|
الخلفه ؛؛؛؛؛؛؛؛؛؛؛؛؛؛؛؛؛؛؛
الوقـت بلحيـل متغيّـر=والناس بلحيـل مختلفـه مذهول والفكـر متحيّـر=عشرة ملايين في خلفه !!! |
الله يرحم هذاك الود ؛؛؛؛؛؛؛؛؛؛
الله يرحم هذاك الود=اللي زرعناه بيدينـا اليوم شابك يديه بيد=اللي منوّل يعادينـا |
غيره بالأرواح يفدينا .... مع البيرق المنصور
حفيد الحجيري= الله يرحم هذاك الود=اللي زرعناه بيدينـا اليوم شابك يديه بيد=اللي منوّل يعادينـا البيرق المنصور= اباسالك ياعريب الجـد=فاللي جنيتـوه ياخينـا وشلون خانك نحيل القد=واستملكوه المواشينـا حفيد الحجيري= يالمعترض لو جزلنا المد=ما نعلم أسرار خافينا لا تسأل اللي بناه انهد=اسأل مهـدّم مبانينـا اللي منول نصده صد=وهْوَ يتعنّى وياجينـا واليوم بعد ابتعد بأبعدّ=ولا عاد جيماً ولا سينا البيرق المنصور= هذا بلا شك يامسعـد=كل شي بيدين والينا وانته وينك يومنه هد=عليك الاحجار والطينا وحبيس خلاك تتوجد=تنعي وصال المودينا الآ . ليت الزمان يرد=عليك مافات ذلحينـا حفيد الحجيري= ياللي ردفت المعان اركـد=واعرف مغازي معانينـا ما ظُن شكينا هيام ووجد=وفي بعدهـم مـا تعنينـا كل اللذي صار حلّ و شد=في قلب ما هـزه البينـا واللي تغلى عسـا لا رد=غيره بـالأرواح يفدينـا البيرق المنصور= قلبي معك وين ماتهجد=حتى توايق مغازينـا لاتحسبني عليكم ضد=اللي يوآذيـك يوذينـا لكن بقلك كلام الجـد=ان كان تسمع وتوحينا قال المثل حيثما اتجدد=غير القديمه ماتغنينـا |
المنتخب ؛؛؛؛؛؛؛؛؛؛؛؛؛؛؛؛
المونديال ابتدى واِحنـا=نلعـب لقـاءات وديـه بوسيرهم قال : ريّحنـا=من أجل عين الخليجيه !!! |
تكرم مدينه ؛؛؛؛؛؛؛؛؛؛؛؛؛؛؛
تِكرم مدينه لخاطر عين=ومن شان لحيه نكرمّ قوم لو تطلب عيوني الثنتين=يا سيدهم قلتلك مخدوم |
شمووووووووووووووخ
هامات نفسي .. لا تنخضعيـن=بأسباب .. نسمة ألم .. هبـت ويا .. دمع لا تنحدر .. من عين=شابت على .. عزّها .. و شبت |
اغرفله الجازله ؛؛؛؛؛؛؛؛؛؛؛؛
يا مشتكي زايد الحرمان=من حرف ما لدّ به طرفا حرفك تخيّر له العنـوان=و اغرفله الجازله غرفـا |
نقعد له الراس بالصرفا ...... مع البيرق المنصور
حفيد الحجيري= يا مشتكي زايد الحرمان=من حرف ما لدّ به طرفا حرفك تخيّر له العنـوان=و اغرفله الجازله غرفـا البيرق المنصور= اهل الوفا مابهم حقران=فالنقد وان كان فالصرفا ومدام شرفتنـا ذلـوان=معاك يتشرف الحرفـا حفيد الحجيري= حياك يا ناصي القيفان=يا موجد الحرف والعرفا في عرفنا طارق البيبان=نقعد له الراس بالصِرْفا البيرق المنصور= الله يسلمـك ياشيهـان=والكيف ماهو من القرفا واللي فهذا الزمن سلطان=اشوف بابه ميه ذ رفـا حفيد الحجيري= صبيت لك بالوفا فنجـان=موزون لا نقص لا سرفا وباب السلاطين يا حوران=في نايف الرجم والشُرفـا البيرق المنصور= جات الفناجيل بـالاوزان=على القوانيـن معترفـا ويشوقني محماي الالحان=شوق المواليف للمرفـا |
يا ساكن ملقيه ؛؛؛؛؛؛؛؛؛
يا ساكن ملقيَه خوفي=إنك تناسيت ماضينـا أما معي فالهوى توفي=وألّا على الله شكاوينا |
يا طير ؛؛؛؛؛؛؛؛؛؛؛
يا طير أبرسلك برسالـه=تحمل سلامي وفحواهـا يا ينعش القلب بوصالـه=يا يردّ روحي على عضاها |
لي عــــــــــــــــــــــام ؛؛؛؛؛؛؛؛؛
لي عام وآنا أشتكي و آون=و أصبر على المر و أستنّا مدري علينا متى بيحـن=اللي من العـام ساكنّـا |
عــــــــــتــــــــــــــــــــــب ؛؛؛؛؛؛؛؛؛؛؛؛؛
ليّا عتب والعتـب مرفـوع=بين الأحبّه على مـا قيـل لكـنّ لا تقـرب الممنـوع=لا تحطّ فالسالفـه وتشيـل مدّ الوفـا عندنـا مربـوع=وأنتم بعد عـزوة التكميـل وان كان به لبس فالموضوع=اللبس يجلى مـع التحليـل |
ما أصابك لم يكن ليخطئك ؛؛؛؛؛؛؛؛؛؛؛
يا .. مساهر النجـم .. وش نابـك=غير .. الشقا .. غيـر زود بكـاك ما أخطأك .. لم يكـن .. صابـك=ما صابك .. إلاّ اللذي .. ما أخطاك |
دوار الصبـــــــــــــــــر
اِذا الأمـل عاكـس الـواقـع=في شـارع الصبـر لـه دوّار الرايـح أيّــات والـراجـع=والأفضليه لمن ...... محتار!!! |
الريح يلقاني الأعصار ..... مع الشاعره الكحيـــــــــــــله
حفيد الحجيري= اِذا الأمـل عاكـس الـواقـع=في شـارع الصبـر لـه دوّار الرايـح أيّــات والـراجـع=والأفضليه لمن ...... محتار!!! الكحيـــــــله= اشرح لنا كيف يا البارع=كيف الصبر ياخذ الدوار وهجوم الاحداث متسارع=انا اتوقع عليه اخطـار حفيد الحجيري= لا صار خط الصبر واقـع=ما بين يأس وأسى واِصرار سؤالنا ؛ منهـو القاطـع؟؟=اللي بعكس اتجاهه ... سار الكحيــــــــــله= مايعكس السيـد والشـارع=نظام صادر عليـه اقـرار وإن كان صبرك مهوطايع؟؟=جنب عن الكايدة واختـار. حفيد الحجيري= جيتي علـى جرحنـا النابـع=من رحم بند النظام العـار!! الصبر من شاري.. ل .. بايع=والريح يلقاني .. الإعصـار" الكحيــــــــــله= جرحك اسبابه مـن الواقـع=ونظامنا أمـر لـه صـادر مافيـه تدقيـق ومراجـع؟=فوضاء.؟تعدي.؟وفيها اكبار ماذكر انا الصبر له بايـع.؟=ولاشرينا وبأعلـى اسعـار دنيـاك هـذه تبـي قـانـع=من دون تسأل وش الي صار وإذا اعترضكم حـدث مانـع=اسجـد لربـك هـو الغفـار |
لسان حال القصيـــــــــــد ؛؛؛؛؛؛؛؛؛
أفكار "خرسا" و معاني " حُوُل "=وحروف ما تـروي "الظامـي" لسـان حـال القصيـد يقـول=مليت من عـكّ ... الأقلامـي |
عقول تتعب بها الأجســــــــــــام ...
عقول تتعب بها الأجسام=وأجسام في فكرها تتعب واللي بلا فكر ما ينسام=واللي معه فكر ما يغْلَب |
لو الأمــــــــــــــــاني تجي باليد ..
لوّ الأماني تجي باليـدّ=تحققـت كـلّ أمانينـا ما كان سيّدّ سوى السيّدّ=وما كان ذلتّ فلسطينا |
ســـــــــــــــــــــؤال ؟؟؟؟؟
سؤال ينصى أهـل جـده=من الرحيلي لـحد غليـل لي خل مفقـود لـه مـده=عسا ما شاله هذاك السيل ؟! |
عال العال ..........
يسأل عن الحال وشلونه=وأقول طيب وعال العـال وهمـوم فالقلـب مكنونـه=لو بحتها دمع عينه سال |
أثره لنا البحر والمرسى ........
أسجّ الأقدام لاجل أنسى=و اسلا عن اللي سلا عنّا و أثْره لنا البحر و المرسى=و أثْره لنا النار و الجنّـا |
المحشـــــــــــر .........
لن كنت تبغى الجزال اصبر=ويطيب يا صاحبي فالـك وان كنت عجلان للمحشر=الله يعينك على أعمالـك |
الله يخليك يا جوجل .... مع البيرق المنصور
حفـيـد الحجـيـري = ما دام تبغى لحن عاجـل=حنّا على أتـمّ استعـداد أسرع من البرق والزاجل=تلقى خيولي فوسط المـاد البـيـرق المنـصـور = على الوفا دوم متعاجـل=يانسل الاجواد فالميعـاد ومانعرف انقولكم آجـل=لو كان وسط المهاد اجياد حفـيـد الحجـيـري = وافين فدقاق وألاّ جـل=في كل حزه وكلّ بـلاد والله يخليك يا جوجـل=روقت جوّه بحرف الضاد البـيـرق المنـصـور = من كان في قوقل مسجل=ماينحرم مجلس الاسعـاد يفرح بشرواك ويبجـل=عساك تسلم من الانكاد حفـيـد الحجـيـري = يا طالب العلم هيّا اعجل=عَدّ اختبارات ما تنعـاد الحوت لا ناوشه ناجـل=أيّ الثنينه غدا مُصطـاد البـيـرق المنـصـور= يامدون الاسئله من اجل=ناشد مدري مع النشـاد ولو انها جات ياراجـل=كان اقولك من الصيـاد حفـيـد الحجـيـري = لا ترتبك لا تكن واجـل=لا ترعبك نظرة الأستـاد سؤالنا ما بـه مساجـل=والفهم للحل خير اِعداد |
خـــــــــذ العـــــــــــــــــبره .............
ياللي جروحك ما فيها طب=و طرفك تولّف على العبره من قبل غزر البحور تطب=من سابقينك خـذ العبـره |
الكحيله= ايام عـدت ولاسـرت=من مرها باح مكنوني اشوفها كـل مامـرت=دمع القهر جرح عيوني حفيد الحجيري= لا تلوم الأيام لو فـرّت=فـرّات الأيـام قانونـي كم آه منها البشر جـرّت=و يا كم بها قلب مطعوني |
الــكــحــيــلــة = تكسري يا حروف القـاف=وتجمعـي وكتبـي لـيـه ليت الردي بين وينشـاف=عنده على العيـن ماريـه حـفـيـد الحـجـيـري = بس الردي ينعرف بأوصاف=لو ما هي أوصاف شكليـه في حزّة الجـدّ والميقـاف=طبع الردي يبـدي النيـه الــكــحــيــلــة = ياسيـدي جبلنـا عـراف=يكشف على مخفـي النيـه لحط بشته علـى الاكتـاف=ثم قالـك خلهـا ليـه؟؟؟ حـفـيـد الحـجـيـري= صحيح بس للذهب صراف=عليـه مـا تمـرّ مطليـه مثل البطاقه بـلا صـرّاف=مـن دون أدنـى فعاليّـه الــكــحــيــلــة = لاجيت سوق الذهب تخاف=ا لغش ملوين بـا الميـه وبهاالزمن مثلكم كدشـاف=تزييـف ومـور مخفـيـه حـفـيـد الحـجـيـري= شفنا وعفنـا ولا تنعـاف=إ لاّ الوجيـه التجـاريـه من لا سعى فالزمان وطاف=تغشّـه عـداه يـا خيّـه |
بخـيـتـان الـبـشــري= ترحيب لافـي مـن الديـرة=وفالملتقى صـادره مكتـوب عطنـا التفاصيـل والسيـرة=راعي شعر والشعر مطلـوب حـفـيـد الـحـجـيـري = من هاجس ما شكـى حيـره=دام البقـا ياهـل الماجـوب يـا حاكـم الشعـر وأميـره=على خطاكـم نسيـر دروب بخـيـتـان الـبـشــري = ياحـاوي الشعـر تفكـيـره=وللعلـم والمعرفـة منـدوب خلـوق راقــي فتعبـيـره=والآن رحلة سـوى بنجـوب حـفـيـد الـحـجـيـري = شرواك ما أكـره مشاويـره=وفي خوتك ما يجي عـذروب ياطيـب الخلـق والجـيـره=هيا ابتدي وانت راع أسلوب بخـيـتـان الـبـشــري = والـم وجهـزت تأشـيـره=بنتجـه شرقهـا وغــروب والجـو لابــان تأثـيـره=للكيف ذاك الحطب مشبـوب حـفـيـدالـحـجـيــري = بعد اجتمعنـا علـى الخيـره=في ملتقى كل أبـوه حـروب عجل على القلـب وأشيـره=هل الهوى ذنب عنه يتـوب بخـيـتـان الـبـشــري = لأجل الهدف هـاك تمريـره=سدد ودرب الهوى مرغـوب القلـب بـالـود تصبـيـره=لو هو مخاطر وفيه نشـوب حـفـيـدالـحـجـيــري = الـود مـا أكثـر محاذيـره=لكن قلبـي هـوى رعبـوب ما عـاد يحسـب مخاسيـره=يعني كـذا ذاب قلبـي ذوب بخـيـتـان الـبـشــري = ولـد البلـد تـم تغيـيـره=كافيه عنده وكوفـي شـوب ولا احدٍ فـذا الأمـر بيعيـره=وبنت البلد عايشـة فقـروب حـفـيـدالـحـجـيــري = هذاك شخـص بـلا غيـره=شخص على العولمه محسوب ماهوب مـن يشعـل النيـره=ما دام بـدل بجنـزه ثـوب بخـيـتـان الـبـشــري = هل يمكـن الكسـر تجبيـره=بدون غاصب ولا مغصـوب والأمر مـن مـن تقصيـره=ومنهو فهذا الأمـر مغلـوب حـفـيـدالـحـجـيــري = كـل علـى حسـب تقديـره=بدون ضارب ولا مضـروب والجـرح لـن زاد تأخيـره=لـو يلتئـم يلتئـم معطـوب بخـيـتـان الـبـشــري = ياحـرف رائـع فتصـويـره=ممتع وفيه الصفا مصحـوب شعـرك وبأسلوبـك تديـره=ولك تاج يالشاعر الموهـوب |
صقر المراقيب ( خالد الأحمدي )= ضرب كفر في طريق ادبي=حد التريله علـى كـرولا حتى غدت كالبطاطس ني=لاطب في زيـت مـازولا حفيد الحجيري= بأسئلك راع الكرولا حـي !!=يمكـن مـع البـاب انسـلاّ وأهل التريله ما جاهم شي ؟؟=يجـوز ماتـوا مـن الـذلاّ |
الكحيلة= يارب لحظة مواذينـك=فرج من الهم ماتقـدر بس انت يارب راجينك=والا البشر كلها ماتسر حفيد الحجيري= الله على همك يعينـك=اللي بيده السعد والضر يارب لا ترد ناصينك=بدّل بحلو الزمان المر |
وليف الطير= صوب سهم طرفه المجرم=وسبب خساير وقتل ارواح واليوم قلبي غـدا مغـرم=وسهمه فقلبي بعد ماراح ِ حفيد الحجيري= حكم الهوى يحلّ ما يحرم=وما فيه أحد فالهوى مرتاح وإن كنت فزّاع ما تحـرم=والله لأذلّه لكم يـا صـاح |
