ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مــلتــقــى دواوين شــعــراء الــكــســرة (http://www.m-harb.net/vb/forumdisplay.php?f=142)
-   -   ديوان كسرات الشاعر ( وليف الشوق ) (http://www.m-harb.net/vb/showthread.php?t=36863)

الحب الباقي 26-12-08 03:26 PM

ديوان كسرات الشاعر ( وليف الشوق )
 
مثلك فهذا الزمن ماشفت=صاحب ووافي وعليه الكيل
اناشهد انك معي شرفت=وقت الشدايد شديد الحيل

الحب الباقي 26-12-08 03:28 PM

الحب من يوصفه ليه=حتى يتبين لنا مافيه
ياجي من القلب عفويه=ولا غريزه من الله فيه

الحب الباقي 26-12-08 03:28 PM

زعـيم شــرياني التاجـــي = يغذي الجسم وينميه
دايـم على القلب محـتاجي = في كل دقه لابد يعطيه

الحب الباقي 26-12-08 03:30 PM

الورد في داخل الازهــار=يغـنـيك عن باقي ازهــاره
ودك تغرسه فوسط الدار=وكل يوم تقطف من اثماره

الحب الباقي 26-12-08 03:32 PM

وليف الشوق=
سلام وفيه العتاب اشوي=لصاحب اللي قطع عنا
نبغيه يسأل اقل الشي=حتى علـيـكـم تطـــمنا
سالم البشري=
ترحيب وافي لعزيز وخي=ومانقطع اللي يواصلنـا
مادام أنا حي بصل الحي=وش حال من يعتبر منا

الحب الباقي 26-12-08 03:33 PM

يسعد مسا ئك بورد وفـل=ياللي في بحر الهوى عايم
طبيت لكن غلبـت الكـل=مثل السمك فاالبحر دايـم

الحب الباقي 26-12-08 03:37 PM

الحب اذا جاء مع غيره = مافيه احلا ولا اجمل منه
اطعم حلا ته من الشيره = كل يوم وانته تذوق منه

الحب الباقي 26-12-08 03:40 PM

الورد عطره عليه فاح=نسمة هوى جابته ليه
مع طلتي رمشه الذباح=لخبط لي الوضع موليه

الحب الباقي 26-12-08 03:44 PM

ولبف الشوق=
لا قام حـظـك يجــيك الخـير = واللـي تمـناه يــوصــل لـك
ولا من تردى معـوض خـير = جميع الابواب تـقــفلك
بيان الصمت=
الحظ كلمه من التسطير=من سالف الوقت واصل لك
لكن توكل سواة الطير =واذا انكتب رزق ينهل لك

الحب الباقي 26-12-08 03:49 PM

وليف الشوق=
يا مر حبا والغلا لـو لاه = ما كان نرسل ونستقبـل
صحيح عذب الكلام احلاه = يلي تحل المعا ني حـل
سالم البشري=
تبقى لنا ياعزيز الجاه = ياصاحبٍ عشرته ماتمل
يامطيّب القيل من مبداه = عجل بلحنك علينا هل
بن دواس=
حرفك حلا والشهد مجناه = ترحيب من يمنا مقبل
معنى قريته يازين بناه = فايح شذىالحرف مايذبل
وليف الشوق=
ياصاحبي استمع مبناه = وفـيـدنـي فالـذي بـي حــــل
قــلـبي تعــذب وزاد الاه = والعـين سارت دموع تـهـــل
سالم البشري=
آبستمع وانصت لمعناه = وآجد فالأمر واستعجل
قلي على اللي معه سوّاه = قدّام لاالجرح يستفحل
وليف الشوق=
اللـي مــنـول اذا شـفــناه = نـفــرش طريقه بوردوفـل
والقـلـب يـفــرح ويـتـمـناه = اصـبـح عـليــنا مـعاد ايـطـل

الحب الباقي 26-12-08 03:52 PM

وليف الشوق=
سلام مثل المطر لاهل=لملتقى حرب وعضائه
طيب الصفا والوفا للكل=ترحيـب الكـل زواره
نمر حرب=
يامرحبا عد زهـر الفـل=في الملتقى وكامل أرجائه
حياك ربي ياشاعر حـل=كمياه تعكس لنا أحيائـه

الحب الباقي 26-12-08 03:55 PM

ماكل صاحب عليه الكيـل=وقت الشدايـد تحزمبـه
البعض ترهي عليه باالحيل=تلقاه لا جيت مـن جنبـه

الحب الباقي 26-12-08 03:57 PM

زادت عليه المآسي المر=من زود في زود في زايد
صابر وقول تنتهي وتمر=من حال بيه علي كابـد

الحب الباقي 26-12-08 03:59 PM

وليف الشوق=
دايم وقلبي معي محروم=ودي احـقـــق له امـناتــه
كل ماطلبني طلب معدوم=واصبحت أشكي معاناتـه
ابوفرح=
ياصاحبي خل عنك اللوم = جهد الفتى حسب قدراته
مانته على طاعته ملزوم = ان ماتملكت رغباته

الحب الباقي 26-12-08 04:21 PM

ياصاح إدعي عساها تهون=ولا كبرت النفس هونهـا
لوكان يوم البعث تـدرون=مثل الفراش ايتواطوهـا

الحب الباقي 26-12-08 10:48 PM

بان القمرفي سماي وهل=حركلي القلب واشواقه
أخاف شمس الفراق اتطل=وتهزقلبي من اعماقه

الحب الباقي 26-12-08 10:49 PM

يااللي بحياتي تمنيتـك=تمشي معايه سواة الظل
وفي داخل القلب اغليتك=واليوم حتى معاد تطـل

الحب الباقي 26-12-08 10:50 PM

لي روح باسبابها مجروح=خلت لي الحال بي يثرا
وللأن آلآمها فاالروح=عيت معي يوم لاتبرا

الحب الباقي 26-12-08 10:54 PM

وليف الشوق=
ارسل تحيه لبوممـدوح=من صافي القلب نهديها
غالي علينا عزيزالروح=نسأل عن اوضاعكم فيها
ابوممدوح=
أزكى تحيه شذاها يفوح=بالمسك والطيب مسخيها
لأهل النقا والوفا مشروح=صحبتك ماأبيع أشريهـا
وليف الشوق=
ايام وانته معـاد تلـوح=وحنا على الطيب نمشيها
وافي ولك الغلا مايـروح=وشوفتك من القلب نغليها
ابوممدوح=
ماني بعيد المدى والشـوح=لاجـات أشـاره نلبيـهـا
وأنت من اللي بنيت صروح=ربعهـا تحـي بـلا فيهـا
وليف الشوق=
الدار بابه لكم مفتـوح=ترحيب باالطيب نغليها
يامن لكم باالفؤادشروح=في داخل القلب معليها

الحب الباقي 26-12-08 10:59 PM

وليف الشوق=
يارجال بالاسم متساويـن=والكل منكم يعرف الدرب
ابقوا على الطيب متخاوين=انتم تراكم فموقع حـرب
قابل البشري=
ياللي بدعت الكلام الزيـن=باحلى حروف البيان العذب
حنا على قولكـم مثنيـن=واللي طلبته لنـا مطلـب

الحب الباقي 26-12-08 11:16 PM

يااللي بحياتي تمنيتـك=تمشي معايه سواة الظل
وفي داخل القلب اغليتك=واليوم حتى معاد تطـل

الحب الباقي 26-12-08 11:21 PM

وليف الشوق=
من دم قلبي سقيتك ود=وحتى على الروح فضلتك
غالي فقلبي ولا لك حد=شريان قلبي تمنيتك
الشاكر أبو سامي=
راعي وفاء ياوليف الشوق = تشكر على ذوقك الرائع
كلك شهامة وكلك ذوق = والحرف بالحسن لك طائع
وليف الشوق=
شرفت يا طيب المنطوق=وراع الوفا منزله رافع
واليوم حظي تعلا فوق=بالشاعر الشاكر البارع

الحب الباقي 26-12-08 11:26 PM

وليف الشوق=
سلام باجمل عطورالورد=مخصوص يهدى لبوهيثم
بقدوم شهرالصيام تـرد=ونخاف من قطعنا ناثـم
صقر المقرح=
حياك جتك المعاني سرد=مخبور فيك الوفا تهتـم
مثلك وشرواك ما ينرد=لكنها ظروفنـا تحكـم

وليف الشوق 12-01-09 12:13 AM

الى متى والعقول صغار=والناس بعقولها كبرت
تبقى العقول الكبار كبار=وكباربعقولها صغـرت

وليف الشوق 12-01-09 12:21 AM

لا رتاح عقلي ولا بالي =كل يوم وانا افكرفيـك
ماتدري انك علي غالي =وتسيبني فاالعنا يرضيك

وليف الشوق 12-01-09 12:31 AM

عاشق الاصاله=
الود مايشملـه تأميـن =ودي تقاعد انا قنعـان
تجاوزت خدمتي خمسين =والقلب مايحتمل تعبـان
وليف الشوق=
ياكـم فاالـود متهنيـن =يرسم مشاعرمع الوجدان
دايم على الطيب متصافين =مافرقت بينهـم ازمـان

