ياللي تراقب عيوب الناس =الناس بكرة يعيبونك
مالك ومال القدر والباس = الشك لا يخيب ضنونك

نشفق لشوف المطر شفقه= وسيول جدة وبكتنا
العيد مفقود والرفقه =الناس فالوضع عزتنا

بالامس ودك على ودي = واليوم مهوجسن سرحان
تاخذمن العلم وتردي = من دون فكرن ولا وجدان

لاتكابرالنفس وتجاهر = وتزيد همك مع ضنك
الحب مره تكون ماهر = والا الجواهر يغبننك

البعدعثره وكسرة ساق = الرجل مكتوفت ا لخطوه
ذقت المراره من الاعماق = وتكسرت فيني الحروه

دنان دندن على شنـه=متميز (ن)لابس الوزره
لاتعرف الناس إلفنـه=فيه الفكر اخذ(ن) دوره

ياوليّد ماتلبس الشيله = وابشتريلك معه لثمه
ابوقرينن وش حليله = الله يعوض على امه

ندرة عباير وصمت بهم = لريق نشفه من اسبابه
ودي ووده يزول الهم = لالكدر مانبي بابه

لجة ضماير وجرح الروح = بداخل القلب كاالكنه
وان كان انا بنت مسروح = لدور ادواه واعنه

كلام كسره يزول الهم = ولحون بالصوت جباره
وكلام يوجع كنه سم = يحتار الطب بااسراره

*ارسم بحرفي ولاابالي =ولاكل من قال فيه الد
ولو كان باحط في بالي =انهيه منهو تعدى الحد

ابعد من النجم للقنـاص=واقرب على سهيل للقمراء
ولاهمني قومة ابن العـاص=لوكان منازالهم خضـراء

البحر فالموج سيفه حاد = يوردك للتهلكه عومه
لايبتسم لك تحسبه جاد = يغويك وتروح فدومه

***ياخوف قلبي من الزله =لابانت اقسى خوافيها
تاقف على القلب ماتزله = ولا يفيد باالنار تكويها

بعض البشر يعشق الغلطات = اهل النمايم مع الغيبه
مثل اليماني يحب القات = بااليل قاته يهذريبه
راع الكرم حي لو هو مات = والا البخل اكبر مصيبه
ولا ينفع الحزن للي فات = والعود ماعذربه شيبه

لديت واسرعت باالصده= من نظره ماتقديني
الروح والكبد من لده = ولاعاد فالعين تخفيني

يامتعب الرجل في دربك = احفيت الاقدام من شانك
ولابه عذر واتعذرلك = الا الغلا سر وجدانك

من لا يقدر قريب وجار = وش عاد بالله ترجيبه
عدون خافي من الا نظار =الا وذى الناس شاقيبه

الفرق بين الذهب والماس=مثل السماء نجوم تضويبه
ومن لايقدرشعور الناس=وش ينفعه كثر تسريبـه

من ماقدر لايزيد الكيل = يبعد عن الدرب احسن له
ولاينفع الدرق والتوكيل = يبين حرفه على حله

ابكيت شمخ الجبال السود=صوتي على طول يدويبه
من واهجن باالحشى بلهود=يصفق بقلبـي ويوميبـه

انكان تمسك على ظلي=تمسك بيديك عنوانـي
تطرد فالظل وتملـي=وتروح للبيت ندماني

اسوق رجلي ماهـوودي=ولاني على البعد شفقانه
ياجرح دمعي على خدي=كيف افرض اليوم نسيانه
احترت يوم السفر ضدي = باوداع احباب شقيانه
واصل الشقاوالعناءقدي = فصلت ثوبي بعنوانه
واقول بااروح واردي = والقلب والع بنيرانه
وابردعلى النفس واهدي=واضحك ولاني بشرهانه
والحرق بالقلب متعدي= يصلى فتيله وولعانه
والعمر لفات مايردي= ودي بهم اه ولهانه
بشوفت اهلي على جدي = من لامني مات شريانه
اطلع على الرجم واعدي= واصيح ماني طربانه
واسمع صداها لي تردي = بجرة الروح فترانه

صمت وامل اتشفافيه = لاشك ماهو بحاصلي
افرك بيدي على ماضيه = واقول ياليت عودلي

من لاقدرلايزيد الكيل = يصبرعلى الطيب احسن له
نعطيه قهوه وزود الهيل = كافي شرابه عن العله

ماينفع البرد طق ضروس= لالجلجت به شماليه
ولارتدى حضك المتعوس= لاتصيرفالوجه ماريه

اعيدنظره واردالشوف= ومصدقه عين مااكذبها
قلبي خفق به كثرالخوف=و العين تعكس سبايبها

الخوف ماهو بطبع لي=ولاهمني كل نقادي
اقيس خطاي بلملي= وافرك على كبد حسادي

هذاالزمن كالحطب بالنار= ياكل من الوقد بسنينـك
ولاكمـاوادي الانهـار= يسيل ويجلى على عينك

لعبت في بحر لعبوني= اداعبه واتهنـى ابـه
شفي به الناس لاموني= ولالي الااتغنى ابـه

لي صاح متعود التجريح = درب التجاريح منهاجه
لوكان في بدايته تلميح = *كان الحذر ولع سراجه

الطيب حكمه بليـا قيـاس=والثقل ترجـح موازينـه
من لاعرف يرجي الافلاس=والنـاس ماهـم براجينـه

عواد عود على عوده= والعود زعلان خبري به
وماجاب قليلن فوده= كلن على زمله يجيبه

من لاسجد لله الخالـق=عزي لعين (ن)تمرابه
هو الرجى باالسماءفالق=والكـل منـا ترجابـه

نفسية الضعـف ياالمذهـول= ودرب السكانـه وعرضاتـه
مارضى بهالي عرض وطول= لوكـان جرعـت لوعـاتـه

اركد وسيبك من الهقوات= لانته وغيـرك بطايلهـا
حرب الابيه لهم جودات= معـززه قبـل تعرفهـا

الطيب حكمه بليـا قيـاس=والثقل ترجـح موازينـه
ومن لاعرف يرجي الافلاس = والناس ماهم براجينه

هجمت مساكين ملتمه= على الحدود الجنوبيه
من القهرياكل الشمه= ولاهوغزو الحديبيـه

انشهدان العقل له دور= والعقل لافات امصيبـه
ترمي بحملك كثرالجور= وتحوزبقمـة الطيبـه

ان كان ضاقت علي تفرج= من والي الكون راجيتـه
هو الرجى والامل يفرج= البـاب مفتـوح باغيتـه