محمد سعد اليوبي=
ســلام مبـنـي عـلــى سـيـسـان=ومتـكَـامـلـة كــــل أركــانــه
أقــرب مــن الـقـلـب للـشـريـان=وأعلـى مـن سهيـل فـي شانـه
سالم البشري=
ترحيب من غالي الأثمان=ثابت على الطيب ميزانه
ومادامت إن الوفا عنوان=لابد ياصل لميدانه
محمد سعد اليوبي=
عـسـى البـقـاء ومثلـكـم لا بــان=يجـلـى عــن الـقـلـب أحـزانــه
فــي دار مــن عـلَّــوا البـنـيـان=نعمـيـن سـاســه وبنـيـانـه
سالم البشري=
تسلم ومن شارك الأخوان=شرواك كسبان بآمانه
والآن قود المثل يافلان=عطنا حروفه وتبيانه
محمد سعد اليوبي=
خــرَّج سـحـاب الـبـحـر ربـــان=حـتـى عـلــى فـــوق ربـانــه
لاجــل ايــش ماشـافـت الأعـيـان=بـرقـه ولا شـافـت أمـزانــه
سالم البشري=
مادري عن الخافيه للآن=العلم فيدين سبحانه
يمكن هوى حرك الأمزان=حتى تناحت عن أوطانه
محمد سعد اليوبي=
نــور انحـجـب والمـقـدر كـــان=أقـفـى مــع الـطـيـف بـالـوانـه
إن مــا أنجـلـى والـفـرج مـاحـان=شوفـه غــدا والنـظـر خـانـه
الرب له فالخلايق شان=وحكم القدر معتلي شانه
والحظ لوخالف الإنسان=لايقرب الياس وجدانه