ياصاحبي صاحبك طالبك تُوُْليه=خمسه دقايق تنظر فمشكلتنا
لو الصحيح إشكال ما ودي أسميه=ولو نعتقد فالمشكله ؛ امواجهتنا
كيف اعتقدها مشكله وانت نغليه=شخصٍ عزيز وعرفته شرفتنا
فإن قلت لي إشكال ،، ومثلك أبرضيه=وبطيع أرآئك ولا ماقنعتنا
ويش المبرر والمشاكل مشاريه=وغاياتنا فالمبتدى معرفتنا
فرجوك لاتقرا كلامي وتلغيه=وتفسره بنيةٍ ماطرتنا
ايتوه قصدي بين كتبه وقاريه=ويبقى السبب فقرايتك مي لغتنا
ويتوه ضنك في والمشكله تيه=وإن تهت حتى احلولها توهتنا
ويصعب علينا عذرنا كيف نبديه=وأمور تِزعِل صاحبي مزعلتنا
واذا لحقتك لاعطيت التهاتيه=امجرد وجودي لاجيت اشبهتنا
واخشى تقول لي هاه! وش جايبك فيه=وإن جيت أبرر جيتي كذبتنا
يعني على ماقيل منيه منيه=مافيه فكه كلها شرهتنا
لكن تدري ويش تقدر تسويه=ليتك تحافظ على باقي صلتنا
وتشوف لي ميعاد تحضر وأناأجيه=وقته ووين وكيف ومراسلتنا
عل وعسى وضعٍ بديناه ننهيه=ونعيش عادي وتنتهي مَشكلتنا

المشاركة الأصلية كتبت بواسطة بخيتان البشري (المشاركة 1125019) قصيدة ذات ابعاد متعددة لها اهدافها الايجابية شاعرنا القدير طلال ابدعت في صياغتها صح لسانك مدد بلا عدد

المشاركة الأصلية كتبت بواسطة سعودية (المشاركة 1125131) وان شاء الله تعالج المشكله هالقصيده صح لسانك يابو عساف قصيده رائعه ابدعت بها احترااامي

المشاركة الأصلية كتبت بواسطة رابح الجحدلي (المشاركة 1125178) ¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة القناص (المشاركة 1125595) صح الله السانك قصيدة عانقة السماء بجزالتها وأبداعها تحياتي لك