|
لقيت لي بنت جميله بجسمين =فيها المروفه والرضا والاصاله تاطا على الصابر وتجلس على العين = وتدوس خشم اللي براسه صعاله النظاره من شاس نجد |
ويش رجل كل من يفهم يشوفه = العمى واللي عيونه يسعفنه مفرح مفزع غريبات وصوفه = لكن انه مع جميع الناس سنه ابوطلق حله وهو الحلم |
اللغز عن رجل يسوق الولد سوق=خلا الولد يفتح طريقه غصيبه ينزل عليه بعنف واحكام من فوق=وعند الامور المتعبه ينغزب به حله جميل بن حميدان وهو الشاكوش والمسمار |
انشدك عن بنت لها صدر عريض=تاكل وترسم للملا من زادها طعامها لاهو بني ولانجيض= اسود يجيبه شايب يرتادها مسارها يطرق بعديصبح غليض =ولاتعمل الاكان تم اسنادها محلول (فرادت الازفلت) من ابو مشاري |
انشدك عن رجل مساعيك ضده = وان حل في دار عزيزه هدمها الفاتك اللي من وصل له يهده = وان واجه ارجال الشجاعه هزمها حتى السلاح وماحوى ما يرده = حتى تحل اللي يفوز بعدمها غدير الوهبي حله وهو الفقر |
انشد عن اللي شفتهم مستكفين =حلّوا محل اهل السباده وسادوا حلّوامحل اللي حوالي ثلاثين = وليا رحلوا من بيت ماعاد عادوا محل راع الدار حلوا غريبين = وان زارهم زاير لذبحه تنادوا =محلول الأسنان التركيب=من وجودك يكفي |
ويش رجل بالعمل حرك وعجل= ما يتحرك غير من ضمن ازملاه ان تحطم بلف يشريه الرجل = ويدفع القيمه ويلزم مشتراه حله بن خير الله الردادي وهو البلف |
ويش رجل عند رجل له مكانه=يعتبر ميناء لسفن يدهلنه من تزود بطلبه ثم طاب شانه=استراح بذا الرجل من دون منه ثم يعود لمطلبه حتى البدانه= ويتحرك والضروف يرجعنه |
شفت لي رجال ساكن بالبلد = شغلته بين البشر ناقل كلام لونصفت اسمه احروفه بالعدد= صار نصفه منك والاول طعام وجودك يكفي حله وهو البريد |
يامن عرف شي يزور ولايزار= لوما بغيته بالرضا تستقبله كل البشر تستقبله تال النهار = ولااحد من اهل الارض يقدر يحمله =محلول الليل=من ابوهليل |
شفت لي ورع على ورع يخنقه =حاكمه برضاه والمخنوق راضي في رضاه مجوده ما فك حلقه = ولو تخلص عود الخناق فاضي محلول زرار الطقاق من سامي الفكر |
انشدك عن رجال مشبوه مكروه =مخالف للدين فعله ومبداه بعض البشر جابوه عنوه وودوه=حتى بعض من يدعي الدين يرعاه به مكسب بين لناس تعاطوه= ومن عامله يخسر بدينه ودنياه ابو هليل حله وهو الربا |
لقيت بنت شاطره في عملها = تزوج القاسين على بعضهم ليا مسها اللاضي بتدبير اهلها= وجيب الصغير اللي يكفي غرضهم جاها المعلم باليمين وحملها = وجاب الثنين ومع بعضهم فرضهم محلول (مكينة الحام ) من ابو هليل |
انشدك عن رجل بتفكير واحـــــكام =هـز العجوز اللي طويل شنبها امر حدث واصبح يسمى با الارقام =بعد عجوز ابليس قطع عصبها محلول احداث 11 سبتمبر من ابوهليل |
وشبنت وصط المكان الزين = مكسب لمن شافها قدمه بنت بنت بيتها من طين=وليا قوى حيلها تهدمه بالبر تتعب وراها العين = وفي داخل المدن منعدمه الزبيديه من شاس نجد |
السوأل اللي نبي عنه الاجابه =عن جماعه ماعرفنا كم عددهم كلهم باوصافهم فيهم تشابه =غير واحد له جسد خالف جسدهم قصة صارت لهم فيها غرابه= والغرابه يوم غابوا عن بلدهم قصها الرحمن في محكم كتابه =يوم عادوا للبلد كل حمدهم محلول اصحاب الكهف من ابوطلق |
انا سوالي عن ارجال مهمين = متناقضين بفعلهم عن بعضهم فيهم حياة وموت فيهم غريبين=ولافيه من يقدر يجيك بعوضهم انواعهم متعدده يالفهيمين= وليا مرضوا كل مرض من مرضهم في وقتنا الحاضر بعضهم مساجين = والبعض شفته للتجاره عرضهم لكنهم في كل حاله مفيدين = حتى مع المرضى يفيد بمرضهم =محلول الاكسجين والهيدروجين = من ابوعزام |
انشد عن اللي كل عاقل ما رضيه = وضع بكل اسلوب يخشاه الحكيم نفس الضعيف ونافص المبداء تبيه= ويحاربه من كان له مبدا سليم يخاف من جمعت سفيه مع سفيه = ليا دخل بالوضع مندوب الرجيم شاس نجد حله وهو الاختلاط |
انشدك عن رجل صديق بحله =من حاجته يدخل جميع الحواري من طيبته يشفي من الكبد عله=ويشفيك ليا جال لك صديق مباري رفيق كل انسان بالعمر كله =ويعرف ثلاث انواع لهن مواري |
وشغلام لاطليق ولاحبيس=ونته تزوره ولو ماتواعده تحت ادارة من على المبدا يقيس=حملة الغلمان طبق القاعده مرحبا با لضيف واللي له جليس=مع بنات نازلات صاعده |
وشغلام لاطليق ولاحبيس=ونته تزوره ولو ماتواعده تحت ادارة من على المبدا يقيس=حملة الغلمان طبق القاعده مرحبا با لضيف واللي له جليس=مع بنات نازلات صاعده |
انشدك عن رجال في راسه حجول =يقضي حياته بالنزول وبالصعود محبوس في سجن على طول محمول=وليا انضرب بالنار مع دربه يعود |
وشو ولد تامره ويقوم بالواجب= وان جاع ماعاد يوفي في مواجيبه ويضعف لياحال من الهدف حاجب =واللي يبي يرسله تقول يرمي به |
وشــــطلي ثغى = بس ماهوطلي كــــنه الببغــــا = فـيه واحد بلي واحترق وانلغى = زال بامر الــولي |
انشد عن اللي ببنت له يسمونه =رجل له افعال واخبار خياليه يملك صفه واضحه فيها ينادونه =بدابها واصبحت فصحى وشعبيه |
فيه بنت غريبه بالبحر والفـــــلاه = وصط بطن الذلول تخبي عيالها تختفي في حصاه ولاتوط الحصاه= تختفي كل مامن العدو جا لـــــها زادها من النبات ومن فتاة المياه = ونوب من عالم تعطف على حالها |
وشالصبي اللي تشيله بمخباك = ويستعمله غارك ولكن يفيدك ابوك يومنه عطاكيه وصـــــاك = عليه لوبه من يريدك يصيدك |
ويشرجل لايغيب ولايموت= لين من الدنيا يغادر حامله وان ذبحته عاد حي بدون قوت=لازم انك بالسيوف تعامله |
وشالذي ناداك في صوت غريب =وان كان اجبته صارواضح ومعروف يطوي البلد ويجيب لكن ما يغيب=وكل اللغات يجيدها ولايشوف |
انشدك عن بنت مع الحاجه تفيد = ومع العمل تسمع لها رطن خفيف في دبرة اللي ساقها مع مايريد = وتعامل المحتاج باسلوب لطيف تعمل عمل قديم باسلوب جديد = اسلوب هادي لاعنيف ولاكليف |
انشدك عن رجل تبوسه طماعه =ومن بوسته تسمح وتبرد غليلك تجهزه وتقدمه للجماعه =وتناوله وقت اللزوم لعميلك الكأس |
وشرساله من مره والرد جاها= ارسلت عبر الفضا حسب الروايه الرساله جابها اللي مارواها = له وراء توصيلها مقصد وغايه والجميع افلح وكان الله معاها=يوم وصلت من يصيد العلم رايه |
الساعة الآن 08:05 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir