![]() |
ديوان الشاعر \ نافع الحربي
[CENTER]
ديوان شعر \ نافع الحربي السلام عليكم ورحمة الله وبركاته تحية طيبة أما بعد يسرني ويشرفني أن أنزّل ديواني الشعري في ملتقى قبيلتي حرب العزيزة وايليكم أول قصائد هذا الديوان وهي قصيدة تكلم عن نزول قبيلة حرب من الحجاز إلى نجد : تنــصـّيـتُ دار بالقصـيــمِ مُــقـيـمــةٍ هذه القصيدة بنيتها على بحــور الشعــر القـديــم ولا يجيد قرأتها صح الا من يجيد قــرأة الشــعـــر الجاهلي والشعر العربي وهي على البحر الطويل القصيدة تكلم عن نزول حرب من الحجاز إلى نجد
تنــصـّيـتُ دار بالقصـيــمِ مُــقـيـمــةٍ =عذيّ الـــهواوالمــــي خضرا المــراتـعِ دارِ لنا يـــــوم الـقـنا يقــــرع الــقـنا =راضـين منهـا صــيـــــفـها والمـــرابــــعِ ولا ضنـتـــي بالهـــون جـتــنا هــدية = ولكن بمصقـــــــولٍ من الصلب قـا طـع فكــم قــد وقـفـنا موقـف العـز دونـها = على ظهـورجردٍ ياطـــــــن الـدم ناقــعِ وكــم قــد صـدمــنا جحفلٍ بعدجحفــلٍ = عـلى ضـمّـرٍ مثـل الاهـلـه نــــــواسـعِ حــدرنا من الشــم العــوالي ســراتـنا = من روس سودٍ بالحجازي فـــــــوارعِ فسدت مـغـيــب الشـمـس مناضــعائنٍ = كماغيم نــوٍّ وسـطـه البـرق لامــــــعِ مـسـتـجـــنـبــيـــن مـدلــــلاتٍ كـــرائمٍ = قـب من الخـيل الأصـيـلــــــة صـنـــائع كـأنــهـــن فــي نجــد شــقــرٍ كــواحـلٍ = غـطـاريـف بـدوٍ لابسـات الـبـــراقــــع ولكنهـن زادن عــلى الـحســن قــــــوةٍ = سـن الـــرباع مـكـمـلات الـــــروابــعِ على ظهورهن من خيرة القوم عصبةٍ = عـصــــــم الشــوارب بالحـــديـد دوارعِ مابـيـن شـــمـط الــعارضـيـن مُـحـــنّـكٍ = عـطـب الضـريـبةِ بالمـهـــــمات باتــع ومابـيـن شـبـان مـن الـحــي غــلـمـــةٍ = كـما الـخـيزران بجـدول النـهـر يانـــعِ مـردٍ صــناديـــدٍ شــيــوخٍ فـــــــوارسٍ = تـوارثـوا مجـدٍ كـما الصــبح ســـــاطـعِ مـجـــــدٍ عـلى حـلـــو الليـالي ومــرها = ينـسـب لهـم من سابـعٍ بعـد سـابـــعِ هـم الـقـوم لايـجـهل بهـم من يزورهم = كــرام اللحا مابـيـن سـاجـــد وراكــــعِ نـزلنابهـــم صـــدر الجــزيرة وانجلت = عـــنا أُوناسٍ بين فاخـــر وطــــــــامــــــع نـتبـع هـوا بـوشٍ مـثــل عـبـلة الـبرد = من غــر مـزنٍ كاللــقاح الضــــوالـــــــــع لـعـيـون حـورٍ كـنهـن شـــــرّد المـهـا = سود المحاجـــر ناقــشـات الاصـــابـــــعِ بــيـضٍ رعـابـيـبٍ حـسانٍ لــــواعــــبٍ = بـدن الطــوارفِ ناحـلات المـــــــقـاطـعِ فوا الله يمين الشرع ماشفت زينهــــــن = ولاني عـلى الغرّات والــرصـد بــارعِ ولكن انني اسقـي من الشعـر عاطـشٍ = يُعـانـق خـياله سـاحــراتٍ روائــــــعِ دعاني جميل الحرف ولزمني الهــــــــوا = ترانيم مـطــروقٍ من الشـعـر جـامـع تـمّـت ودّعـها الـمـزيني صـحــائــــــــفً = كـما ودعــت مارب مـلـوك الـتـــــوابــعِ شرح الكلمات المرابع : وقت الربيع \ الصلب : أقوى أنواع الحديد \ الجرد : الخيل قصيرة الشعر \ الجحفل : الجيش الكثير \ نواسع : طوال \ الظعائن : هي الإبل وما يشال عليها من عفش البدوا وهوادج النساء وما يصاحبها من خيل وفرّيس وما شابه ذلك \ فوارع : عالية \ مستجنبين : نباري الخيل جنباً لجنب لإنهم كانوا مايركبون الخيل إلا في الغارة من معزة الخيل عندهم وخوفاً عليها من التعب \ قُب : صفة من صفات الخيل وهي الظمّر الطوال \ الصنائع : هي التي حازت كل أوصاف الخيل الأصيلة \ الرباع : هي التي أكتمل نموّها وقوّتها \ دوارع : لابسين الدروع وجميع عدة الحرب \ اليانع : الذي استوى وحان حصاده \ مُرد : لم يطلع الشعر في وجيههم \ البوش : الحلال الكثير من الإبل \ العبلة : ما ارتفع من الأرض بعض الشي ويميل لونه إلى البياض \ اللقاح : لاقح عكس الحائل من الابل \ الضوالع : هو جمع ضالع وهو ماكان في أحد قوائمه عوار أو مرض ولم يستطيع المشي عليها \ الحور : شديد بياض وسواد العين في آن واحد \ شعر \ نافع الحربي |
إذا كان ما نته حكيـم الراي صـــائبهُ هـذه القصيدة : على البحر البسيط من بحور الشعر المغنى القد يم
إذا كان ما نته حكيـم الراي صـــائبهُ = مالك طـريـقٍ عـلـــى بــوابة الـطــــــــــربِ ترى الموت في رقرقٍ خضرٍ مدافعه = يسوى جـلوسـك مـع الحـــساد والـكــذ بِ فأن زارك الهـم وغـمدبك قـواتـلــــهُ = سوج القدم مع طريق الغــيث والنصــــــبِ قــفر عذيٍّ ســــرير الـبــــال زائـــــره = خصب الآخاديد والريــضـــان والشــعــــبِ مـكــللٍ بالكـــلا تحـبـوا زواحـــــفـــــه =حبوا الغراير على الكـيعـــان والـــركــــــبِ لطــيف رشح الــهـوا خـالي جـوانـبـه = الاالـجــوازي وفــــــرخ البــاز والســحـــبِ دارٍ بـــها شق خـمـر الحـــب شـــاربه = شـق الـرهـيفـة عـضـام الـزور والعـصــــبِ لـــيـلٍ كـــواهـلـــها زلٍ مـحـافـــــلـــها = انـجـــــومٍ مـزاهـيـرهـا كالــودع بالـنـقــــبِ اوحـش بها الدهـر وفـقدها مــعالمـها = الا رســم جــثّـــمٍ ســـــــودٍ من اللـــهــــــبِ وقـفت فيها شروق الشمس مُعــتـبــرٍ = حتى اسـتـكـنّـــت ونـصـــــف الـدائرة غــرب آسلي النــفــس ونـــصحـها وعـاتــِبُـها = وقــول ماقـالــــه الـثــعـلـــــب عـن الــعـنـبِ ترسم لي الذكـــريات أسمٍ محاسنـــه = أسمٍ عـلى الجـسم كا لأ لماس بالـعـلــــبِ النفس تنسى وبعض أحيان يـوقـضــها = بـيـتٍ من الشعــر بـيـن اضـلـوعــــها ركـــبِ قد هـزها قول الاعشى في عـواشقـهُ = هـز القـوافـي ضـمـيـر الشــاعـر العــــذ بِ يما اصطفى من رحـيق الشعر كـــوثرهُ = ياصف هُـريرة بوصف السحـر والــعـــجـبِ يامن يبي من جـميل الشعـر جــوهـرهُ = شـعـــرٍ بلا واصـــــــــف لا نارٍ ولا حـطــــبِ ابحث عـن الجاهـلي واحـفــض نوادرهُ = إلى اليوم هـو خــــيـر ماغـنّـت بـه العــــرب كان الكــلامُ من الــفـظـــــة بــــــوادرهُ = فأ أن السكـوتُ من اليــاقـوتِ والــذهــــبِ فـكـم من كـــلامٍ وقـع بالعـيـب قـائـلــهُ = خــا لي من الــشـــــعــر لاذوقٍ ولا آدبِ نافع الحربي |
الا ياسلا مي كان يـنـفـعـنـي الســـــــلا م
الا ياسلا مي كان يـنـفـعـنـي الســـــــلا م = على اللـي كـما بـدر الـدجـــــا لاكـمـل نـوره لـحـضـنـي بـحـورٍ لاخـرزهن تـقـول اسهام = عـلى القلب الاقشر وجه المـوت من حـوره تـبـسم بـغـرٍ كـلبـرد ماعـليـهـا الثـــــــــــام = كما نظم عـقد الماس في حلق مطيــــــوره ونا ما عـلـي اخـلاف دا م الـهـــوا قــــدام = ابـسـوج رجـلٍ في هـوا القلب مجبـــــــوره ابسوجـها باالمملكه واليـمـن والشـــــام = وبـحـذف عـجـز البـيـت مـن خــوف محــــذوره الايانديـبـي فوق من يـرفـع المقـــــــام = يـجـاوب تـقـاسـيـم الوتـر صـوت مــــا طـــوره حـديـث المـديـل اليـعـترض كـنه الغمــام = عـلى ثـقـب الابـره وزنـة البـلف مـــــصخـوره ادنّـيـه لاضـاقـت عـلـيّــه وفـكـري هـــام = ابـجلى صـدا نفسٍ من الوقت مـــــكســــوره ابسري عليـه بلـيل والشامـتـين ا نيــام = قـبل ما يـشـق الصـبـح وايـوص عــــصفـوره هوا البـال دارٍ مابـها حاسـد و نــــمــــام = نـضـيـف الفـلاة ا للي من الـمـزن مـــمـطـوره أبتبع هوى نفسي لو ان الرخا ما دام = يغلب النهار الليل ويمرّح طيوره نافع الحربي |
ياحمامة من الأغصان طـــيري
ياحمامة من الأغصان طـــيري = قبل أنادي بصوتي ياحمامــة رفرفي بالحرير ابن الحـريري = ناعم الريش مجهول العلامة اقطفي كل زملوقٍ خضـــــيري = قبل ليل الدجى يضفي ضلا مه الشجر دوح والمارد غـديـري = والمطر وسم والدار أليمامه ون صفا لك زمان الخير سـيري = في ربى نجد ولا في تهامة كل ماهب نسناس العصـــير ي = مر فيها الهوى يسحب خطامه هزها العصر وأطراف الهجيري = واخضرٍ يشرب ألماء من غمامـــه ياحياةٍ بها صاح النذيري = ياحياة المغرّة والندامة ماتحن الضعيف المستجيري = ولا تحشم الكريم من الملامة كم عشيرٍ فقد فيها العشيري = عقب عهد الفرح والأبتسامة نافع الحربي |
برقٍ سرى بشعاف غرٍ تقل ضي
برقٍ سرى بشعاف غرٍ تقل ضي = بطراف مزمومٍ على الشطر قادي نافع الحربي في حضن ليلٍ دونه الصبح يبدي = يتبع سنا نوره من الشرق بادي وغصن الربيع اللي غسل عوده المي = عطره على هيف النسايم ينادي عشبٍ وطاه الوسم ريٍّ بعد ري = عليه نوّ العقربيات جادي ريح النفل يوم أشرقت شمسه ضحي = والجو لا حرٍ ولا هو برادي جدد عهودٍ جرحهن بالحشى ني = لبسن ملابيس القدايم أجدادي ورد الضمير مهندسٍ محكم الطي = كنه بسلك العنكبوتة إيقادي والغصن جف وحاجب الشمس يبدي = يومي به اللا هوب بقران حادي دربي طويل ولا معي للسفر شي = والماء هماج ولا هب القيض زادي اطوي على الفضة سلوك الذهب طي = وقطف من ورود العسيرة مرادي دام الوفى والحي في داخل الحي = يغوص بعماق القوافي اسنادي |
ياسحابٍ كنه الليل يوضي بالبروق هذه القصيده بمناسبة هطول الأمطار على وطنا الغالي خاصة روضة التنهات واكتساء الأرض بالثوب الأخضر الجميل : وزان القصيد في هذه المواقع الجميلة
ياسحابٍ كنه الليل يوضي بالبروق = = نصّبٍ يسبق رعدها رفيف بروقــــــها تنطحه ريح الصبا ويتعطف بالحقوق= = من هدب غرٍ مطرها يهز وسوقها له ثمان أيام مزنه من المنشى يسوق= = الهوا تقصربها والثقيل يسوقـــــــــــــها في حراوي روضةٍ في مراعيف العروق= = روضةٍ كن الذهب من اخشوم اعرو قها روضة التنهات تنعم بحلوات العذوق= = جنةٍ ثلث الهوا من عبير اعذوقــــــــــها روضةٍ خضراء وشمسٍ على الخضراء شروق= = لا بسٍ غض الورق من جمال شروقـــها دار أبو متعب رفعها بسيف العز فوق= = البحر بطرافها والسماء من فوقـــــــــــــها خادم البيتين يافي ولا ياكل حقوق= = من نوادر لابةٍ ماتضيع حقوقـــــــــــها المليك ابن المليك الرهاوي الرفوق= = كلمته يازن هدفها على منطوقـــــــــــها ناصبٍ سيف المهمّات للجزله سبوق= = دون ضل الدوحه اللي رتع غرنوقـــــها اشهد انه في ربى نجد للحكم أمعشوق= = نجد معشوقة بطل والبطل معشوقــــــــــها شاربٍ كاس البطوله على الهقوه يفوق= = نازلٍ بالقمّه اللي شمخ زملوقــــــــــــها من سلا يل صيرميّ على حقه شفوق= = يوم عدوانه يطق الغضب بحلو قـــــــها للسعوديه قصيدة على عذب الطروق= = درّةٍ بأهل الوفاء يا حلو مطرو قـــــــــــها نافع الحربي |
يا مل قلبٍ على دار الهوا خاطره حن ها ذ ه القصيدة قديمة وهي تكلم عن ذ كريا ت ما ضية
يا مل قلبٍ على دار الهوا خاطره حن = نا د نه الـذ كريا ت وسا بقنه اد موعـه مرهـف ضمير الفتى فيه الجميلا ت يبــقـن = بقلبٍ كما الشا ش الابيض مقفلا تٍ ادروعه ها ذا مفيض الطويله والمراقيب يـــبـــــــــد ن = صكن على جا ل مطويٍّ تـداحم أنجوعه وها ذ ا صعيـد الفلا ة اللي عليه الهوا سـن = عفا عـليه الزمان وغاب عـنــــّـه أربوعه وها ذي أرسوم المحبة لـلمـحبـيـن مـسكن = يـوم ان ورد المحـبة مـزهـرا تٍ ا فـــرو عه وها ذي اقـصور الـشها مه عـقـب اهـلـهـن تـرد ن = با د الـرفـيع الـمـشـيـد ولا بقى الا جـذ و عـــه ما تـقـل فيه الـدلال الـصـفـر لـلجـو د صـفّــــــن = مـن فـو ق سـمـرٍ هـشـيم الـعـود عـــجلٍ ولـوعـه ولا كـنهن با لمجالس يـتــلن العـود صـبّــــــــن = مـن فـوق زل العـجـم فـاخر عـلى الزل نوعــــــه ولا تـقـل بـرضه اسمان الحيل للضيف ذبـحـــن = يفرح بهن الضعيف اللي ســطا فيه جـو عــــــــه ولاتـقـــل فـيــه البـنـا ت ام الازمــه تـنــا جـــــــن = بـر كنٍ بـسـيـطٍ عـمـاره مـوقـدا تٍ ا شـمـــــوعـه يـادار ويـن الوحـوش اللــي بـك العام يـرعــــــــن = يرعن زهر نبت قفرٍ مروياته أرجوعه هـذا الغدير المريف اللي بـــه الـصـبـح مــــــــرّن = قـبـل يـشـد الـضـحـا والـشمـس بـادي طـلـوعــــه وهـاذا مـحـل الغـدى لامـن ضـل الجـبـل كــــــــن = عـلى شـمـال الـمـهـيـف اللي امـضلـه تـلوعـــــــه ا لـيـوم خـالي جـانـابـه غــــــيـر ورقٍ تـنـــــا د ن = قـفـرٍ ايـنـادي لـعـشـاق الـطـبـيـعــــة اطـبـو عـــه ا لـو قـت غـيّــر مـعـا لــم ديـرة الاانـــس ولجـــن = مـا بـا قـي الا عـلا مـاتٍ قــــد يـــمـة ارمـوعــــه غـيّـر بـيـوتٍ عـلى سـطــح الــوسـيـعـة ايـبـنـّــن = وهـو بـا قـيٍ مـسـتـجــدٍ مــا تـــغـيّـر اسـبـوعـــــه و قـلـبـي اللـي عـلى طــفـل الـهـوى خـا فـقـه و ن = زار المـكـا ن الـقـديــم وجـاوبـنّــــه ا ضـلـوعـه يـاهـل تـراهـم عـلى الد نـيـا ولاخـبـار يـصلــــــن = ولا عـليـهـم صـلا ب الارض خـاطـت اصدوعـه عـشريـن حـجـة عـلى مـتـن الـنـجـيـبـة تـعـــــد ن = فـيـهـا الـولـيـد الـحـديـث الـيـو م يـنـطح اجـمـوعه مـابـيـن نـازل ورحـا لٍ والايــــــا م يـطـــــــو ن = مـا فـا ت مـنـهـن تـعـدى مـسـتـحـيــلٍ رجـوعــــه نـاديـت بـا ا لـصـو ت مـلـمـو مٍ خـشومـه يـلجّـــن = ولا رد لـي الـكـلا م اللـي تـجـــــا و ز ا سمـوعـه خـيّـم عـلـيـه ا لـسـكـوت وجـارتيـنــه تـخـفّــــــــن = ويـقـنـت عـلـم الـيـقـيـن ا ن ا لليـا لـي قـطـوعــــه ا لـبـا قـي اللـه تـعـالـى وا لـخـلايــق يـبـيــــــــد ن = ا لـواحـد الـلـي بــه الـمـسـلـم يـعـلّـق اطـمـوعـــه نافع الحربي |
يا حروف الشعر بالخط السماوي
يا حروف الشعر بالخط السماوي = ارحمن قلبٍ هواجيسه تلوفه لوف غصنٍ من لهيب الشمس ذاوي = باوّل الكنّة يعاني من احفوفه يا وجودي يوم حيلتنا المناوي = زاهيٍ به من بديع الصنع نوفه كنه اللي له ثمان أيام طاوي = أشهب ما طب حلو الزاد جوفه مثل حرٍ بالسماء للأرض هاوي = أشقر موت الحباري من كفوفه لا رجس بين الضلوع الذيب عاوي = والضمير الحي هاجوسه يحوفه قلت شيلوا عزبتي تراي ناوي = مهملٍ قفرٍ ولو دونه كلوفه ثم سرّيته وثلث الليل ضاوي = حالفٍ قبل الضحى محدٍ يطوفه عارفٍ ساعة صباحه بالحراوي = اخضرٍ غضٍّ مزاهيرٍ قطوفه وخويايه من بعيدين الهقاوي = يستحقون الثناء عقب النكوفة من رجال العز صلفين العزاوي = والنفوس خفاف بالطيب امعسوفة ياحلو ريح النفل والعشب راوي = من سحابٍ لاح برقه في اقنوفه الهواية سيّرت رجل المهاوي = لا ومرها القلب سارت في حروفه انصح اللي للتعب والسير قاوي = لا يفوته مرتعٍ تطرب صنوفه منزلٍ قفرٍ بعيد الدار داوي = من طراة العمر ريفٍ من ريوفه نافع الحربي |
يمشي بي الواجب على الوجه قدّام
هذي قصيدة قديمة أيام الغزو الأمريكي على العراق حيث كلفني العمل في مهمة إلى الحدود الشمالية وقلت هذه القصيدة :
يمشي بي الواجب على الوجه قداّم = حتى ظلام الليل جاله سهومي نافع الحربيمن فوق مرعوشٍ ننوشه بالاقدام = جسرٍ على طي الفيافي عزومي اليالمسته عن مدا هقوتي زام = قام يتخطّف نابيات الحزومي كنه اليا حوّل مع النازية ســـــام = بخط الدفاع موجّهٍ للهجومي احكم تمثاله على نبير الا رقام = اعد فوقه ساريات النجومي يوم ان كلن في حضن صاحبه نام = أنا على قفرٍ بها الذيب نومي يما جهمنا بوّل الصبح مجهام = ويما سرينا ليل غدرا قحومي ويما شوتنا الشمس بالشارع صيام = بوجيهنا ننطح لهيب السمومي ويما دعانا أمر على غير ما يرام = والبوسطة عند المدير مخدومي من دون ستر وجيهنا نقدم إقدام = ندحر شياطين الكسل بالعزومي تسوقنا سود الليالي ولايام = حتى نذير الموت جاله رسومي العمر يطوى كل عامٍ بعد عام = يطويه مجهول النظام اللهومي والله خلق خلقٍ على كل الاقسام = معطى ومحدود العطى ومحرومي كم من وضيعٍ حطّه المال مقدام = لولى فلوسه ما سوى فص ثومي وكم من خبيثٍ يلمز الناس نمام = دايم لسانه بالأجاويد يومي وكم من رديٍّ ناقص العقل لواّم = كلن حصلّه من بلاويه لومي وكم من ضعيفٍ قدرته عض البهام = لا جاب علم ولا تحذاّ علومي وكم عاش بالدنيا غريقٍ بالاوهام = مغرور في نفسه سجين الوهومي وكم نوّ صيفٍ في هقاويك ما دام = معهم عليهم عشرته ما تدومي وكم عاشقٍ صابه على خله هيام = من حب ترفات الصبايا امهيومي وكم طيّبٍ ينقلك للطيب همام = شهمٍ لصعبات المراجل يهومي عزٍّ لربعه كلّهم عنده حشام = ومن حشّم الاجواد صار امحشومي وكم خيّرٍ من راتب الفقر منظام = ودّه يقوم ولا حصلّه يقومي وكم من فقيرٍ طاح حضه ولا قام = صار الفريسة للعفون الرخومي وكم من شباب شب في دين الاسلام = الله هداه لطيّبات السلومي جليسه القرآن تفسير وحكام = نعم الجليس اللي يبيد الهمومي وكم كاتبٍ بيّد صواريخ الاقلام = عليه من فن الكتابة وسومي ولا دام عرش العز للشيخ صدام = طشه زمانه من رفيع الرجومي أصبح ذليل يهددونه بالاعدام = ما كنه الليث الشجاع الجزومي يا الله يا للي للمخاليق قسام = تجعل نصيبي من خيار القسومي يا معطي أبنادم فضيلات الانعام = أنا دخيلك يالكريم الرحومي لا خير في عيشٍ بلا عز وكرام = يوم المعزّة ينشري بلف يومي الله من قلبٍ على هاجسه عام = بين المغاليق العرايا يعومي عن كل مغرورٍ رفع خشته شام = يحق له عن كل ناقص يشومي شم الهوا بأرضٍ بها شيح وثمام = غضٍ ورقها بالزماليق يومي وهضبة ربيعٍ فوقها الصيرمي حام = مفرود كحليّ الجناح الردومي وعشبٍ سحابه بالسماء يرزم ارزام = على رفاع الارض مثل الغيومي يجلا هواجيسٍ على قلبي احيام = رواسيٍ بقصى الظماير أجثومي الله على ربعٍ لهم بالشهر زام = اقطع بهم قفرٍ بعيد اليمومي ومالٍ يصخّر لي صعيبات الاحلام = يطلق سراحي لا سجنّي لزومي وجيبٍ جديد الصنع من مصنعه تام = عجلٍ مسيره للوعيرة غشومي ماني بمن يبني له الظل بلحام = يدور حوله بالقراش مخزومي إن ما سهجته بين كثبان وآكام = يحرم عليّه خوتي للقرومي اتبع هوا نفسٍ بها قيد والجام = تطلب محالٍ في وطنها معدومي شب الشباب وشاب وهجارها غلام = مبهم حديده بالرصاص مختومي |
يمشي بي الواجب على الوجه قداّم هذي قصيدة قديمة أيام الغزو الأمريكي على العراق حيث كلفني العمل في مهمة إلى الحدود الشمالية وقلت هذه القصيدة :
يمشي بي الواجب على الوجه قداّم = حتى ظلام الليل جاله سهومي من فوق مرعوشٍ ننوشه بالاقدام = جسرٍ على طي الفيافي عزومي اليالمسته عن مدا هقوتي زام = قام يتخطّف نابيات الحزومي كنه اليا حوّل مع النازية ســـــام = بخط الدفاع موجّهٍ للهجومي احكم تمثاله على نبير الا رقام = اعد فوقه ساريات النجومي يوم ان كلن في حضن صاحبه نام = أنا على قفرٍ بها الذيب نومي يما جهمنا بوّل الصبح مجهام = ويما سرينا ليل غدرا قحومي ويما شوتنا الشمس بالشارع صيام = بوجيهنا ننطح لهيب السمومي ويما دعانا أمر على غير ما يرام = والبوسطة عند المدير مخدومي من دون ستر وجيهنا نقدم إقدام = ندحر شياطين الكسل بالعزومي تسوقنا سود الليالي ولايام = حتى نذير الموت جاله رسومي العمر يطوى كل عامٍ بعد عام = يطويه مجهول النظام اللهومي والله خلق خلقٍ على كل الاقسام = معطى ومحدود العطى ومحرومي كم من وضيعٍ حطّه المال مقدام = لولى فلوسه ما سوى فص ثومي وكم من خبيثٍ يلمز الناس نمام = دايم لسانه بالأجاويد يومي وكم من رديٍّ ناقص العقل لواّم = كلن حصلّه من بلاويه لومي وكم من ضعيفٍ قدرته عض البهام = لا جاب علم ولا تحذاّ علومي وكم عاش بالدنيا غريقٍ بالاوهام = مغرور في نفسه سجين الوهومي وكم نوّ صيفٍ في هقاويك ما دام = معهم عليهم عشرته ما تدومي وكم عاشقٍ صابه على خله هيام = من حب ترفات الصبايا امهيومي وكم طيّبٍ ينقلك للطيب همام = شهمٍ لصعبات المراجل يهومي عزٍّ لربعه كلّهم عنده حشام = ومن حشّم الاجواد صار امحشومي وكم خيّرٍ من راتب الفقر منظام = ودّه يقوم ولا حصلّه يقومي وكم من فقيرٍ طاح حضه ولا قام = صار الفريسة للعفون الرخومي وكم من شباب شب في دين الاسلام = الله هداه لطيّبات السلومي جليسه القرآن تفسير وحكام = نعم الجليس اللي يبيد الهمومي وكم كاتبٍ بيّد صواريخ الاقلام = عليه من فن الكتابة وسومي ولا دام عرش العز للشيخ صدام = طشه زمانه من رفيع الرجومي أصبح ذليل يهددونه بالاعدام = ما كنه الليث الشجاع الجزومي يا الله يا للي للمخاليق قسام = تجعل نصيبي من خيار القسومي يا معطي أبنادم فضيلات الانعام = أنا دخيلك يالكريم الرحومي لا خير في عيشٍ بلا عز وكرام = يوم المعزّة ينشري بلف يومي الله من قلبٍ على هاجسه عام = بين المغاليق العرايا يعومي عن كل مغرورٍ رفع خشته شام = يحق له عن كل ناقص يشومي شم الهوا بأرضٍ بها شيح وثمام = غضٍ ورقها بالزماليق يومي وهضبة ربيعٍ فوقها الصيرمي حام = مفرود كحليّ الجناح الردومي وعشبٍ سحابه بالسماء يرزم ارزام = على رفاع الارض مثل الغيومي يجلا هواجيسٍ على قلبي احيام = رواسيٍ بقصى الظماير أجثومي الله على ربعٍ لهم بالشهر زام = اقطع بهم قفرٍ بعيد اليمومي ومالٍ يصخّر لي صعيبات الاحلام = يطلق سراحي لا سجنّي لزومي وجيبٍ جديد الصنع من مصنعه تام = عجلٍ مسيره للوعيرة غشومي ماني بمن يبني له الظل بلحام = يدور حوله بالقراش مخزومي إن ما سهجته بين كثبان وآكام = يحرم عليّه خوتي للقرومي اتبع هوا نفسٍ بها قيد والجام = تطلب محالٍ في وطنها معدومي شب الشباب وشاب وهجارها غلام = مبهم حديده بالرصاص مختومي نافع الحربي |
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() الساعة الآن 02:32 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir