|
رد على الشاعر درهوم البقمي
السلام عليكم ورحمة الله وبركاته
أولاً اعتذر عن قلة المشاركة والتواجد في هذا الصرح الشامخ نظراً لظروف خارجة عن الإرادة ،واعترف بتقصيري معكم من ناحية التواصل وأرجو ان اجد لديكم العذر وهذا أملي . بالنسبة للقصيدة اعتقد ان الكل يعرف خبرها ولكن للتوضيح فقط أردت ان ابين للبعض سبب القصيدة. الشاعر درهوم البقمي تعينت أبنة عمه في كحلة ديرة الاحامدة من حرب وسكنت البنت مع والدها ووالدتها بمنزل احد ابناء الشيخ عواد بن دهيرم الاحمدي وكان هذا المنزل بنفس منزل ابو حمد ولقو من جارهم عواد حسن الضيافة والجوار وهذا ليس بمستغرب على ابو حمد وكافة اهل كحلة وحرب عامة والقبائل كلها.العلوم الغانمة كل رجل طيب له نصيب منها، طبعاً درهوم من طيب اصله ومن طيب ذاته رد الثناء بقصيدة وارسلها لعواد. وهذا ليس مستغرب على ابو سامي وابو حمد تربطنا فيه علاقة قرابة ونسب وانا على إطلاع كامل بكل جوانب قصة هذه القصيدة وليس صحيح مانشر من كلام غير ماذكرت سابقاً يقول درهوم
حـنـا نزلـنـا مـنـزل وســـط الأجـــواد= =في ديار حـرب امخضبيـن الهنـادي قـصـيـرنـا عــــواد و نــعـــم بــعـــواد= =فعـلـه وطيـبـه مـثــل فـعــل الـمـهـادي شيـخ علـئ العلـيـا فــلا هــو بـكـواد= =يـرقـئ لـهــا رقـيــةً طـيــور الـهــدادي بيـتـه عـلـئ مـدخــال كـحـلـه تـوكــاد= =يـمـيــن وبــابــه لـلـطـراقـي يــنـــادي بـيــن ولا يـحـتــاج نــشــدات نــشــاد= =مثل النجم وسط السماء نـور بـادي سوالفـه مثـل العـسـل طــب الاكـبـاد= =امـوفـقــه ربـــــي بــهـــرجً ســـــدادي ترفع له البيضاء علئ روس الاشهاد= =كـــــفً نــديـــه جـعـلــهــا بـــزديـــادي قلـتـه وانــا درهــوم مــن مـاكــر نـــاد= =مـن الاد سامـي محتمـيـن الـطـرادي ابـقـوم ســادات عـلـئ كـــل الأسـيــاد= =وقصـيـرنـا يـهـنـا بـحـلــو الــرقــادي ماهي سوالف هـرج وابيـات قصـاد= =يشهد علئ مـا قـول حضـر وبـوادي والطيب وفقـه كـان حـظ الفتـئ جـاد= =الدين ساسه مـن خطـا الديـن غـادي يالله تقـدرنـا عـلــئ الـطـيـب وانـقــاد= =الـكـل مــا يرضـيـك يــا خـيـر هــادي ويا سعود دوك القاف وأمعطر بكاد= =وامـعـطــر فــيــه الـنـفــل والــزبــادي سلـم علـئ شايبـك فـي ثـان الأعيـاد= =يالله عـسـئ عـمـرة صــلاح وعـيـادي كل عام وانـت بخيـر يـا كفـو الافنـاد= =وكـل عـام وانـت اقـرب لـرب العبـادي و يا الله يا جاعل من الحيـد الاوتـاد= =تجعـل قبـر عـوده ريــاض و بــرادي واختامها يا جموع صلو ويـا افـراد= =عـلـئ شفـيـع الخـلـق يــوم التـنـادي وهذا ردي حاولت انزله صوتي ماقدرت لكن بحول الله ينزل هنا الرد صوتي
الشعر في درهوم للمدح ينقاد=قود المطايا من بعيد المنادي يستاهل التقدير وبفعله يشاد=رجلاً جواره ماعليه انتقادي وعواد من طيبه على الطيب معتاد=من خلقته ماهو له ايام بادي جدد بفعل المرجله عصر الأجداد=وحط الاخله في عيون الأعادي دخيل ونويشي لهم ذكر وأمجاد =وابو حمد ثالث صقور الهدادي مواقفه تعرف قديمات وأجداد=على طريق ابوه نفس المبادي حنا حروب ونحفظ الملح والزاد=نشري بياض وجيهنا والايادي الجار عنا ماطوى البيت شداد=كلاً بروحه دون جاره يفادي وانته يابو سامي للامجاد رواد=عن درب فعل الطيب منته حيادي من روس قوم(ن) مجدهم ماله أعداد=في كل يوم وطيبهم بإزديادي بقوم كان ان الخطر واللغاء زاد=والخيل راجت دون قطم التوادي عوق الخصيم ليا ركب راسه عناد=على لقاهم ما يطول التمادي سيوفهم على العدود دايم حداد=وبيوتهم للضيف دايم تنادي متيهين بكار عسافة جياد=تاريخهم معروف علم(ن) وكادي مني لهم عداد ماعد عداد=أزكى سلام بكل ساعه يعادي |
الشاعر الكبير
فهد سعد السليمي صح لسانك وعتلا شانك قصيده جزله بموقف مشرف للقبيله برجل من قبيله عزيزه بلا شك ان الشيخ عواد الاحمدي من الرجال الاوفياء الله يبيض وجهه والشاعر درهوم البقمي جار وعزير وعلمه غانم الله يبيض وجهه على رد الثناء وهاذ ماهو غريب على الرجال الطيبين |
بيض الله وجه من كان السبب لهذا القصيد وهو الشيخ عواد الاحمدي وبيض الله وجه البقمي الذي لم ينسى مواقف الشيخ عواد وبيض الله وجه شاعرنا الفاضل فهد السليمي.وتقبلوا أعتذاري على قلة الحضور والمشاركه معكم. السلام عليكم. |
هذي الجيره اللي عليها الحلا
طيب متبادل ومثال رائع للجيره الطيبيه الشاعر / فهد السليمي ردك وافي وانت وافي صح لسانك انت وكل من رد من شعرانا على قصيدة الشاعر والجار الطيب / درهوم البقمي |
ياسلام:076:
ياسلام :076: صح لسانك يافهد وبيض الله وجهك رد وافي وكافي وصح لسان البقمي |
تسجيل تواجد في منبر الجزاله صح لساانكـ بيض الله وجهك |
الشاعر الكبير فهد سعد السليمي صح لسانك وعتلا شانك قصيده جزله بموقف مشرف للقبيله برجل من قبيله عزيزه بلا شك ان الشيخ عواد الاحمدي من الرجال الاوفياء الله يبيض وجهه والشاعر درهوم البقمي جار وعزير وعلمه غانم الله يبيض وجهه على رد الثناء وهاذ ماهو غريب على الرجال الطيبين بيض الله وجيهكم |
اقتباس:
شاعرنا الكبير/سعد المحمدي صح بدنك طال عمرك وأشكرك جزيل الشكر على مواقفك المشرفه مع القبيلة ومثل ماقلت يابو تركي عن ابو حمد وعن ابو سامي هذا رابط القصيدة صوتية http://linkis.com/up.top4top.net/AVKcy |
اقتباس:
[size="4"]ياهلا ويامرحبا يامحمد عسى عمرك طويل كلامك ماعليه غبار ومن اثنيت عليه يستحق الثناء صح بدنك لاعدمتك وهذا رابط القصيدة صوتيةولم أتأكد منه وارجو من الجميع التأكد منه لأنه جاني عن طريق الجوال ولم اتاكد منه size] |
اقتباس:
ياهلا ويامرحبا ياعامر انا اشهد انك صدقت ان هذي الجيرة اللي عليها الكلام صح بدنك طال عمرك هذا الرابط بصوتي وكما قلت ارجو التاكد منه http://linkis.com/up.top4top.net/AVKcy |
الساعة الآن 01:15 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir