|
فوق الزبا يا سيل شعري تزابـا=واطرخ على بيوت النفوس العليلة [/poem]اللي تحت سور القوافـي تحابـا=مثل الجخاخ اللي بجـال الثميلـة اللي وراء القيفان تطـرد سرابـا=لا كاسبن معنى ولا ارتاح خيلـه جاك المكبّر من صدوق السحابـا=جاروف متحدر وضاق بمسيلـه وقام يتطارخ فوق روس الهضابا=واليا تهيـض ثـم رزت مخيلـه الجن الأزرق من من قصيده تهابا=اللفظ واضح والمعانـي جميلـة والقاف عنده زي شرب الشرابـا=براس البنـان يفـزّ مـا يعتنيلـه من ساس حرب مطوعين الصعابا=اللي لهم بالمجد سيـرة طويلـة تزهى عليهـم ضافيـات الثيابـا=ياللـي ثيابـه ماضفّـي شليلـه عـدونـا نستقبـلـه بالحـرابـا=والضيف تعبالـه صيانـي ثقيلـة والجمر ما يرميه كود الصلابـا=وعود العشر ما يرمي الا النثيلة اليـا غزينـا يشبعـن الذيـابـا=يـوم انهـا بالعنصـرة والقبيلـة بكفوفنا من دم الاعـداء خضابـا=وانته خضابك من خضاب الحليلة اقصر ولا تفتح على الشـر با=بـاواعقل لسانك لا تجيب الفشيلـة |
إلهي عظيم الشان يا هـا زام الاحـزاب=تلفـت مـا عينـت غيـرك يواسيـنـي انا اللي على طول الليالي اصـك البـاب=على المعصية ما كـن عينـك تراعينـي امرغ جبينـي وانفـي المرتفـع بتـراب=وكلـي آمـل تمحـى ذنوبـي وتهدينـي إلهي عظيم الشأ ن يا يالواحـد التـواب=طلبتـك ترجّـح بالقيامـة مـوا زينـي وتجعللي الفردوس منزل بغيـر حسـاب=دخيلـك إلهـي مـن جهنـم تنجيـنـي وترحـم عيونـا دمعهـا منتثـر سكـاب=تخاف القبـر والـدود بالمرقـد الطينـي إذا دمدمو قبري ورزوا علـي انصـاب=وكم عين تشمتبـي وكـم عيـن تبكينـي بكوا ثم نسيو ثـم صكـو وراي البـاب=وكلن خـذا ورثـة إذا زاد عـن دينـي أنا وانت يالقاري شجر أخضـرٍ جـذاب=ولا بـد مـا تيبـس والأيـام تطوينـي مثلما طوت كسرى وقيصر وعكف اشناب=ومثلما توفـى الصـادق مبلّـغ الدينـي الأيام تجري والمنا يـا تجـي بأسبـاب=ولو سلمتنـي يوم!!لـي يـوم تردينـي |
يا غالية اغلى من الـدر والأمـاس=واغلى من التبر الحمر والجواهـر يا بنت شيـخٍ زاده الديـن نومـاس=ذكره شبيه العود باغلـى المباخـر من ساس حرب معسفة قب الافراس=اللـي يدوسـون العـداء بالحوفـر يا غالية مالك شبيهـة مـع النـاس=انتي فريدة عصرها يـا (تماضـر) عنق الغزال اللي ربى بين الاطعاس=ياتـاج روس مكحـلات النواظـر والموت وسط اللي تقل عين قرناس=بيضاء طوارفها !!!وسوداء المحاجر اليـا تثنـت كنهـا غصـن ميـاس=من شافها خطـرن يـزور المقابـر أغاراوصف جسمها حجم واقيـاس=والخصر مثل هلال ثنتين!!!ضامـر مسكانها ما بين عكـاش وضـراس=ومابين ثـادج والحفـر والعمايـر لو شافها مهلهل نسي راس جساس=وبدل بضرب السيف لعب الطنابـر لاسهلمـت بعيـون سـودٍ ونعـاس=تجبر لها خاطر وتكسـر خواطـر |
جيتك بهيكل طيـر مـن غيرجنحـان=انتي زرعتـي الريـش فـي ونتفتيـه جيتـك ثيابـي بيـض لكنهـا اكفـان=روحي على كفـي وعقلـي سلبتيـه جيتـك بقايـا انسـان مانـي بإنسـان=خيـال مـا يظهرلعـيـنٍ تراعـيـه جيتك ظروف الوقت بالقلب نيـرااان=أمااحرقتـه النـار؟؟؟؟؟ والا طفيتيـه جيتك حنان القلـب أشكـال والـوان=صدري عطش لواشرب النيل ما ارويه جيتك وانا رجااال لي بالعـرب شـأن=لكّـن لـي قلـب اذبحتنـي مساعيـه انـا بشرمسكين؟؟انـا اسمـي انسـان=مـن آل آدم ؟؟أعتقـد مـا عرفتيـه؟؟ بليـت فـي حبـك وللحـب شيطـان=وقلبك مـن الرحمـة خليّـة نواحيـه لا ناحت الورقى على خضر الاغصان=يبكي لهـب حـبٍ برجلـك وطتيـه عندك وهم اسمه ((كرامة))على شـان=عشتي سنين العمـر متغطرسـه فيـه كبر الوهم واصبح له بداخلـك شـان=وصرتي اسيره للوهـم ليـن عشتيـه كرامتك والحب صارت خبـر كـان=وبقيت تعاستنا على اطلال مـا ضيـه |
موج القوافـي بيـن الأضـلاع زوّّاام=يثور من طيبـة علـى سـور برليـن لا بـارك الله بالدفـاتـر والأقــلام=إن كان ما غارت على عرض يا سين يوم الرسول اتصـوره حفنـة أقـزام=يقودهـم أبليـس فـي شـرع لينيـن يا ألعن بشر بالأرض يانسل الأزنـام=يـا لمفسديـن المجرميـن الملاعيـن هـذا رسـول الله أخـيـر الآنــام=الصـادق المصـدوق خيـر النبييـن يا سا رقين الخبز مـن بيـن الأيتـام=هـذا رسـول الله أبـو المسـا كيـن قضى سنيـن العمـر صـوام = قـوامحتـى قبضـه الله مـن بعـد ستيـن ضلل عليه الغيم فـي رحلـة الشـام=منصور في رعب العداء عـدة سنيـن أنـزل عليـه الله طــه والأنـعـام=ومفصـل وسبعـة مثانـي وميئـيـن رحمة بكـل الخلـق إنسـان وأنعـام=ولآل آدم مسلمـيـن ومـعـا ديــن ما خان فـي عهـدة لعّبـاد الأصنـام=ثابت على القرآن بـا لعسـر والليـن يا محرفين الدين فـي عـوج الأقـلام=ياللي حضا رتكـم مراقـص مغنيـن حرفتم الأنجيـل مـن بيـن الأقـوام=واخذتم اللي ترتضونـه مـن الديـن شوفو ا بضا يعكم على الشاطيء أكوام=محدن يبـي يأكـل طعـام الخبيثيـن بكـرة تجيكـم بالسفـن كنهـا الغـام=هيـا كلوهـا يـا لخبـاث الحقيريـن عليكـم اللعنـة علـى طـول الأيـام=يا لضالين اللي عـن الحـق غاديـن |
مريت بسدير قبل الفجر مـا ينـادي=واطلقت صرخة عظيمة يم اهاليهـا سلام يااهل السهل والتـل والـوادي=سلام يا روضـة الريـم ومراعيهـا اللي ليا سلهمـت بعيونهـا رقـادي=عين المها تستحي لا جت تراعيهـا قلو علامك مضيع شيء او غـادي؟؟=وشبك تروح وتجي والدرب مخطيها قلت ايه ؟بسدير ضاعت مهجة فوادي=والروح والعمر كله ضايعـن فيهـا اسرجت خيلي بليـا درع وزنـادي=والليل مظلم ورجلي ضـاع هاديهـا بقضي سنيني هنا سـرداد مـردادي=أما لقيـت الفقيـد؟؟او اندفـن فيهـا حرم عليه غلاهـا النـوم والـزادي=وان نامت العين؟؟تبغى طيف غاليهـا يالله يا باعـث محمـد لنـا هـادي=يا رازق الخلق بالدنيـا ومحصيهـا اغفر خطايه وحقق غايـة مـرادي=وارزقني ارضاك باأولهـا وتالي |
يا رفـع السبـع السـوات والعـرش=يا رازق الـدود العمـى فـي مكانـه يا سامعاً ذا النون في معـدة القـرش=أبريـت جرحـه ثـم شـال الأمانـة يا رازقاً حجرف بعـد فقـره بطـرش=ارسلت لـه رزقـه يسحّـب عنانـه ناسن بهاالدنيا تهافـت علـى القـرش=فقـراء عرايـا يطلـبـون الإعـانـه ما يقلطون ألا على السـور والعـرش=عاشوا على هامـش حيـات الإهانـة وجيرانهم يشكون من تخمـة الكـرش=وأموالهم تصـرف علـى ليـلا دانـة غصني من أوراق السعد منمرش مرش=واشـم مـن حولـي زفيـر الخيانـة بغابة بشر عاشوا على السلب والهرش=صعبـن تميـز بيـن مسجـد وحانـة بركت من وقتي مثل بركـة الهـرش=من يوم شفت الليـث مرخـي آذانـه يارب!!أنبت في غصون السعـد ورش=وأفتحلنـا فـي حـظ الأيـام خـانـة أجرش غلول الوقت من مهجتي جرش=وارضى علي!!!وزيـد قلبـي ديانـة |
عديت في راس الطويلةو حّولت= مرخي جفون العين مفلت يديه وقال المحرول باسفل الرجم وش قلت=قلت أنت مالك بالقوافي مطيّة يامابجزلات القوافي تمثلت=وسرحّتهن بالطرس مثل الرعيّة وش عادلوأني من القاف فصلت=قصرا"عظيم وضاق ثوبي عليه عديت فالعيطاإلى ماتململت=سوى سوى!!! كثّرت والابليّه نقّضت من خام الحناياوفتّلت=قيفان من دمع المحاجررويّة وارسلتهن مثل من العام ماأرسلت=الدرب هوالدرب والرد زيّه ومهماكتبت من المراسيل واجزلت=مايدفي الصردان مشلح خويه أركب بحرصعب القوافي ولازلت=ماهمني عصف الرياح القويه وأناليامني على القاف صملت=يصيرخاتم في أصابع يديه أركب وعرأركب بحروأركب ازفلت=ماالقى صعوبه بين هذي وذيه أنالهب لوعن جوادي ترجلت=لي رايتن بالقاف ماهي خفية تميل هاجوسي معي وين ماملت=وأقطف زهرهاوأزرعه في رويه وكاني بمدعوج النواظرتغزلت=أصدح بقافن ما تحصل شدية اليا دعاني شوقهاماتمهلت=لعيونهاأشرب حياض المنية ترجح بهاكفةقصيدي لياكلت=وآقول ماوفّيت حق البنية ريم اباأصيده ولكن تغربلت=وسرالقرادة كان مربوط فيه ياماعلى شانه سهرت وتحملت=لكن جزاني باوسط القلب كية وإذانويت الشامخات وتعدّلت=أنظم عقودمذهباتن نقية لهب لهب في مرهف السيف لاجلت=في حدسيفي تنجلي كل سية ياطفةالرجم الطويلةولوطلت=إليانويتك ماصعبتي عليه وياللي قريت القاف لاتقول لي علت=المسألةقصةحروف ابجدية كانك زعلت إني برجمي تعلّلت=الرجم ياسع له من الناس مية عدالطويل وسجل اللي تخيّلت=وتغززالعيتاءوخل الرديّه وكانك مع حروف القصيدةتزاعلت=أعطيك من جملةحروفي هدية والاأنارجمي معي وين ماحلت=أرضه ورق وأعلاه ريشة ندية |
اعزي الخليج بشاعره راعي الميقاف=واعزي الملاعب والقصايد اعّزيها بشاعر يخضب القاف لا بان شيب القاف=يرده شباب ويلحق الشاه ر اعيها قضى بالمصحّةمن زمانة سنين عجاف=ونهارأمس طارت روحه لعرش باريها عسى جنّة الفردوس مثواك يا صيّاف=وعسى مرضتك تطهير للي سبق فيها ليا شالوا الصفين جاهم تقل خفخاف=تكش الجلود من من اللغوزومعانيها بحر والبحر ماتنقصه غرفة الغراف=عسيرة؟غريبة؟ ماتهمّة قوافيها مضت حول خمس عقود ماله شدي ينشاف=يشيخ الخصوم اليا تقصّى خوافيها ليالاح بالقلطة نضيرة يجيه إرجاف=يحس الوسيعة ضايقاتٍ نواحايها ولاأقول إن الملعبة لاانفقد تنعاف=يجي من يسد اللازمة للتزم فيها وحنا بفضل الله ترى ماعلينا خلاف=قبيلة يرسّخ مجدها فعل ما ضيها نهار إندفن صياف حضر مية صياف=(علي)(تركي)(وسيدي)تنومس هقاويها لهم باع طايل في تصانيف طرق القاف=و(معتق) فتانا اللي رسى في موانيها و(راشد)سليل المجد يسعى لها ويطّاف=ومالاح له من سبّق الصيد يرميها مجرّة قبيلة حرب شعّاقها خطاف=ليا غاب نجم يطل الآخرويضويها نشعلل لهبها لين يكشخ على المشراف=مثل نار كسرى كل من مر يرعيها وتبقى سماء حرب الدول برقها رفراف=تناعت به العربان ويعل ظاميها لنا رمزما الخالد ليا رزّوا الأهداف=نهزم الدول ونحطّم عروش واليها مقال وفعل يشهد بها راعي الإنصاف=حقايق تعزّك يوم للناس ترويها وشبابة لها صولات مع باقي الأحلاف=تضد الخصوم اليا تعزوت بــ هاليها |
راكب اللي لاركبته صرت حاكم دولة=جيب لكزس منوة اللي قاصداً خلانه [/QUOTE]لااستوى فوق المقيّــر كن محداً حوله=فرخ شيهانن يلاعب بالفضاءجنحانه ياخد بسرب المواتر بالتغلي جولة=ولاتجاو زما تميز بالظلام ألوانه سكري مع لؤلؤي يادوب تلمح زوله=في طوارف ميخره يقدح سناءالمرجانه مختلط بوصوف وجهه أنثوي بفحوله= قوة فحول الرجال ورقة الهيمانة كنّه اللي قال لافي لاعترض كبسولة=والقبال قبال عذراء بالحلافتّانة من بعيد ومن قريّب في جماله هولة=إن تقــرّب قصرحاكم !!وإن تبعّد دانة والعلامة إل(L) عوجا مثل فك الغولة=سنت أنياب المنية للعشاءخرمانة فاتها اللكزس وظلّت كنّها مخيولة=فاتحه فمها وباتت ليلهاجوعانة ماتبيعه كوديمنى بدينهامغلولة=غلهابالدين صفقة باسهمن خسرانة ورّطو راعيه فيهاعالما"مهبوله=ومكسب المقرود منهاصفرباخرخانة وفازبه كف الشجاع اللي يشيل حموله=اسهمه في كل شركه للفخركسبانة راكبه حربي محنّك بالطريق وطوله=ماتلفّت للمخارج يحتري عنوانه نصّه اللي دلته دايم وهي معْمولة=في وجاره مختلط بغداده برسلانه كاسبن مع طيب ساسه معرفه ورجوله=شاعرن عن قاصدينه ماطبع بيبانه الكريم اللي يطابق بالفعايل قوله=لافي الغيداني اللي بارزن مسكانه نسل عودا"بالمكارم سابقات فعوله=أكتسى من بشت عوده والبسوه خوانه مايحسّب للخسايرلوتجي مدبولة=والصياني في محله تشتكي خرفانه ابلغه مني تحايا بالوفاءمدهولة=فوقهنّ العودالأرزق يعتلج دخّانه ياعساهاحجتن في سعيهامقبوله=واحمدالله يوم ردّه سالما"لاوطانه اختصرله بالسوالف لاتجي مملوله=وبخّصه في علمي اللي مبتعثك بشأنه قول مصلح كل شي بناظره سملولة=زاهد بدنياه خاشع منخزي شيطانه لين شاف اللي طوارف عينهامكحولة=كحل فطري والمنايا تحت خدرأجفانه وقام شيطان القوافي له يدق طبوله=وكنّها تازن خطاها نفس رتم اوزانه القصيداللي ورثته حالفن ماأقوله=بس من شفته كتبت وقلت صح لسانه الخواتم غارزات بكفّهاالمشغولة=نقش حناماتحبكة طلسمه وكهانة أقبلت تمشي خفيفة وأدبرت مثقوله=ماأقدراسهب في وصوفه نعنبوحيانه من سلايل حرب ماهي بالنسب مجهولة=تفتخربالشايب اللي يفخربجدانه ماهي من اللي جماله هرجتن معسولة=عينهامن كل شي آدوّره!! مليانة الجمال الانثوي واسطورته وآصوله=تصطفقك مهرةعسيف !!وتلفت شيهانة كنهاتقول المطوع ديرته منزوله=كان مايشدّد نزوله هقوته خسرانه والمطوع شيخ يقرأوالعباديجوله=من بعيدومن قريّب ينفث بقرآنه كيف يسرج للمغازل والقصيدخيوله=وش تقول الناس وألا لادروا عدوانه كان كفه عن مكاتيب الهوى مغْسولة=وأصبح بلحظه يقود المركب وربّانه عشرةوعشرين فاتن محكمات قفوله=لين جاته بندق اللي ضابطن نيشانه بعدما صفة هدبها طيرن زرفوله=والله إنه غير يرقي رقيتةً دمرانه وسيرةالعشاق صارت سيرتن مزهولة=نص ربعي لاسمعها تنعقد حجانه والمطوع فكرته في شأنهامذهولة=ميرهوطمعان فيهاوعشقته طمعانه فكرته ماحركت للقافيه بندوله=ومن سببهافكرته للقافية شرهانة العقارب كلهافي شأنهامشغولة=الدقايق والثواني كلهاطربانة وخايف الحبلاني إنه لادخل زهموله=حاسبه ربه ويبعث رافعاً ديوانه يانديبي شوف لافي والتزم بحلوله=استمع للي يقوله واكتبه في وانه وردجيبك مع طريقك طلعته ونزوله=لين ياقف عندبابي يوتهج شكمانه سيفي اللي كنت خابرحدّته مصقولة=الذراع اللي تشيله كفها فترانة وفوق هذا قام يكثربالحدودفلوله=يانديبي لاتونّى حالتي شقيانة فوق جيباً كن سيته عرش حاكم دولة=نوع لكزس منوة اللي قاصداً خلانه |
الساعة الآن 01:01 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir