|
االلغز(121) انشد عن للي فسد الجو ممشاع=محلول=الدخان الملوث من نافع الحربي
ها لمره لغز سهل
ــــــــــــــ
انشد عن اللي فسد الجو ممشاه = بين السما والارض شر مسيره محركه من مرقده من عرفناه = مشا طريق مالقا فيه خير جاه اللعين مزين الشين واغواه = وسير غراب البين بارض الجزيره |
يامرحبابك يابوخالد 00الله يسعد صباحك
شكرااا لك على اللغز 00اللي تقول انه سهل00 الله لايحرمنا منك يابوخالد 00 بعدين وش سالفة مضحي جمران له فتره شبه غايب 00عسى المانع خير0 |
صح لسانك وبيض الله وجهك ورمعة على الطاير مارايك بالحســـــــــــــــــــــــــد |
خالد اللهيبي تبقى وتدوم لاعدمناك
مع الشكر والتقدير ليه مارمعت الشاكر ابوسامي حياك الله والرمعه بين السما والارض يعني مالك لوى |
هلابك يابو خالد \ هذي رمعة على الطاير :
حقٍ علينا اللغز لا مر نقفاه = نتبع مسيره لين يبرك بعيره علمٍ رسا بالأرض يوم الله أرساه = قمر صناعي ما يحلاّ بغيره |
الله يحييك يانافع
يانافع الحربي كلامك فهمناه = ليتك تحل اللغز ونجيب غيره لكن جنحت يمين وخطيت مغزاه= وترى الغراب اسودوسهل مطير |
هلابك يابو خالد \ هذي رمعة ثانية :
إن كان رميي يالبناخي تعداه = أردها لعيون قايد مسيرة أضنّه الدخان ما قشر حلاياه = ما هو لعصمان الشوارب بريرة |
والله انك تبي تذبح ها للغيز
وضح وفسر مايبغى له مراواه = رمعتك حول اللغز لكن قصيره اللغز ماواحديشيله بمخباه = اللغز شر صار عقبه كسيره |
هلابك يابو خالد \ هذي رمعة ثانية :
وصّل سلامي للفريدي بمعناه = سلامٍ أحلى من المطر في غديره اللغز دام الرمي ياصل إلى حماه = دخان مسيّلة الدموع الخطيرة
وصّل سلامي للفريدي بمعناه = سلامٍ أحلى من المطر في غديره اللغز دام الرمي ياصل إلى حماه = دخان مسيّلة الدموع الخطيرة دخان حربٍ لوّث الجو وعماه = طيّر غبار الجو وعمى نضيره |
بيض الله يالفريدي عندي رمعتين ان كان ماطلع حل نافع صح اما الواو ..الواسطه اوالبترول.... |
الساعة الآن 05:15 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir