ياشمس ياللي باسمك الشرق والغرب=
=والشرق مطلاعك وعكسه غروبك
خوذي قوافي شاعرٍعزوته حرب=
=ومري بها كل العرب في دروبك
قولي لهم عن خطة الفرس والغرب=
=طبعاً مجازي كانهم فكرو بك
شعّي خبرنا قبل لا يظلم الدرب=
=لابد من يومٍ تقفل دروبك
وحنا حماة الدين باليسر والكرب=
=ياللي حياتك منغمس في ذنوبك
لابد من يومٍ تجي ساعة الحرب=
=ونقتل طموحك يالعدو في جنوبك
وياللي تقول الوضع من كرب في كرب=
=دوبك على نفسك مع الوقت دوبك
وأجمل تحيه ياوطن شرق مع غرب=
=ولقصى شمالك ياوطن مع جنوبك
ولخادم البيتين والنايب الذّرب=
=بث التحايا يا وطن في قروبك
يا منبع الإسلام سَربٍ ورى سَرب=
=واهل الصلاه وجيههم دوم صوبك