صقر المراقيب= لهل الرياضه سؤال اعموم=ملزوم به كـل مطنوخـي اللي محكّم لقـاء اليـوم=مسموح له يطرد الدوخي حفيد الحجيري= مسموح دام الهـلال يحـوم=بينوّخونـه لهـم نـوخـي من يوم اعرف النصر مظلوم=جدره قصيّـر و مشروخـي اعتراض من غربة زمن= معذور بإسم الهلال تسوم=لجله فريقك حوى دلوخي أهلي وأزرق كبار القوم=مظلوم نصرك ومنفوخي حفيد الحجيري= ما يمدح البوم غير البوم=لجله لهم ثوب مفصوخي النصر كله صقور تحوم=ما همها فرقة شيوخـي غربة زمن= الله وأكبر عليـك علـوم=رزك شايط ومطبوخـي خلي التسلي وكب النـوم=ماتحس ذبحك ومصلوخي حفيد الحجيري= بالله أوزن القاف يا ضرغوم=اقدع رطب واترك الخوخي السبـع نايـم ولـوّ يقـوم=بيفشّ كل حـوت منفوخـي |
الكحيلة= يامن. يودي. سلامي. لـه=شمال . شرق . السعوديه القلب. ما يملكـه. غيـره=..صكه.. ومعطيه .. بيديه حفيد الحجيري= لن كان!! طير الهوى يصلـه=خطّي له... حروف ورديـه و إن كان!! قلبك على.. عجله=رأيـي .. رسالـه بريـديـه الكحيلة= المشكله. كل. مااقرب لـه=.ياخذ. مسافات. ضعفيـه حتى. الرسايل. متاصل. له=متوقفه. بـا .النعيريـه؟؟ حفيد الحجيري= الود.. لا.. يرتخـي حبلـه=من أيّ ..الأطراف.. موليّه وإن كان ..ما بينكم.. وصله=سجيّ.. له الخط.. طرقيـه الكحيلة= الحبل مـن عندنـا فتلـه=ومن عندهم ماسكـه ليـه يغلي وله با الغـلا مثلـه=وعن سجت الخط محديه؟؟؟ حفيد الحجيري= من .. يفتل الحبل .. ينقضلـه=وحبال الأحبـاب ... ملويّـه درب "الهوى" ميله .. و..شتله=والله ..يعـيـن "الهـواويّـه" غرسه ،، كما .. غرسة الشتله=لابُدّ .. في شمسها .. فيّـه!! أمّا .. تصبّرّ .. و .. تخضعله=وألّا ،، تغنـيّ .."وداعيّـه".. |
وليف الطير= عطر الشذى من خدوده فاح=ولا اشبهه غيـر بالـورده غريب طالـع بـه التفـاح=اللي شقى العين مـن لـده توه بـدى بالغـرام وراح=وعقب براكين مـن صـده عطني اجابه عسى برتـاح=انسـاه ولا انتـظـر ردة حفيد الحجيري= يا صاح غربلتنا يـا صـاح=من وصفكم داخلي بـرده!! أوصاف خلّك كما الأرمـاح=من صابه الرمـح وا قـرده ما لك سوى مشرط الجـرّاح=يشتـلّ مــن قلبـكـم وده وان كنت تستحمل الأجراح!!=جرّبّ... و خذ لك معه هده |
بخيتـــــــــــــان= نحـتـاج صــورة نبـروزهـا=على 00جدار 00 الزمن ((ذكرى)) عـن ((واقـع ))اليـوم نرسمهـا=لأجيال00 تأتي00 بعدها أُخـرى حفيد الحجيري= اِرسم لها .. "القدس" .. وأغرزهـا=بحجارة .. أطفالها .. ( الأسرى ) يمكن .. برسمـك .. تحفزّهـا !!!=تثأرّ ؟؟ "للأقصى" .. و.. "للبصرى" |
وليف الشوق= مشاعرالـود والاشـواق=باقه من الـورد تهديلـك وكل ماطلع يوم فاالاشراق=يزيدني شـوق واجيلـك حفيد الحجيري= ابداعكم فاق وصفي فاق=يا حاوي الورد في قيلك حرفك على النايفه توّاق=والجزل فحوى تماثيلك |
وليف الطير= عافت عيوني تشوف الغير = من يوم راحوا حبايبها مسكين حاله وليف الطير =ماود عينه يعذبها حفيد الحجيري= اصبر وصابر وتلقى خير=لابد مـا يعـود غايبهـا أو حاول تجرب التغييـر=ويبان لك صدق مذهبهـا |
صقر المراقيب= ياعارف الدين باحكامه=ويامقنع الناس باسلوبه شارون لو يعلن اسلامه=الناس تمحيله اذنوبـه حفيد الحجيري= العبد لو زاد بإ جرامه=تمحى خطاياه بالتوبه لكن بعد قدسنا ضامه=عسا له النار مكتوبه |
الـــبــــيــــرق= سـلام والقصـد والغايـات=الطيب والعـز والنومـاس علـى كـذا نبـدع الابيـات=ويشاهِدْونا جميـع النـاس حـفـيـد الـحـجـيـري = ترحيب من صافـي النيّـات=والقدر مرفوع فوق الـراس هات الذي في ضميرك هات=يا منجـم الـدرّ والألمـاس الـــبــــيــــرق = تبقى ويـا ابـرك الحـزات=جيتـك فالمـاد ياقـرنـاس وقلبي تزايد بـه النبضـات=مع كل ما ذعذع النسنـاس حـفـيـد الـحـجـيـري = للطيّبـه نسـرع الخطـوات=وتْشُوُش الأفكار والهوجاس لعل قلبـاً شكـى اللوعـات=باسه قوي ما يصيبه بـاس الـــبــــيــــرق = فالطيب مانهدي السرعـات=بسياس دامك معي بسيـاس وانا تراني ياذيـب سـوات=الناس اللي لهـم احسـاس حـفـيـد الـحـجـيـري = ما أذمكم من هـل الطـالات=واحنا لنا النايفـه نبـراس لأهل الوفا نوفـي المـدات=بقياس دامك معـي بقيـاس الـــبــــيــــرق = ان كان ماتسمح الساعـات=تاخذ معي فاللحن مـرواس روح معك كامـل الاوقـات=وانا انتظر لك مع الجـلاس حـفـيـد الـحـجـيـري = معاك فالسهـل والصعبـات=ما نشرب ألّا قراح الكـاس ابدع ولـك مننـا الجـزلات=ما قـام بنيـاً بليّـا سـاس الـــبــــيــــرق = قدمت معروض بالشكـوات=فيديك ماهو مـع الحـراس والياه مضمـوم فسجـلات=عليها دار الزمـان وحـاس حـفـيـد الـحـجـيـري= معروضكم ما علينـا فـات=ولا جفّ حبره على القرطاس إلّا وجتكـم بـه اِفــادات=وتوقيعنـا بآخـر الكـراس الـــبــــيــــرق = ماقلـت ماجاتنـي فتـوات=لكن منتـه بحالـي حـاس لانته قلت الغنـاوي جـات=ولانته منير علـى افـلاس حـفـيـد الـحـجـيـري= رادارنـا حـلـل الـهـزات=واليا انها ما تهـد البـاس والكوره اللي بـلا شـوات=تقدر على صدهـا الحـراس يا ذيـب لا ترفـع الرايـات=دوس الخطر والخطر منداس لا تهزك الريـح والحايـات=ولا تحني الراس للامـواس |
سهم عوف= أبغى افادة من الشعار=عن جرح في القلب كاويني واللي رماني بوسط النار = لاجل أيش ياناس جافيني حفيد الحجيري= رماك مع سابق الإصرار=وجَرَحْك جرح المعاديني وانته تدوّر له الأعذار!!!=مسكين يا صاح مسكيني |
سرور البشري= أعلن عن القلب متحـدث=رسمي وصرح بإذن راعيه سلام يابو رحـم لاتلـث=مثلك وشرواك كم شاريـه حفيد الحجيري= عاجل وعبر الضلوع يبث=بيان كـل المعانـي فيـه يا من على الطيب متورث=ترحيب وافي لكـم نثنيـه |
الساعة الآن 10:25 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir