ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مــلــتــقــى الــقــوافــي (http://www.m-harb.net/vb/forumdisplay.php?f=8)
-   -   اللي يعرف الدار يعرف نمورها (http://www.m-harb.net/vb/showthread.php?t=157567)

سعد المحمدي 30-03-21 12:07 AM

اللي يعرف الدار يعرف نمورها
 
رحل جزاء صالح عسی الله يقبله
مرحوم ياسيف القبيله وسورها

عليه يوم السبت هلت عبايري
وذكرت من قبله سكن في قبورها

اهل المواقف والمفاهيم والسطر
قدام ماتكبر بالاعلام عورها

باقي ثلاث اثنين والحبل ينطوي
يعارفين اقبالها من دبورها
سعد المحمدي
*************************
جزل القصايد لاوصل لك شعورها
ياخذك من هم الليالي وجورها

والجزله اليا مرت السمع تنعشه
وتستوقف الشاعر ليا حان دورها

وبعض القصايد مضيعت وقت تبتدي
ثم تنتهتي ماغير شاعر يخورها

وانا سمعت بيوت شاعر لو انها
تحزن فلاكن هيضتني بحورها

بغيت اجاري درع حرب بقصيدته
والعذر منه ان كان بانت قصورها

قصيدتن فالحنتمي كنها الذهب
يالله تكفينا الليال وشرورها

رحل جزاء صالح وتبقى مثايله
شمسٍ يضوي بين الافلاك نورها

رجل مشرف في علومه قبيلته
وحرب الحرايب تفتخر في صقورها

وهذي هي الدنيا و لو طال شبرها
لاهل الخيام ومن سكن في قصورها

تركض وراها الناس والناس لاهيه
وللموت رمحن مايجنب نحورها

احمد المرواني
****************************
مارست بواخرها بغبة بحورها
وماغردت فوق الشجاري طيورها

يامرحبا يااحمد مثل صافي العسل
من باب صنعاء لين سيناء وطورها

غلفتها بالورد والطيب والوفی
ومن شجرة الريحان طيب زهورها

ان جتني الجزله مطالب بمثلها
وابعد عن اللي ميل الحمل كورها

يشاعرن شعره معانيه هادفه
والناس مايجرح بشعره شعورها

يالله تجبر يالمزيني مصابنا
بفقيد حرب اللي حرس في ثغورها

رحل مع اللي سابقينه برحلته
رحله بلا عوده لساحة نشورها

عسی العوض باللي وسيعه بنايده
بين الرفاقه مايحفر جحورها

ودون القبيله تفلج الخصم حجته
يحب قول الصدق مايحب زورها

عن مايزيد الطين بله ومثلها
يبعد عن اللي ماطير طيورها

تمت وجاك الرد عاجل ومختصر
واللي يعرف الدار يعرف نمورها

سعد المحمدي

الحب الباقي 30-03-21 08:40 AM


صحت السنتكم
والله يـعـطـيـكم الـعـافيـــــــــــة
بيض الله وجيهكم

حسيـن 30-03-21 10:03 AM

رحم الله جزاء صالح واسكنه فسيح جناته
وصح لسانك شاعرنا القدير الكبير المتالق المبدع ابو تركي
وصح لسان الشاعر احمد

فهد ابن غانم 31-03-21 06:20 AM


صحــت السنتكــم
دمتم برعاية الله وحفظة



الساعة الآن 05:16 AM

Powered by vBulletin® Copyright ©2000 - 2021, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi