سلام ردية وفا تضفي على كل الحضور=من هاجسن حامي وجوبه وردها وصدورها
وين انت ياللي فالطوال تويق وتعوم البحور=حاضر بحاضر كل جابه تنتخيه بدورها

يامرحبا من هاجسن لسرورك تدبل سرور=ترضي اصدقاها والعدا رمحن يدق نحورها
ماشفت لك جره ولاني شايف منك قصور=والبحر موجه لارتطم يفحص مدى بابورها

دام البقا والصقر دايم موقعه بين الصقور=والمخطيه لا جات له تبشر بكسر ظهورها
يااللي تحاولني على درب الخطا ما انت محشور= اصحى لكلماتك قبل لا ينخنق حنجورها

الدله اللي قندت بقناد من مده تدور=تراك عاقبت الرجال اهل الوفاء في سورها
اليا هرجنا جد مانهرج لك بهرج محضور=وليا نبا نمزح كثار اللي وساع صدورها

ياصاحبي بعض المعاني مالها وزن محكور= عارف دواك وعلتك عندي وانا دكتورها
ووانته علامك كل ماغلقت سور تروح سور= وتقول ابي حق الجوار وجيرتك من جورها