ملتقى قبيلة حرب الرسمي - ( مفروض ماتصوّر لاعشّيت الضّيوف )

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - ( مفروض ماتصوّر لاعشّيت الضّيوف ) (http://www.m-harb.net/vb/showthread.php?t=157547)

( مفروض ماتصوّر لاعشّيت الضّيوف )

مفروض ماتصوّر لاعشّيت الضّيوف
هذي هيامه وش تبي بالهيامة
تبغى تكايد من سمع واللي يشوف
ولّا تبي مدحه وتبغى زعامة
هذي سواتك مالها عندي وصوف
إلّا كما غيظه معاها ابتسامة
وفي حالها مَنّ وكِبِر يجلب حسوف
إذا كشَف وجه الزّمان اللثامة
ترى الكرم خِصلة وراعيها شغوف
في حُبّها ماتدفعه للنّدامة
ولا تصنّع للمصالح والظّروف
لأن هذا الدّرب يجلب ملامة
والأجودي يحرص على إكرام الضّيوف
مايشغله تصوير مَدّ الكرامة

الشّاعر/ خالد بن عبيد بن معتوق الأحمدي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح السانك
وضعت يدك على الجرح

صح الله لسانك
ولاهنت
وسلم فكرك وبنانك
دمت برعاية الله وحفظة

مشاء الله تبارك الله
صح لسانك