|
ديوان الشاعر الكبير محمد عبدالله العسيلي المرواني
محمد عبدالله العسيلي المرواني الحربي https://www4.0zz0.com/2023/05/09/21/853402399.gif الشاعر الكبير والأديب : محمد عبدالله العسيلي المرواني من مزينة من بني سالم من حرب , ولد في نجد في ضواحي منطقة القصيم , عام 1360هـ وبدا حياته العملية في عام 1378 هـ بالخدمة العسكرية وحصل على عدة أوسمه تقديرية وأكمل العديد من الدورات الدراسية أثنا خدمته , وكان مثالا يحتذابه حتى أحيل على التقاعد في 1/7/1412هـ وتفرغ لإعماله الخاصة : قد أصدر ديوان شعري يتكون من جزئين جمع فيهما أجمل شعره , ومحمد العسيلي شاعر وأديب , قد قالوا عنه معاصريه الكثير من المدح والثناء والألقاب مثل شاعر قبيلة حرب ومحامي حرب , ومنقذ الأرقاب , وشاعر المواقف , ودار بينه وبين الشعراء مساجلات كثيرة و كان رحمه الله مجلسه عامر بالرجال من كبار الأدباء والشعراء , وأعيان المجتمع , توفي رحمه الله يوم الأربعاء الموافق 25/1/1425هـ أثر حادث مروري , ودفن في رياض الخبراء في منطقة القصيم , رحم الله محمد العسيلي نختار نماذج من شعره |
هذه القصيدة قالها في حفل سالم ابن نحيت ريئس مركز الفوارة , بمناسبة الحفل الذي أقامه لصاحب السمو الملكي , الأمير عبدالعزيز بن ماجد بن عبد العزيز ال سعود : إتكالي على محيي البلاد المحيلة = وكل عون ماهو عونه بالشك زايل الخواطر توارد والمهمه جليلة = واهل النقد كل له عيون تخايل وكل شاعر على معناه ينضح صميله= الله انه يجنبنا خطا كل قايل علمتنا التجارب والحياه الطويله= ومن يعيش الحياة يشوف فيها الهوايل لكن اليوم له معنى وغاية حصيلة = يوم عبدالعزيز اقبل يحث الرحايل انهضي يا عزايم واصدقي يا وسيله= واهتفي يا مشاعر واكبري يا مثايل المثايل تعشق اهل الصفات الاصيله = مثلك انته يابن ماجد كريم الشمايل حي ابو هالفصيلة من ها ذيك الفصيله = من سميك على محياك بعض الخصايل والمخيله مسده والمطر بالمخيله = وانت من ماضي التاريخ تملك دلايل بين جدك وابوك وبين راع الكحيلة = بك شموخ الملوك وفيك مجد الحمايل نيابة عن قبايل حرب وشيخ القبيلة= سالم اللي ورثها من الجدود الاوائل شيخنا ابن نحيت ولا ندور بديله= من سلالة اهل الحيزا حماة الدبايل شيخ حرب القديم اللي الرسايل تجيله = شاهد له على ماضيه ما قال نايل وباسم فيصل ولد بندر حريب الرذيله = وباسم عز السعود وباسم روس القبايل باسم اهالي القصيم وكل صاحب فضيله = من حدود الرياض الى مشاريف حايل حي عبدالعزيز بمنطقتنا الجميله = منطقتنا جميله واخدمتها الوسايل محمد العسيلي |
وهذه أبيات ثانية من قصيدة طويلة يقول من عدا على راس معتلي = رجمٍ مافوقه كود ظل الغيم رجمٍ الياجيته تبدد مشاكلي = تقل لي في راس الطويل كليم احاكيه واشاكيه عن ما بخاطري = أهمومٍ اجداد وذكريات قديم رجمٍ اليا داعب نسيمه مشاعري = اعلاج قلبٍ من شقاه سقيم ونفسٍ روابعها تحرك اشجونها = مع السنين المرمسات تهيم نفسي متعبها وهي متعبتني = تروم المعالي والثمن جسيم ماتقبل اللي دون كسب الفضيلة = مهما يكون ولا شمات لئيم محمد العسيلي |
وهذه أبيات ثانية من قيصدة طويلة , رد على قصيدة الشاعر : محمد بن براهيم ابن سالم الزعبي : يقول من عدا على راس عالي = مرقاب مشطونٍ اليا ضاق عداه رجمٍ من الضيقة نصيته لحالي = لو كان مايدفع عن القلب شكواه شكواي يدفعها عزيز الجلالي = اللي دفع عن عبده أيوب بلواه محي الهشيم اللي من الوقت بالي = اللي اليا ضاقت على العبد ناداه الواحد اللي له صفات الكمالي = اللي نخافه يابن سالم ونخشاه نرفع له ايدينا رجا وابتهالي = ونذلل انفسنا لخوفه ورجواه اللي عليه بكل حال اتكالي = الأتكال اللي وثيقاتٍ إعراه تعلقت في باب جوده احبالي = وحبل الرجاء من يم غيره قطعناه وعندي يقين ان الدهر مستوالي = والعمر ماصابه من الأمر ماخطاه ولاني الوحيد اللي الدهر ماصفالي = كلٍ شكى من جور وقته وعوجاه محمد العسيلي |
وله هذه القصيدة , يذكر إن ديوانه مايستحقه إلا منهم في هذه الصفات من الرجال مافي كتابي من مدايح وتمجيد = أهديه لللي يكسبون الفضيلة وأهديه لشيوخٍ شرفهم سراميد = أهل الحجا الياصار بالوقت ميلة واهديه للطيب سليل الأجاويد = لو كان فيه من الخلاوي فصيلة وجنبه عن مارثة كل رعديد = واهديه لمن يرعى حقوق القبيلة أهديه لللي دون ربعه تقل حيد = حلال عقد العقدة المستحيلة وجنبه أهل الحيالات والكيد = أهل الضغاين والنفوس الثقيلة وجنبه عمسين الاريا المقاريد = اللي لهم في كل عوجا وسيلة اللي لهم حمر العزاوي هرابيد = قشران لكن مايعدون عيلة وأهديه لللي مثل شيخ المواريد = وجنبه ملس اليدين البخيلة وباق الملا لانقص بحقه ولا زيد = اترك مجاله ولليالي طويلة |
لازلنا في الحديث عن شعر محمد العسيلي , نختار هذه الأبيات من قصيدة طويلة كلها حكم حياتنا لو عندنا علم غيبها = مضت وانقضت ماحن فيها حوار زهدنا بها زهدٍ يرخص ثمينها = سوى خطوةٍ في درب كل خيار وثباتٍ على الطاعة وبعدٍ عن الردا = واكرام ضيف وحفظ حق الجار وجدوى رفيقٍ خاذلاته وسايله = قاصرةٍ أسبابه ودمه حار وعلم نحصل به على الطاري الثنا = مادام نقدر والحياه ادوار عسى مسلمٍ يدعي لنا في غيابنا = اليا جالنا بين الرجال اخبار وان كان لاهاذي ولا ذي ومثلها = يكفي الرماد انه بقايا نار وش خانة الأسما على هون قدرها = الياصار ماهي بالفعول اكبار والا ترى الدنيا سريعٍ زوالها = ماطاب يوم الا وراه اكدار الأيام ماتعطي عطا كود تاخذه = مركب بحورٌ تعتريه أخطار |
من شعر محمد العسيلي اجبار النفوس بحاجةٍ ماتبيها = لو هي دواء لها على النفس تاثير واللي رفع سبعٍ تعالى عليها = ماكسر هواء نفسي على غير تقدير نفسي جزوع وشيمتي تحتميها = والله كفل رزق الدباديب والطير والناس مالرجي ماتمده ايديها = مار ان عطوا ولا منعوا مابها خير دام الجوارح تذري الروح فيها = ليّه عن المنه وساع المعابير وناسٍ تجنبني ماني مبتليها = ومن جرب العيلة تلقى المخاسير حقوق العرب ماينتعجرف عليها = من دونها ماطرقه راعي الكير |
الساعة الآن 03:13 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir