خلاص من حبٍ به النور طافي
كافي عذاب الله يخليك كافي=حسي بحبي ورحمي وحضنيني تقبلو ودي وحتراميشوفيني اسهر مع قصيدي وقافي=ابغا خفوقك بدفا يحتويني القلب من كثر المواعيد عافي=اوفي بعهدك للهوى وصدقيني اوفي مدام اني على العهد وافي=وبكثرت الاعذار لاتصرّفيني حبي معك مثل العسل كان صافي=قولي وش الي غيرك كلميني ابغاك قدامي وترجع اخلافي=قولي معالم قصتك فهميني لاتتركين الهم بالقلب خافي=قولي كلام الصدق لاتتعبيني وان كان قلبك ياريش العين جافي=ردي خفوقي ورحلي وتركيني خلاص من حبٍ به النور طافي =دربه ظلام ونجمته ما تبيني طول عليه الوقت تحت السوافي=ماجته ريح الصدق حتى يبيني يازين أضنك منت للحب وافي=خل الهوى لهله ولاتبتليني تلعب على الحبلين خافي بخافي=تلبس قناعك كل يوم وتجيني شلت الحلا من وسط فنجال كافي=وسقيتني مرّه طوال السنيني كنت احسبك بالصدق وافي وضافي=بس انكشف سترك على شوف عيني خلاص من حبٍ عليه اختلافي=ارحل وانا برحل ولا ترتجيني |
الله الله يامحمد حرب
بيض الله وجهك وصح لسانك غزليه راااائعه |
محمد حرب
صح لسانك واعتلا شانك قصيدة رائعه كروعة حضروكـ |
صح الله لسانك
ولاهنت وسلم فكرك وبنانك دمت برعاية الله وحفظة |
السلام عليكم ورحمة الله وبركاته سلمت ودمت أخوي الشاعر محمدحرب على القصيدة . . . جزله ورائعه وصح لسانك أخوك ابوساره |
لاهنت وصح السانك
تقبل التقدير والاحترام وفقك الله |
الشاعر المبدع محمد حرب صح لسانك مبدع جدا قصيده جزله من جزل لكن حبيت أسألك عن هذا البيت: بدلت طعم الحلا في كاسـة الكافـي ،،،تنزع حلاها وباقي المـرّ تسقينـي لقد غيرت البحر كلياً لعلك منتبه لذلك !!! أنت مبدع دم بعز وتقبل إجلالي |
صح لسانك يالذيب
.. ولاهنت نص راقي ..و عذب المعاني .. ! سلمت مشاعرك .. دمت بـ إبداعك وحيد الجزيرة |
, , , صح لسانك وسلم بنانك قصيدة وافيه من وافي بيض الله وجهك يالذيب اتمنى لك التوفيق اخيك ابو فياض النويمي |
قصيده وافيه ومن راس وافي
لاهنت ولاهان هذا الحضور تقبل تحيتي |
الساعة الآن 05:13 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir