ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   ملتقى المقتطفات الشعريه والشعر الفصيح والزواميل واالقصائد المنقولة (http://www.m-harb.net/vb/forumdisplay.php?f=99)
-   -   ابيات مختاره للشاعر سعد المحمدي (http://www.m-harb.net/vb/showthread.php?t=155084)

سعد المحمدي 26-12-21 12:03 PM

من دون درب المراجل هويه ولويه
ولا طريق الرخــامــه سامح وهيّــن

ماهي تجمّـل فعـول الناس بالبويه
تاخــذ لها وقت بالتجميـل وتبيّــن

#عبدالله عقيل السامود
***********************
الوقـت راسم علئ وجه الوفي كــويه
راع الكرم والجنـاب السمح واللـــين

الوقـت خلا اكـثر العربــان منزويــه
لـو كـان بعض العرب شبعان ولعيين
#محمدالجليدي
************************
المرجله دربها حره ومستويه
تبي لها قرم مثلك كفو وفطين

ياكثر ماشوف عنها ناس منطويه
ترضع لها ديس يالسامود ومحين

سعد المحمدي

سعد المحمدي 28-01-22 01:28 PM

ماعاد انا شاريك ياشاهي خدير
عندي ماتسوى ريال بعد المهزله

اللي على دينه وعاره مايغير
بالمجتمع ماله قبول ومنزله

موت النفوس اخير من موت الضمير
الله يزلزلها تحتكم زلزله

سعد المحمدي 31-01-22 12:48 AM

العنود اللي على ذمة الشايب
باقيه ياهل الهوا عند شايبها

لو يغيب ايام عنها ماهو غايب
لاتحاول يصبح الوجه تخطبها

مارضت قبلك بعنتر وابن ثايب
ورفضها عند العرب مايعيبها

من صواديف الزمن دمها رايب
تشتكي من خفها لين غاربها

كان راي اللي كشف سرها صايب
قال شابت من وهنها ذوايبها

سعد المحمدي 11-02-22 01:12 AM

انشدولي من قضب عرقوبها ويقول يدها
ماورث من تركة المرحوم لو حبة زبيبه

كل مامرت جنازه قال ماهذا لحدها
غيرالقبر القديم وحط له فوقه نصيبه

قرها من قرها والاجحدها من جحدها
دوروها بين نيشان السواري والضريبه

بنت ابو زيد الهلالي من نشدني عن ولدها
قلت مادري لو يقال الكذب لرجال خيبه

سعد المحمدي 08-06-22 03:15 AM

مايك وسماعه وهايط على الناس
وسناب واكتب تحت نكك اعلامي
حط التنك والزنك من ضمن الالماس
وحط الردوم بجنب عجفى سنامي
ظلام ليلك ماغطى راس جساس
لو جبتها بين اللحم والعظامي

سعد المحمدي 18-07-22 05:52 AM

الطيب ما حاشه خطاة الهداني
واللي يدينه قاصره ما شقيبه

احدٍ فعوله بين قاصي وداني
وأحدٍن يجي ويروح محدٍ دريبه

هذي سلوم الطيب طول الزماني
ومن لا كسب قولة نعم وش نبيبه ؟

#محمد_السمين
######################

غنى السمين وطيب قافه شعاني
ياطيب منطوقه وفعله ياطيبه

ماقلت صح ايشار له بالبناني
ذكر عليه قول شاعر عتيبه

من ضمن ماقاله عريب المجاني
اللي يحوش الطيبه من نصيبه

سعد المحمدي

سعد المحمدي 19-09-22 03:09 PM

ماكل من تكى مثل ماانته اتقول
جاب الثميني اللي يسمى ثميني

شوف انت لك سبعين حجه ومبذول
همك تجي وتروح منها بديني

العام تحت السيطره قيل ابا الهول
واليوم مع دربه تجر الحنيني

عطيتك اللي مالها طب وحلول
فهمتها مسحوب والا هجيني

ردت فعل شاعر فهمها على طول
شاعر اليا احتاجوه ربعه يبيني

سعد المحمدي 16-10-22 11:37 AM

تقول قلل حلا قلت الحلا كله
نجل العيون الوساع وصوتك الخافت
تبسمت كيد في وجهي ياوجه الله
ومن ردة الفعل خفت وهي ماخافت

سعد المحمدي 02-02-23 12:20 AM

*مات الامير وقهوجيه بعد مات*
*وقف عنه صنف النفاق وتورط*

*ماعاد يلقى بالصحن مثل مافات*
*في برطمه من ضيقت البال عرط*

*فات الاوان ومابقى له علاقات*
*اللي من اول بالامور ايتشرط*

*انا قريت اسرار بعض الملافات*
*زارط لحم جزار مدري مزرط*

*ياحي يامحسوب من ضمن الاموات*
*بالطيب لحساب الردى لاتفرط*

سعد المحمدي 02-03-23 01:44 AM

انا عطيتك سر من عدة اسرار
احرجتني وانا استحي منك بالحيل

ليتك حفظته يابيض الوجه مقدار
قدام فيه اتحط الاعراب وتشيل

لاعاد تنشدني بعد غلو الاسعار
قفلت بالمفتاح باب المواصيل

تبقى رفيق ولك موده ومقدار
ياعل دربك يارفيقي تساهيل
سعد المحمدي



الساعة الآن 03:06 AM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi