انشدك عن عذراء لها الغالي رخص=عند الرجال اللي تعـرف حقوقهـا
ياكثر اهلها وش تعـم وش تخـص=لكن قليل اليوم مـن هـو شوقهـا

انشدك عن رجال قفى ولاعاد=خاوى قبل بنت لها الفضل مشهود
رجال له هيبه على روس الاشهاد=علم عن الحاضر ومن كان موجود

انشدك عن بنت تسمى برجال =بنت تجي وتعود في كل مره
معروفة بين الملا مابها جدال =مامن وراها خير لوربع ذره

انشك عن مطلوب لافرض ولاسنه= ناس ن يبونه وناس ما يحبونه
ناس ن تقول الغناه ابرك من المنه = وناس ن تقول اترك الرجال بسجونه

ياويش بنت لوتعدت حدوده =تغرق رفيقك في بحر شوفة النفس
يمكن تقوده للمضره تقوده =ويصفق لك المغرور خمس على خمس

انشدك عن بنت توجد عند بعض الرجال =من دونها ارجال دايم تفتل اشنابها
والا الردي منثبرماعنك ياالبنت سال =ماهي بهمه ولاعمره طرق بابها

انشد ك عن بنت مطموسه معالمها=بنت جميله عن الانضار منطمسـه
شهد عليها الصدوق الي مايضلمها=يقول متبطنه واحد مـن الخمسـه

انشدك عن بنت قديمـة بهالكـون=قد انقـذت نفسـاً بغايـة دركهـا
هي ملك حرمه وأكثر الناس يدرون=وفي وقتنا الحاضر مللكنـا ملكهـا

انشدك عن رجال من زول رجال=لا حل في درب مشابه يخليه
يقدر على غيره من الناس يحتال =الا الرجل هذا يضيع هقاويه