاجاهم المنتخب البحريني بهدف التعادل في الدقيقه الاخيره من الوقت بدل الضائع وقبل صافرة الحكم بثواني ليتاهل المنتخب البحريني لملاقاة المنتخب النيوزلندي على حساب صقورنا الخضر لذلك قلت
لا يامباراه مجنونه=شللي حصل حزّت الصفري بعد الصقر لدّ بعيونه=اعموه من حيث لايدري |
مادمت تنكر ضفـاف الـود=قلي وش اعطيت من ودّك ؟؟ او يـد تـزرع حنـان ليـد=وتحصّل الشوك مـن يـدّك |
مردود تشرفت به مع الانيــــق
الفـــــارس= ليتك تفيـد الـذي ليلـه=يقضيه في الاه والتنحيب وبيوم قلّـب محاصيلـه=وللحين نادم على التقليب عبدالعزيز الزويهري= ما فات يـودّع مراسيلـه=و يرحم فؤداه من التعذيب إن كان بنطـاوع الميلـه=ما عشنا ليل الهنا بالطيب |
( ربيــــع القــــلب )
من قال يشفي البحر لي غلب=ولا منـاظـر طبيـعـيّـه وانتي ربيع الفكـر والقلـب=لاهفهـف الشـوق فجريّه |
( العيون الســـود )
لاقلته الجود فالماجـود=من قسوة الاه متانّـي انا دخيل العيون السود=من شي فالصدر غابنّي |
ياغـزيّـل نـعـاسٍ اهـدابـه=يانـاعـم الـعـود يـالإلـهـام طاري الزعل بس وش جابه ؟؟=وانـا الـذي معطـي الأحـكـام قلـبـي مابيـنـك واحـبـابـه=قسمتـه نصفـيـن بالإحـكـام مـو حــق قسـمـك تهنّـابـه=وتخاشـر النـاس فـي الاقسـام |
على ابن عمي اخي وآنا=والاجنبي كلنا ضدّه شوفوا الجهل وين ودّانا=للحق كلٍّ قصر يدّه |
الفـــــارس= على ابن عمي اخي وآنا=والاجنبي كلنا ضدّه شوفوا الجهل وين ودّانا=للحق كلٍّ قصر يدّه بخيتان البشري= هذا مثل في زمن كانا=الجهل حاكم ومن قدّه وديننا اليوم وعانـا=نقره الحـق ونعـدّه الفـــــارس= حاضر ولازال في حمانا=لد النظـر بيننـا لـدّه البعض من بعضنا عانا=وحبال رخيت بعد شـدّه والدين لو نوزن اخطانا=في دربه ونحتكم حـدّه ماكان مايربـط اخوانـا=ادنات مايحصـل يهـدّه |
شف طرفي اللي تهـادر مـاه=وشف وش كثر طاح من قدرك يوم الهـوى بحاجـة مـداراه=اسكنتك العين ... وش عذرك؟ |
لولا الهوى ماشقينا يـوم=بدروب شانت خطاويهـا مير ابتلشنا بطبعـه دوم=يسطى على الروح يعميها |
ياقلب يكفي اسى وهموم=اقدار ماهي على الساعد دنيا الفنا لو تساعد يوم=تاكـد فيـوم ماتساعـد |
انته تقولـه وذاك يقـول=والكل منّـا علـى قولـه مير انت لا تحكي المعقول=الا على نـاس معقولـه |
شدني مطوع من طلاب جامعة ام القرى في عز الظهر وتعرفون مكه هذه الايام واجوائها وبسيارته المتهالكه التي تكاد ان تتساقط اجزائها مع اقرب ( مطب ) وبدون مبالغه ولكن ابتسامته لاتفارقه يبتسم لهذا ويسلم على هذا والعكس تماما اناس بسياراتهم الفارهه ولكنهم عابسون حتى ان الابتسامه لاتكاد تراها فيهم لذلك قلت
الشاهد الله ماهي بالمال=سعادة البال والخافـق كالكنز من دونه الاقفال=مفتاحها بطاعة الخالق |
اسقيـتـه ورود ذبـلانــه=حتى اصبح العود يروي العين لمّا اكتمـل بـان نقصانـه=الله يـا دنيـا مابيـن وبيـن |
الساعة الآن 04:15 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir