لولا على ودكم باقين=وما ودنا إنّ العدا تفرح
حدّيت حرفي كما السكين=وذكيّت به حرف ما يجرح

العيد ماهو جديد هدوم=عقال ، غتره و طاقيّه
العيد لا جيت فأول يوم=وإنّ الحبايب حواليّه

العطيب=
كل ما قرينا من الابداع=ولياه من شاعرٍ بشري
نابا ايفادة .وبا الاجماع= وش قصة العالم السحري
يامن لكم با الطويله ذاع=صيت ومكان .وعلوقدري
وماخاب من جالكم فزاع=حامين الاوطان من بدري

الحجيري=
يامن لكم فالمثايل باع=في بادئ الأمر لك شكري
وعن قصة السحر يابداع=السحر بالحرف و الفكري
وأهل المثل قسمها ما ضاع=من سوق شارين به تشري
واللي طلب بشر لا يرتاع=عن فزعته بشر ما تزري

صقر المراقيب=
يابو علي نطلبك تحديد=في قول توجزّ عباراته
برنامجك كيف يوم العيد=فبدايته لانهاياته
الحجيري=
مسلم كما خالد ابن عبيد=عاداتنا نفس عاداته
عن سلم جدانّا ما نحيد=والسلم شرواك ما فاته

يا حرّ فالنايفه قسمك=أيش اللذي للثرى وطّاك !!!
وإن صار ما شلت هم اسمك=اِدرى على اسم اللذي ربّاك

لا جيت عند الرجال احرب = من دون نفسك وحاربها
وألا من القوم لا تقرب = اللي تفتل شواربها

صقر المراقيب=
سلام ينصاك في وقته =وابليس ملعون ومرجّم
الراس بالموس حلّقته=كلّه على شان بتحجّم
الحجيري=
ترحيب بالطيب وثقته=لأصحابنا ما يبا مترجمّ
ما دامك الشرع طبقته=يعوضك الله بخيراً جمّ

عشان تاصل لدوري زين=اثبت وجودك مع الأولى
الشين لو تزهمه يا .. زين=فاضحته عيونه الحولى

سعيد الجهني=
مايحسد الزين غير الشين = يامن لكم فالمثل طولى
ومن شاف واحد وقال اثنين= يروح للمغربي اولى

الحجيري=
أنا أشهد إنك تساو ألفين=يا وافي الفعل والقولى
والسين كم ينطقونه شين=لكن لا قوّه ولا حولى

قبل أمس شفناه بأزهى ثوب=يعايد الناس ما زيّه
واليوم شفته فــعزّ الشوب=مقرود .. ما والف الفيّه

يامن على الطيب اب وجد = وشرواك فالعرف له خبرة
سلام عطره عبير وورد = فيه استمع موجز النشرة
كلما بغينا الصفا والود = وفالطيب نجعلنا اسرة
يطلع لنا فاللوائح بند = فدرب الاماني يقف عثرة

يا مرحبا من هجوس مود=بالصاحب المعتلي قدره
سليل قوماً لها فالمجد=تاريخ ما ينمحي حبره
فاللي ما يبغى الصفا لا تلد=ردي وما للردي عشره
ولمثله أما السيوف تحد=أو عفوكم يا ذوي القُدره