|
السلام عليكم و رحمة الله وبركاته اخواني و اخواتي في هذا المنتدى احب اسمعكم هذه القصيدة لعل ان تنال استحسان من يقرأها بـرّك معي يبنيتي حيث ما كـنـت إن كنـت في لـوطـان ولاّ بعيـدي و انا عليها عارفن ما بعد هنـت تقدّم الطيب و انا بــه سعيـــدي لو كان بيدي كل شي ما تهاونت والله لاعطي حضرتك ما تريدي يا عارفه لـ النّت انا معرف النّت حتى تـحـاليـل الـدكـاتـر تجـيـدي عليك ما شاء الله سمّيت و امنت ماشوف زيك فالبشر فوق بيدي و انا بحول الله معاكي تعاونت حسْب المقدّر و الذي كان بيدي و الله لا هيّه ولا انا بعـد شنـت والشكر لك في كل يومن جديدي |
السلام عليكم ورحمة الله احب مشاركتكم هذه القصيدة على امل ان تنال الستحسانكم صلوا على من بالمكـارم لفانــا مـحمـد المختــار صلوا عليـه نزل عليه الوحي با على مكانـا قـمّة جبل كـم ليـلـتـن بات فـيـه بالخمسة الاركان طبعـن اتـانــا نصلي عليه و بالليالـي ننـاجيـه العدل فالديـن السماوي و امانـا هذا الـذي من ربنـا نرتجـيـه والمصطفى في دين ربي هدانا كـل اعتمادي بعـد ربّي عليـه كـم حاربوه اقريش و الله عانــا جبريل في صفّه لدى الله وجيـه و صلاة ربي عدّ من قد اجانـا فـي الـحرم والحيـد سلـّم عليـه عـلى نبـيـن بالـمكـارم كفـانــا نـاداه ربـه قــال يـا رب لـبّـيــه |
اخواني و اخواتي في هذا المنتدى المحترم احب ان اسمعكم هذه القصيدة بعد ان كلفني صديقي عطية الغامدي بنضمها كاهداء الى صديقه صالح آل خشيل على امل ان تنال استحسانكم جميعا" و الله الموفق ... سـلام يـآل خـشـيـل شــايـب وشـبــان اعـداد من لبــا و مـن بالحـرم طــاف وعـداد ما سـالت من الغـيـث و ديـان ياهل الشهامه وهـل معروف ينـشـاف و اثني على صالح زميلـي ولـه شـان معـروف ما يحتـاج لـه بـعــد عـراف صاحب جمايل قـلتهـا و فـيـه بـرهـان يمشي على ممشى جدوده والاسـلاف ما خـاب ضني فيك يا صقـر حـوران مرباع لك في القلب ماهو بالاطراف و الله انـي اعـدك كـما عــد الأخـوان لـنـي انــا ويـاك مـن سـابـق احــلاف و اقـبـل تحـيـه من عـطيـه و عـرفـان أقـولـهــا بـالـصـدق مـا هــو تـكـلاف وصلا ة ربي تـازن اثـرب و ثـربــان* عـلى نـبـي اللـه مـن قــوم الاشـراف *توضيح: اثرب وثربان من كبار الجبال جنوب الوطن |
السلام عليكم اخواني و اخواتي في هذا المنتدى المحترم احب ان اسمعكم قصيدة قلتها في سعادة اللواء متقاعد محمد بن جديع الشهري , واسميتها المحاربين القدامى لعل ان تنال استحسانكم .. ســلام لابــن جـديـع منـي مـلايـيـن قـضـى سـنيـنـن قـايـدن لـلـكتـايــب مجهودكم والله على الراس و العين يـا قـايـدن في الحرب يـوم النشايـب بـالـخـط لاول دايـمــن بـالـميـاديــن ون شـبّــت الـنـيـران ماهـو بهـايـب من صفـوة ابـني شهر ماهـم ذليلين اهـل المـواقـف يــوم شب اللهـايـب نحـنُ على الطاعـه ولاحن بعاصيـن واما الـعـدو نرديـه تحـت النصـايـب مـن لابـتـن يـوجـد بـهـا عــز بـديـن اثـلــي سـلامـي لـكـن انـهـم قـرايـب و اقـل ضـيـفـه لـلـمسـيّـر قـعـوديـن و دلال بِــن و هـرجـنـا دوم صـايـب و صلو على محمـد شفيـع المياميـن ذكـره مـخـلـد حتـى لـو كـان غـايـب |
ابيات بمناسبة قدوم عيد الفطر المبارك اعاده الله علينا وعليكم بالخير والبركات يا الله عيـد العيـد هذا على خيـر علـى مليـك ابـلادنــا و الـرعـيـه بلادن لها المسلم من ارضه يسير من شــان ركن الحج و بْـهـا نبيّـه واجعل عباد الله تمشي على سير سيـر النبي سيـره عظـيمه نقـيــه و اللـه شـرفنــا بتـشريـف غيــر خدمة بيوت الله صبح و عشيـه منها الحرم في وسط مكه و بيـر بـيـرن يسـمّى زمـزم اللي رهيـه من الف و اربع جمهــا جا غـزيـر تسقي جميع المسلمين الظـميه و الله من فـوق الخلايـق بصيـر يـرزق عبــاد الله لـو جـت وفيـه *معنى (رهيّة ) : مياه كثيرة |
السلام عليكم ورحمة الله اخواني و اخواتي في هذا المنتدى احببت مشاركتكم هذه القصيدة التي تعبر عن نفسها : يا بـو علي قول الله اليــوم بــده بسـم الله الرحمـن ذلحيـن سميـت سافرت فارض الله سفرات عـده من شرقهـا لا غربهـا كـم تمشيـت قضيت لي فيهــا من الوقت مـده عـلى شواطيهـا و الـنْـهار طـلـيـت رينــا بساتـينـن لنونـي تشــده في جـالهـا حـار القــدم مـا تعـديـت وريت النهر في تركيا وريت عده و شرق آسيـا في دارها قـد تعنيـت والشــام للـزوار هـي مستعـــده و ايضن على لردن وبيروت مريت من غـاب عنها لازم الشـوق رده و فيـك يـا شاطـي صلالـة تغنـيـت شفت المحيط وشفت جزره ومـده و آرى دبي والشارقة عاليـة صيت لكن بلدنــا و الله مـا شفت قــده بـلادن حباهـا الله بطيبـه و با لبيت من شرع ربي حكمنـا نستمـده لـقيـت فـيهــا كــل شيـن تـمنـيـت حلفـت يا داري فـي اثـرب لـرده و اعـمّره و اسكـن بهـا يـوم رديت انشهــد انـي وآلعــن بـه بـشــده عـن اثـرب آنا فـي غيابي تماديـت و الصبر مني واصلن عند حـده ياليتني فـي مسقـط الـراس حـليـت |
السلام عليكم ورحمة الله اخواني واخواتي في هذا المنتدى ، مشاركة تعبر عن نفسها اتمنى ان تنال استحسانكم : طفت البلاد الفايته و القريبه عرفت معلومات عنها عديده البعض منها ريت فيها نهيبه والبعض فيها خلاف حول العقيده شفت الكنايس للمساجد قريبه وريت الذي يركع على الحيد بيده و خلاصة القول الذي راح اجيبه عن دولتن بين الدول هي فريده بلاد السعوديه بلادي حبيبه من شرقها الى غربها جت سعيده ما فيه احد يخشى يضيّع نصيبه مما رزقه الله و جاء في رصيده و الكل منا يعرف الله حسيبه نحنُ على التوحيد و حنا عبيده و اقوالي اللى قلتها مش غريبه على البلاد الطيبه و العتيده من مكه العظمى الى جال طيبه هذا الوطن بيدي حكومه رشيده واللي يعا دي شعبنا له مصيبه تاجيه من يد النشامى شديده |
الساعة الآن 05:14 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir