في الفتره الماضيه قناة الساحه تطاولت على قبيلتنا العزيزه - حرب - وهذه وقفتنا لها ولأي جهه تحاول المساس منا ومن انتمائنا ..

يـاصــــاحبي دام كل الناس باحمــاها =حــث الركايـب وسلم لي على الســاحه
من شــاعر(ن) يردع الفتنــه وينكاها=يتعــب عدود الــروى من بعد مطواحه
يـــاســـاحة(ن) بينت للنـــاس لامــــاها=بالعنصــريه وحــب الـــذات فــواحــــه
بـــانت وشـــانت مع العالم خفايــاهـا=من قبلها الناس مبســوطه ومرتـــــاحه
يــامخرج الشر دم البيـــر وادحــاها=واقصر ســـواد الليالي واكسب الراحه
قدمك بحــــور القوافي يصطفق ماها=وحنا علـــى الكـــود غواصه وسباحــه
يا بـــاعث(ن) فتنة الدنيا من أخبــاها=همّك شريــط الرسايـــل تجني ارباحـه
ماهـــو على حسابنــا تجمع جنايــاها=يـــوم ان كل(ن) يومــّـي لك بملواحـــه
طاولت لك هامـــــة(ن) مانته بوياها=واليوم ناطــح هبوب الطيـــش وارياحه
اخذ القداوه وبــــرّق فــي نحايــــاهـا=امن الامـــاكــن اليا الصحرا اليا الواحه
حرب العريضـه من اولها اليا اتلاها=وقــــت اللوازم علـــى الميعـــاد نطـاحه
مــــاهي بعوزك تعذر فــي مزايــاها=سجّــل لها المجد طيب الصيــت بالواحه
ان جاتنــــا الطيبه بالطيـــب نجزاهـا=وعدوّنـــا ينثنـــي ماطـــابت اجراحــــه
والــــي يدور بـــراد القــــاع يلقـــاها=مايدوّر الريـــــع ويشـــرّف بملفــــــاحه
والله يلــولا حدود(ن) ما انتــــــعداها=لنحارب الشــــر لين يغيــــب مصباحه

بيض الله وجهك وصح لسانك

لله درك

اخي حمدان مخلد الغيداني

ابدااااع راااائع

يا بـــاعث(ن) فتنة الدنيا من أخبــاها
همّك شريــط الرسايـــل تجني ارباحـه
ماهـــو على حسابنــا تجمع جنايــاها
يـــوم ان كل(ن) يومــّـي لك بملواحـــه
طاولت لك هامـــــة(ن) مانته بوياها
واليوم ناطــح هبوب الطيـــش وارياحه

وصدقت يالغالي

وقبيلة حرب والقبائل الأخرى غنيه بموروثها وتاريخها ودينها عن الفتن

واهلها

ويعطيك العافيه

تقبل اجمل التحايا

ودمت بخير