جمَّعت حزن والم وكـروب=وصـار القلـب حصالـه
انا ادري انه علي مكتـوب=محال مـن دايمـه احوالـه
وجيت ابشكي لكم ياحروب=يمكـن الاقـي دوا الحالـه
حظي انا في الهوى منكـوب=من بعد حكمي على الكاله

تتوقع انـي ابترجـاك=واقولك ابليز لاترحل
ماهتم انا لمثلك وشرواك=وهذا كلامي قبل ترحل

طعنتني في الهوى امـرار=وعيشتني بحر للأحـزان
بعتك انا اليوم يالغـدَّار=واحلف بربي ماني بخسران

طوقتنـي بغـلاك بطـوق=طوق الوفا يـوم ناديتـك
غالي غلاة الذهب في السوق=ومانـي بغلطـان حبيتـك

حسبت ان المشاعر لعب=وبوحها كشف للخافي
لقيت حبك بجوفي صعب=انساه لو سرت لي جافي

العبيدي=
امسي واصبح بنفس الحال=احزان فأحزان تكوينـي
طال الصبر والشقا بي طال=حال الزمن بينـه وبينـي
بيان الصمت=
حول العدد للصفر منزال=يمناه رفع الموازينـي
وان بُدِّلَت باليمين شمال=محتاج نقض القوانيني

زلزال حطّم نواحي القلب=واصبحت في دنيتي محروم
ماعاد لي في الهوى مطلب=من بعد حكم القدر مظلوم

مريت انا القاهره ياحباب=ورميت حبه في نهر النيـل
من بعد ماسد عني البـاب=وانا اساهر لنـص الليـل
وخاطري اليوم منه طـاب=ماعاد بسأل عنـه واميـل
هذي حقيقه لكم ياصحاب=من جرب الحب عاش الويل

ولِّيتك الحكم في قلبـي=وخليتك الآمر الناهـي
حسبت بتكمل الدربـي=طلعت عن عشرتي ساهي

حياتنا كلهـا عثـرات=ماكل منهـو يخطيهـا
غير اللذي يفعل الطاعات=محـال انـه يعديـهـا
وايامنـا كلهـا زلات=والروح دايـم نبديهـا
يارب ياسامع الشكوات=تغفر لنفسي معاصيهـا

جرحك في قلبي بعمق البير=واليوم قررت انا اسيبـك
الغدر والجحد والتنكيـر=هذي صفاتك واساليبك

حاولت ابعـد وماطولـه=واجبر نفسي ولو ملهوف
من شفت انا البارحه زوله=ضعيت دربي ماعاد اشوف

الحب كنه تجارة مـال=له دايم(ن) بايع وشاري
من يشتري عندنا فالعال=ومن باع مانجيبله طاري

في ظلمة الليل وسكونـه=وفي وقت كل البشر غافين
زادت عليّه شقا طعونـه=واجْرَت مَعاها الدمع فالعين

اتعس خبر لانـوا يبعـد=عني ولا ادري وش الطاري
باين في بعده لنـا يسعـد=يرحل قبل سابق انـذاري
واسعد خبر في الهوى يقعد=يمي ويسأل عن اخبـاري
باني في قلبي لهـم مقعـد=مخصوص دون اي اعذاري

العبيدي=
ماني بقاوي الم فرقـاه=ولابعد صدتـه لا راح
مجروح والله انا بليـاه=دايم على فرقته نـوّاح
داعيك وطالبك يارباه=اتبدل الحزن بالافـراح
ماجاه مني خطا ماجاه=طبع الزمن دايم(ن) ذبّاح
ابو سالم الرحال=
كلاً معه فالزمـن بلـواه=ما حى فى ذالزمن مرتاح
وانته عليك السعى تسعاه=وتعالج بجهدك الأجـراح
والمرء لن الوجـب اداه=لابد مايجنـى الأربـاح
ومنهو تعزه خذ بيمنـاه=وخله معك لالزمان سلاح

الصبر والصبر ثم الصبـر=على جروحك و حسراتك
واصبر على صدتك والهجر=وانسى الم كل مافاتـك

العبيدي=
اليا ذكرت الحبيب اجن=انوح ليلي واسيب النوم
اوزان حزني في قلبي طن=واليوم زادت على المحروم
قابل البشري=
ان كان الامـال ماقفـن=ويبقالكم في وصاله يـوم
لوشلت حمل الجبال ارزن=ولاتبدي الخافي المكتـوم
العبيدي=
لو كان لي صاحبن مايحن=وشولون حبل الوصل بيدوم
خلا قليبي كثيـر الـوَن=وزوّد حياتي شقا وهمـوم
قابل البشري=
ان كان للـود ماثمـن=وفيه الوفا والغلا معدوم
البعد عن سكته احسـن=والله يعوضك فالمقسوم

رغم الحزن والالـم والآه=ورغم الجرِح والدمع والهم
صابر وحالف ابد منساه=علّ وعسى يرجع ويفهم

الحكم اصبح بجوفـي صـن=من يوم مـاروّح المحبـوب
ياهل ترى بحالتـي بيحـن=ويرجع يوقّف رمي بالطوب؟

ماصـار بالأمـس حيرنـي=وزوّد على قلبي الاحـزان
الفكـر كـثـره مجنـنـي=والهم اقبل علـى الحيـران
واليوم هرجـك بيجرحنـي=مانام من طعنتـك سهـران
تعـال تكـفـى وفهمـنـي=من قلبك الهرج او غلطـان
ان كنت غلطـان خبرنـي=مسموح يكتب لكم عنـوان
وان كان مقصـود تطعنـي=الشكر يوصل لكـم اطنـان
ماجاك غيـر الغـلا منـي=اعطيتـك القلـب يالمنـان
وانـت تقفـي وتهجـرنـي=وتترك قليبـي انـا ولهـان
لاتصدق اللي حكـى عنـي=اللي في درب الهوى قد خان
بذكـرك وانـت تعرفنـي=ماخون منهو لقلبـي صـان

ايتو بداهـا وشـب النـار=من يوم عشره دقايق جـات
المـان منـه غـدا محتـار=محتار يشكي من الطعنـات
وميسي ختمها وخصمه صار=يبكي ويذرف من الدمعات
يقطع حبيبي كمـا المنشـار=ومن قطعته زود الحسـرات
وانت ياشافي ملك جبـار=ابقيت خصمك على الونات
انا اشهد انك بطل مغـوار=ومن عاندك عاش في آهات
هذا لكـل الفـرق انـذار=ياويل من قابـل السـادات
وتبقى يابرشا بكل اطـوار=جبت الثلاثه من بطـولات

مابين خلي ودمع العين=صارت علاقات طردية
وبيني وبين الهنا والزين=صارت علاقات عكسية

ياقلب لاتشكي اللي راح=وياعين لاتذرفي المدمـع
الصبر واجب بدون نواح=ومصير منهو رحل يرجع

العبيدي=
اليا طعنـي وراح وصـد=واقفى وعاف القلب مجروح
ابني بنهـر المحبـه سـد=ارجع الاقي البناء مطروح
رهين الغم=
مدام سدك عليـك انهـد=ماظن هذا النهـر مملـوح
اكتب وثيقه وجدد عهـد=تشوف النتيجه معه مصلوح

من قبل لايُخلق الإنسآن=وقبل السمآوآت والأرضي
لوح(ن) كتبه الغني المنآن=لآبد نصبربـه ونرضـي

العبيدي=
سلآم لهل الوفى والطيب=سلآم ينخص به خآلـد
تعال قرب هنآ يالذيـب=مطلوب تنصحني وتسآعد
خآلد اللهيبي=
يامرحبا والعلوم تطيب=بوجودكم والفرح زايد
قلي وانا لك علي اجيب=ونسجله فأول الـوارد
العبيدي=
من بعد خلي طلعلي شيـب=فالراس من طعنـة الجاحـد
ياهل في درب الهوى من عيب=ولا الهوى بالحـزن رايـد؟
خآلد اللهيبي=
العلم عطنيه بالترتيـب=ولاتحط بيني وبينك حد
والمشتكي لابغى تطبيب=يبين الجـرح ويحـدد
العبيدي=
فالأوله حبهم فالجيـب=نتبادل اشواق ماتنعـد
واليوم حتى السلام يسيب=عدا بجنبـي ولالـي رد
خآلد اللهيبي=
لاصار يعطي معك ويجيب=وفجاءه تغير وصاله ضـد
اما هدف صابكم تصويب=والا اشتكى من جهتكم صد
العبيدي=
دايم يجينا وتالي يغيب=يغيب ويبني علينا سد
الحب ماهو لنا تركيب=بس الزمن هد حبي هد
خآلد اللهيي=
كـان فالمسالـه تقريـب=اسعى وضاعف معاه الجهـد
وان شفت فيه الشكك والريب=مالك معه حل غيـر البعـد
العبيدي=
بقول لك ثآنكس للتجريب=ياللي بطيبـك تمـده مـد
وان كان تبغـاه بالتعريـب="مشكور" مسبوق طيب وود

صقر المراقيب=
صويحبي مبتعـد يانـاس=ونفسي من البعد ملتاعـه
مايدري اني رهيف احساس=ماتحمّل البعد لـو ساعـه
العبيدي=
انت بدرب الهوى محتـاس=ومن حاس هالوقت ماطاعه
لاباس ياصاحبـي لابـاس=اصبر وصابر على اطباعـه
صقر المراقيب=
محتاس قلبي على محماس=غير الوصل مالي اطماعه
والله حسيبي على البلاس=زوّد على قلبـي اوجاعـه
العبيدي=
شيله على القلب ثم الراس=وخلك لحبل الوصل راعه
لاتخلي القلب غم وياس=ابعد شقا الهم وانواعـه
صقر المراقيب=
من باع سيده وجب ينداس=ويرتاح راسي من صداعه
هجر المقفّي ترى نوماس=لو احرق القلب بضلاعـه
العبيدي=
ابقى بدربك قوي الساس=خلك من الدوس وانزاعه
لاتدق باب الحزن بأجراس=ماظن تحرقـك ولاعـه
صقر المراقيب=
مايروع قلبي لذوع الماس=لي ربع تكـرم وفزاعـه
شربت مر الدهر بالكاس=ومثـوّر النـار بسباعـه
العبيدي=
الصقر دايم قوي البـاس=مايروعه ذاك واتباعـه
لو ذاق مره بكاس انحاس=يبقى صقر ماهو ابضاعه*

العبيدي=
النفس لابد ترجع يوم=للي خلقها وسواهـا
هذا حكم ربنا معلوم=اتعود الأرواح مثواها
ابو سالم الرحال=
لاشك هذ امر محتـوم=والناس ماتدوم دنياها
يابخت من قدم المغنوم=للآخره يوم يلقـا هـا

ياناس من باعني خسران=يلوم وقته على الفرقـا
والله ياصاحبي غلطـان=والقمه لازم لها ترقـا

اللي كتمته فوسط القلب=وداريته اسنين لايظهـر
دمعة حزن فالهوى للحب=بآحت بأسرآر مآتُجهـر

قصة وفيهآ القلب محروق=عنوآنهآ " بالنظر مأسور "
بديتهآ بالوله والشـوق=وختّمتها بالحزن مجبـور

العبيدي=
ياناس وش قلّب الأحـوال=وشب الزمن دآرت احواله؟
البنت صارت كما الرجال=والعكس درب الرجل طاله
ابو سالم الرحال=
هذا زما نك وهذ الحـال=كل وقت له ناس خيالـه
خذها نصيحه من الرحال=لاتشغل البـال فاهوالـه

في دفتر الحـب انـا قلبـت=صفحات ماضي غدى بآهآت
وصّلت صفحتك مآكملـت=وقّفت ابكي على اللي فـآت

سألت اهل الهـوى مـره=وشهو دوى الحب يآخوآني
قالـو:دواه انثـر العبـره=ولّا:الصبر عنـه يفلانـي
واليوم جيت القي النظـره=واشوف وش حالها احزآني
لقيت قلبي كما الجمـره=لا الصبر..لا الدمع نسّآني

طير(ن) في عالي السما مسرور=زوّد مـن اللحـن فالتغريـد
وطير(ن) جناحه غدآ مكسور=يعزف لـك الآه والتنكيـد

العبيدي=
جآر الحزن..والحزن جآري=في دولة الهـم والأكـدآر
نآر الجفآ..والجفآ نـآري=تحرق ليا جيت فالأفكـآر
ابو ذياب=
داري على وضعك الحاري=لاجأءت الأسباب بالأقـدار
والصبر ساس الحزن طاري=يطفى لهيب الجفى والنـار
ابو عادل=
ابعد عن الهم لاتماري = وبدل الدار باخرى دار
والا ارتوي نهرك الجاري= اقبل حلاته مع الأمرار

والله زادت بي الاشواق=ومن كثر شوقي انا سآهر
كنه قمر مكتمل بـرّاق=في ليلة اربع عشر ظاهر

اقبل علينا شهر فآضـل=بالضعف فيه العمل مقبول
يارب مني العمل حآصل=يارب منك العطآ مايزول