وليف الشوق 12-01-09 01:06 AM

وليف الشوق=
سهران ليلي مـع الافكـار=تـودي العقـل وتجيـبـه
حتى اصبحت حالت المحتار=صعبه وضاعـت مطاليبـه
ابوفرح=
شبيتلك ياوليـف النـار=واشهرتلك سيف توميبه
عجل لـ(نفاع) باالاخبار=قبل الهواجيس تسريبه
وضاح الحربي=
ياللي لكم بالحشا مقدار=يا (حر) مشهود بالطيبه
حنا معك عون بالمشوار=الين توصـل مراقيبـه
الرمح المزبرق=
دنياك هاذي تراها اقدار=ما اخطتك والله مكاتيبه
اقراء وهلل وقول اذكار=بالصبرتصفى مشاريبـه
وليف الشوق=
اشرحلك الحاصل اللي صار=ان كان عندك دواء جيبـه
القلـب لـف الديـار ودار=عيـا يلاقـي مطاليـبـه
ابوفرح=
ماقدر اقديك فالمشوار=واوصفلك علاج تبريبه
قدام لاتكشف الاسرار=والظرف تقرا مكاتيبه
وليف الشوق=
عطيتك العلم يابيطار=لاتترك الدرب وتسيبه
عطنا افاده عليهااقرار=ومثلك طويله تجاريبه
ابوفرح=
مابان في شاشة الرادار=الا قمر وانت غاديبـه
لوكان بيني وبينه جدار=اعرفه واعرف اساليبه
وليف الشوق=
سعيت كلي امل واصرار=لين اصبح القلب محريبه
تغيرت حسبتي بااصفار=وبانت خسايرمكاسيبـه
.ابوفرح=
طولتها والعلوم قصـار=ولاالبستها ثوب تمشيبه
حتى لها تلفت الانظـار=والكل يفتـل اشانيبـه
سوق الغلا حكر للتجار=ومن عنده ريال يشريبه
واللي ماعنده ولادينـار=يشوفله شـي يلهيبـه

وليف الشوق 12-01-09 01:17 AM

وضاح الحربي=
يابومنى شفت لي مخلـوق =مابه احد فالبشـر يسـواه
وفوق الحلا والعشق والذوق =زايدعن الطيب فـي مبـداه
وليف الشوق=
الوصف هيض وليف الشوق =ودي ينول الصحيـب منـاه
شوفك كسب ماطلع محقوق =من يـوم قلبـك بدايهـواه

وليف الشوق 12-01-09 01:29 AM

فوازالزويهري=
سلام كلـه زهـور ورد=والورد غالي على أحبابه
ودي معك فالمعاني نمد=يامن كتب بالوفا كتابـه
وليف الشوق=
يامرحبامن عبيرالود=ترحيب والبال يهنابه
ابشربعزاللحن نصعد=ناخذونعطي مع اربابه
فواز الزويهري=
عسا البقا ياعريب الجـد=والوقت خالف لنا حسابه
أحكم لنا والمعانـي جـد=فالصاحب اللي زرى غيابه
وليف الشوق=
تسلم قبل لايجيك الرد=بعرف غيابه وش اسبابه
حتى الحكم مايجي باالضد=ويجيك من واقع كتابه
فوازالزويهري=
لوكان عنده سبب يوجـد=ماجيت أشكي من إضرابه
منكور هذا الجفا والصـد=ياليت حرر لنـا خطابـه
وليف الشوق=
عزه بوصلك ومدت يد=قبل الجفا اطرق ابوابه
ولاتسيب ذاك البنا ينهد=وتساعدالوقت يقدابـه

وليف الشوق 12-01-09 01:29 PM

"
سالم البشري=
قلبي سما بالغرام وهـام =وعشقه تسامى بوجدانـي
من يوم حسنه غزا الأحلام=ألغـى منامـي وعنّانـي
وليف الشوق=
قلبك كسب من غلاه وسـام =من شوق وسط الحشى باني
ونبـاح خافيـه مايـنـلام =لو قـال ليحـي وليحانـي

وليف الشوق 12-01-09 01:34 PM

الحب من يوصفه ليه=حتى يتبين لنا مافيه
ياجي من القلب عفويه=ولا غريزه من الله فيه

وليف الشوق 15-01-09 01:34 AM

خالد البحار=
سلام مني لوليف الشوق=يابو منى ويش اخبارك
ياطيب الأصل والمنطوق=عزيز غالـي فمقـدارك
ياسيد القاف كلـك ذوق=قلي متى انشوف انوارك
ياحر عالي فسمانا فوق=عود تناديـك اوكـارك
وليف الشوق=
ترحيب كله مطر وبـروق=يسري على نبرة أشعـارك
صاحبك طيب وما به عوق=مشقيه ما يدور بافكـارك
الحال عيا معي لا يـروق=وآنا مع الوقـت فمعـارك
درباً طرقته لنـا موثـوق=يشهد به الكـل فـي دارك

وليف الشوق 15-01-09 01:39 AM

وليف الشوق=
ياملتقى حرب واحراره=واجب علينا نهنيكـم
بعد اقبل العيد بانواره=الله يحقـق أمانيكـم
سالم البشري=
من صافي الشوق وانهاره=تعبيـر خطّـت أياديكـم
نهدي لك الورد وازهـاره=والله بخيـره يجازيـكـم

وليف الشوق 15-01-09 01:45 AM

وليف الشوق=
يكفي ياالايـام ماجانـي=وش عاد باقي عليه اتزيد
فااللي مضى كله احزاني=خلي فـرح لونهارالعيـد
ابومشاري=
تقول الايام تلقانني = وتراي انا مقبل التهديد
تعال ياذا العريباني = يالله نتعاهد ونبدا جديد

وليف الشوق 16-01-09 03:19 AM

وليف الشوق=
في داخل القلب لي ساكن=ولاغاب صاب الجسدبركان
مهما ابتعـد عننـا لكـن=يفداه عمري مع الوجـدان
نمرحرب=
مالوم قلبك لاحن وحن=ياحر في الجو كالسلطان
ليته يبادل شعورك لأن=قدره في قلبك عظيم الشان

وليف الشوق 16-01-09 03:28 AM

وليف الشوق=
والله سلامات ياماهـر=وليااتصلناعليـنـارد
من اجلك الليل اناساهر=اناظرمتى عليـه تـرد
ماهرابوخالد=
يزيد فالسر عالظاهـر=قدر المودين ود بـود
للوصل انت ملك طاهر=اخوي تبقى وهذا يسد

وليف الشوق 16-01-09 03:38 AM

وليف الشوق=
ياهل ترى كيـف اوصلـه=من بعدحطوحرس عل الباب
اتـلا زمـه كنهـا ضلـه=من دون لا نعرف الاسباب
ابوفرح=
راع المواقيف ماندلـه=عنده لكل الأمور حساب
قدام الاعيـان تفطنلـه=يقطف ثمرها ولايرتاب
قابل البشري=
ماخل محروم عن خله=لوقفلوا دونه الابواب
ياطى المخاطرويدخله=مايغلبه لانوى غلاب

وليف الشوق 16-01-09 01:34 PM

وليف الشوق=
يابو فرح غابت الافراح=في غيابكم من بعد غبتم
الله يعيد الليالي امـلاح=وتسعد بهاايام تسعدكـم
ابوفرح=
عل البقا والندا فـواح=يااهل الوفا طاب معدنكم
بوجودكم همنا ينـزاح=وافراحنا عطرها منكـم

وليف الشوق 16-01-09 01:38 PM

وليف الشوق=
يامرحبا بطلـة البحـار=اللي له الروح مشتاقـة
صاحب وغالي وله مقدار=وقلوبنـالـه شـواقـة
خالد البحار=
تقدير مثل المطر مدرار=منهل فمـزون براقـه
ينصاك يالفارس المغوار=يامنبع النور واشراقـه

وليف الشوق 16-01-09 11:13 PM

وليف الشوق=
غايب علينا بيان الصمت=من هو يفدني عن اخباره
امعاداشوفه يجـي للنـت=ولاعادادري عن اديـاره
الشاكرابوسامي=
تنشد عن اخواننا لاهنت=والجار منشود عن جاره
وبيان طيب بخير ودمت=البارحـه جـانـي ازيــاره
وليف الشوق=
تسلم يابوسامي اتجملت=بيان غالـي بمقـداره
من بعد قولك أنا اطّمنت=بشرتني باحسن بشاره
بيان الصمت=
وليف تسلم على ما قلت=والقلب ما يخيب منظاره
يهديك شوقك إذا خمنـت=والحر مـا يتـرك اوكـاره
كلك وفـا شاكـر وتمَّمـت=والخير تزخر بك انهـاره
واطيب تحية لكم أرسلت=بالملـتـقـى وكـــل زوّاره



الساعة الآن 02:08 PM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi