ملتقى قبيلة حرب الرسمي - فاأغلى النّاس جتنا فجيعه

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - فاأغلى النّاس جتنا فجيعه (http://www.m-harb.net/vb/showthread.php?t=156818)

فاأغلى النّاس جتنا فجيعه

لاشك فاأغلا النّاس جتنا فجيعه
ولابد نقبلها ونصبر عليها
يادورة الايّام تمشي سريعه
تهدمْ مباني سَعدنا ماعليها
وطبع الزّمن يرغم لمن لايطيعه
يمشي على أحكامه ولو مايبيها
اللي مضى وافراحنا فالطّليعه
واليوم في قصّة عنا تقتفيها
يالله لطفك في ضياق الوسيعه
نسمات رحماتك لنا نحتريها
اغفر لميّتنا وجات الوديعه
عندك وعلّيين له نرتجيها
اسكنه عندك في منازل رفيعه
تبديل دارٍ بعد دارٍ جفيها
واجعل حبيبك في حسابه شفيعه
يارد لحوضه شربةٍ يهتنيها

الشّاعر/ خالد بن عبيد بن معتوق الأحمدي

الله يرحمه ويغفرله ويسكنه فسيح جناته
ويلهمك الصبر والسلوان

الله يرحمه ويغفرله
ويلهمك الصبر
انا لله وانا اليه راجعون

الله يرحمه ويغفرله
وصح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

عضم الله اجرك
وصح السانك

اشكر الجميع
على مرورهم
والله يجزاكم خير
ولا يُريكُم مكروه