|
ديوان الغاز الشاعر : الشاكر أبو سامي
بسم الله الرحمن الرحيم والصلاة والسلام على أشرف الانبياء والمرسلين نبينا محمد عليه أفضل الصلاة وأزكى التسليم وبعد سوف أبدأ ديواني هذا بنقد وتوجيه للألغاز ومن ثم تتوالى الالغاز الشعرية والنثريه
شفت لي بعض اللغـوز الـوارده = وان بغيـت الحـق ماهـي وارده = فيـه رمعـات لـهـا مـتـوارده = امنعوها لاتجـي مـع كـل ريـع = والبعض منها يجـي مالـه قـرار = فيه متساوين ليله والنهار = مثـل هـذا وده السبـع البـحـار = مايوثـر فـي شتـاء والا ربيـع = والبعض منها يجي خص مخصوص = يعرفه ناس ونـاس بـه تغـوص = واعتبر هـذا ياصاحبنـا نقـوص = مثل هذا عط بـه الخـط السريـع = والبعـض ياكثـر رمعاتـه تجـي = مدرق به صاحبـه سـد الحجـي = عقل مـن سـواه تقـل مبرمجـي = وان وجدت الحل واليا انه وضيـع = والبعض مسكوت عنه بلا كلام = ماعلى اللي ولفه لوم وملام = يمكن انه يجهل اسلوب النظام = خل هذا اللغز في البال الوسيع = والبعض سهل يجي مكشوف نوع = بس من شكله ومن طرحه يروع = القلوب تفز من بين الضلوع = رمعته سهله ومضمونه لكيع = وفيه بعض الغاز تدبل بالكبود = نظمها متهرقل مافيه فود = واسمحوا لي لو تعديت الحدود = التجارب علمتني مااستطيع= ودنـا لغزنـا يصـيـر مركـبـا = فيـه مفـتـاح علـيـه مذهّـبـا = غير هـذا اللغـز يالربـع ايهبـا= راي ذيـب وطارحينـه للجمـيـع = واخـذو اللغـز الجديـد الامـثـلا = ويـش رجــال دلـيـلاً للـمـلا = وان بلاك الله لحالـك فـي الخـلا = له عليك وله على غيـرك صنيـع = |
الغاز رمضانلعام1429هجرية
الغبوة الاول:= بالحب زايد عن أخوانه = واخوانه بلاه ماتسوى وله أخو ماقللوا شانه = لكن مشروط للاقـوى الغبوة الثانيه := ثلاث جرعات في بلسم = فيها دواء كل من يبغاه ان كان كملتها تسلـم = والاجر من بعدها تلقاه الغبوه الثالثه := له شهرة تلفت الانظـار = وسيرة مع الناس محموده ومتهم واتهمـه اشـرار = وتهمـة الشـر مـردوده شمالي اهله جنوب الدار = وللحين بالدار موجـوده الله ياكـم جـاب اخبـار = آلآف الاخبار مرصـوده الغبوه الرابعه = في طيبة الطيبه توجد = وفي جوفها ختم رباني أمر بها سيدنا محمـد = حصن ووقاية للانساني الغبوه الخامسه= اربع لها نفـع ومجـرب = انفع دواء للذي مخلـص ومنها تشوف الفرج قرب = وعنها ورد في كتبنا نص الغبوة السادسه= اخوة لهم عد ماينقـص = وبنقص واحد يموت الكل لازم على عدهم يحرص = اللي على شيلهم وكـل الغبوه السابعه:= جنة على الارض مبسوطة = خضراء نظيرة مافيها زرع بالاسم للطفل محطوطـه = لكنها في سجـل الشـرع الغبوة الثامنه= وحيـد مذكـور بالتصـريـح = من شأن مايحصـل الاشكـال واشهر من سهيل في التوضيح = دايم وتضـرب بـه الامثـال الغبوه التاسعه = يامن خبر واحد يعاهـد = ويخون عهده وميثاقـه واوفى بعد عبرة وشاهد = واوعد له بشي يشتاقه اللغز العاشر= سبعة مواقف لها تشهد = وعن قولها أنزلت آيه شجاعة وندرة تحمـد = وحنكة وتكتيك ودرايه الغبوة الحادية عشر := له شأن زايد ولـه ميـزه = من يوم ماحل لاهالحيـن نشـأ لحكمـة وتعجيـزه = في ساعة العسر سر العين الغبوة الثانيه عشر : = قـدام لايحقـق أحلامـه = بُوقِتْ خطأ والخطأ مقصود أول مااحد صـار قدامـه = من قومه اللي بهم موجود واحتار في وضعه اخصامه = ياهل ترى باي شئ يسؤد وبشرى أتت له بما رامـه = فضلا من الخالق المعبـود الغبوه الثالثه عشر := جواهر الكون ماتسوى = قدامها لاجل شهرتهـا اطلب بحول الله الاقوى = تفوز عينك بشوفتهـا ســـــــــــــــــ الغبوة [14]ـــوبــــــر = بعـض القوانيـن تهيـت = بوضعها والوضع حساس لاثنيـن بخيـت وبخيّـت = والكل منهم جويد الساس بخيت حي حسبت الميـت = في معزل عن جميع الناس وبخيّت ادلت به وعيّـت = عليه واصبح منه نبراس الغبوه الخامسه عشر= ثاني ولا ينثنى دونـه = وعليه يثنى بشد وعد يسمح لناس ويصلونه = وناسْ تمنع وعنه ترد الغبوة السادسه عشر = تغيـرت عـن طبيعتـهـا = مرة ومرّت بخيـر وطيـب والناس دايم فـي حاجتهـا = ولا احد يباها في علم الغيب الغبوه السابعه عشر:= يبحث عن اللي منه نهرب = شنيع فعله صعيب امـره ومنا الى المغفرة اقـرب = نال السعادة بعـد عمـره الغبوة الثامنه عشر= منها البشر قط ماتسلـم = كل حسب خبثه وطيبـه وبعدها الدار هـل تعلـم = لك خير أو لك بها مصيبه الغبوه التاسعه عشر := قصة بها النفس محتاره = وخايفه مـن عواقبهـا النفس بالسـوء أمّـاره = والعيـن لازم نحاسبهـا من خوف ربه هجر داره = خرج بنفسـه يعاتبهـا وبشّـره ربـه بشـاره = فاضت بها روح صاحبها
بيض الله وجه من شارك ومن حلل وفكّر = في غباوي خيمة الشهر الكريم الوارداتي في نوادينا العريقة والمدير العام يشكر = يبذل المجهود له بصمات خير وواضحاتي مجتمعنا مجتمع صالح وفيه الخير ينشر = والختام الله يختمها لنا بالصالحاتي البحر يزخر وفيه السفن عبر الموج تمخر= والسماء تزهر واضاءت بالنجوم الزاهراتي كلها فيها دلايل والله اعلم والله اكبر = واقتبسناها من اقوال العوارف والثقاتي اشرحوا قولي وقولوا قالها الشاكر وعبر= عن حديث وعن زمان وعن مكان وعن رواتي وعن رجل صالح قديم الوقت يوم الاثم يظهر= فوق سطح الارض ذكّر بالحياة وبالمماتـي لانبي ولا رسول ولا ذليـل ولا تكبّـر= قبل لايبعث رسول الله من خير الدعاتي رجل له كلمة وله قيمة وله تاريخ سطّر = من كلامه في كلامي دوروا له ياعزاتي |
معي لغز جديد ولا احـد عـن رمعتـه ممنـوع=دقيق برمعته واخص مجموعـة مـن الشعـار هي عذراء فريدة مالها ثانـي وجنـس ونـوع=اصيله مجهمـة فـي وصفهـا لابـد مانحتـار مصفصف صف وصف اللغز ماجت رمعته مرفوع=ترى لو جت بغيـر وصـف مايقبـل المسعـار اقول ارمع ياسامعني معك مهله سنـه واسبـوع=نقول الله يوفقكـم علـى الرمعـات يالحضـار وصفها الخالق الرحمن في المكتوب والمسمـوع=وثنى الوصف واخفى واحدة منهن عن الانظـار أحدهن في هذي الدنيا والاخرى علمها مقطـوع=به الشك ولبعض المسلميـن وغاضـت الكفـار وحل اللغـز وسـط اللغـز يانافـع ويامنفـوع=نبا واحد يغوص ويظهر اللؤلـؤ مـن المحـار ترى لغزي بعيد وقيد لغزي مثني ومربوع = يفكه من يفك الرمز والاقفال والاسرار ولا هو من مخاليق الاله ولاهو بمصنوع = قديم ومستمر ودوره يابدر باستمرار أبــــــــــو ســـــامـــــي = |
بديت في حيد طويل عريضي =حيد صعيب ويتعب اللي رقا فيه بجسمْ به علّه ولاهو مريضي = لاشفت حاله قلت ربي معافيه ثلثين من علته عند العويضي =والثلث منه بساحة الدار ترعيه ولا قيل براق الحيا له وميضي = أقول ياربي تزين ملافيه قالوا حضيض وقلت ماني حضيضي =إلاّ ليا سيرت باحلى مراعيه وش قصته ياهل الفكر والقريضي = شوفوا لنا شيخ يفسر معانيه
للشاكر ابو سامي = سلام تسليم الوفاء يمشي على قن وشريعة= ينصى الرجال أهل الوفاء ونحث خطوتنا سريعة= جينا نوافي حضرة السادة ولا تحسب صنيعة= لو كان نحسبها صنيعة كان ماتحصى الصنايع = وش بنت وتسمى ولد والها الصدارة في الطليعة= متصدرة قدم الرجال اللي لهم تاريخ في حرب الوديعة= بناتها في ظهرها معهن ولد ماهو بديعه = صيته مابين الحضر والبدوان ياهل العرف شايع = الرد من رداد الجحدلي ومنصور المعبدي نيابة عن المعازيب = يامرحبا عداد ما هل الحيا واسقى الوسيعه= باهل الوفاء اللي توفي الماجوب وتغلق في ريعه = الله يحييكم على التكميل والوزعة رفيعه= ترحيبة ننصى بها الضيفان بسبول وطبايع = والثانيه حنا عرفنا اللغز في الماقف نذيعه = الرايه اللي ترتفع يوم الفعول اللي شنيعه = حروفها لفظ الجلاله والمهند مانبيعه= الله يعز المملكة وحكامها رجال الطلايع = |
جاكم اللغز القوي =رمعته عند اقروي فكروا معنا شوي = ثم هاتوا رمعته ورع ظهره منحني = مثل مشعاب جهني لاتعنى معتني = كل رجل وقدرته ماهو في عهد النبي = لاعجوز ولا صبي سال عنه مجربي = فارس له نظرته لا علامه تلزمه = راسه اصغر من فمه ماوقع في مظلمه = من عصور مرته |
سلام ياعزوة بشر ياللي تنومس من يجيها = سلام مثل الذوب صافي في بيوت منتقيها = جينا زيارة والزيارة من قبلكم نحتريها = هذي عوايد والعوايد ماقطعها الغانمين = والثانيه/ وش بنت مشهورة وغاوي مهتويها = واساسها رجال حصل طعنة ماينتسيها = احد يباها في العرب واحد لك الله مايبيها = واللي يباها سجله في زمرة ابليس اللعين = |
سلام الله بردة عيد بعد العيد للاخوان =اهل قوم القناة اللي علىالطيبة تجمعنا قناة العلم والالغاز والاشعار والقيفان = قناةبين كل اخواتها تلقى لها معنا تحية من ضمير مايحب الزود والنقصان = عبر هذه القناة لكل من معنا ويسمعنا مطرزها بريح الياسمين ونفحة الريحان = بطاقة عيد بالتحديد نهديها لمن معنا بعدها اسالكم عن بنت يالريض ويالعجلان = مابين اربع رجال معلقة ياكبر مطمعنا ليا نامت سجد كل الرجال وكل خافي بان = عطونا حلها قدام وقت اللغز يرمعنا |
يقول من هو ينظم الشعـر ياذعـار = من هاجس يطرق بهـا كـل بابـي يقطف من الروض الندي طيب الاثمار= احلى من السكـر وعـذب الشرابـي مااحتار فكره مع طويليـن الاشبـار = في ماقفه يبـدي حسيـن الجوابـي يسري بها في الجو كبتـن وطيـار = علـى ترايستـار فـوق السحابـي ويسلم المكتـوب حشمـه ومقـدار = للـي علـى زيـن القوانيـن ثابـي في ظل من ظله على الضيف والجار = مطـوع العاصـي وعـوج الرقابـي من عزوة من طبعها تحكـم الشـار = حلالـة العقـدة نـهـار النشـابـي ياذعار فكر اللي معه فكـر مااحتـار = لو هي تجيـه كبـار ماقـال وابـي ويكفيك ربي شـر عايـن وسحـار = الكل مثل السيـف وسـط القرابـي والآله الحدباء اليـا جـات الأقـدار = واللـي يشيلوهـا سـوات الركابـي والسانك احصانك وعقلـك اليـا دار = ماعـاد ينفعـك النـداء والطلابـي والبن له مقـلا ولـه نجـر وبهـار = سوقه على الياسـر وربـع قرابـي واقرأ الكتاب وكب من باح الاسـرار = وكـل علـى لـيـلاه ودا وجـابـي وياكـم قاسينـا حلاهـا والامـرار = وياكم لبسنـا مـن جديـد الثيابـي وابغى انشدك عن ذيب للناس غـدار = وصفه مخالف عن جميـع الذيابـي يعدي على اهل الجود في سر واجهار = ويهـدد اهـل المصلحـه بالذهابـي وعن بنت يارجـال مـع زايـر زار = واليا انتحى راحت سوات السرابـي بنت جميله تسلـم العيـب والعـار = عهدي بهـا يـوم الكريـم التوابـي وعن حر له صيته ومن ظمن الاحرار= له في الشجاعه دور ماهـو بغابـي وله سمي مقاسمـه اسـم واشعـار = لكـن مـن بينـه وبينـه حجابـي وعن ثـلاث مـن مجاهيـم وابكـار = وليفهـن ثلـب كبـيـر العـلابـي اليا اقترب منهن ترى الثلـب هـدار = واليا ابتعد فال الـذي معـه طابـي ومنا لاهـل جـده تحيـة ومسعـار = تضفي علـى حضارهـم والغيابـي عداد ماشعت علـى الكـون الانـوار= من قـوم مكـه عـد دور الوجابـي ونختم بذكر الخالق النافـع الضـار= والمصطفى اللـي سنتـه ماتعابـي |
ويش بنت لها صوت غريب = يفهم كل ذي لب وعي من ثنين اخوةٍ شب وشيب = معك وألاّ يابو خالد معي بين ارجالها حتى تصيب =قبل تتعب ركابك في السعي شمسها ياجماعه لاتغيب = اطرحوها بوسط الموقعي
لغزي جالك يشرح بالك = اكتب عندك واحضر جندك وشهو عود نقص وزود=خافي بين قاسي لين حامض حالي بخس غالي=حاضر غايب شب شايب هيا حله والاّ خله=جعل الاعمى ما يندّله |
مادام وجهات النظر محذوفه =ويديك عن نقد الهدف مكفوفه وش هي شروط الخيمه المألوفه = سلام في أولها وفي تاليها والمعذره ياربعنا واخواني = مادام مالي رأي في الميداني يطري على بالي مكان ثاني =ياوسع هالدنيا نسافر فيها لغزي تحدي والتحدي وارد =رجل على ظهر المطيه شارد له عين وحده مثل عين المارد = لا شب نار الحرب ماتطفيها |
حلوا اللغز الخطير =لو بالسيف الشطير لايروح ابه البعير = ولايطير ابه الحمام ويش شيء يذكرا = في كتاب اللي قرا له ست من العرا = ماسكاته بالزمام مع ثنين مرافقين= باينين ومختفين يظهرنه كل حين = يامسلّم ياسلام لغزنا هذا كلام = بس عينك لاتنام علم واكد والهمام = عجلوا به يالحشام |
سلام ياقوم القناوات المعدة للغوز وللقصايد = من هاجس يمتد عرفه من قويات العقايد مبني على توحيد رب العالمين ودين قايد = والله يعز الدين والحكام والشعب السعودي والثانيه بنشد رجال المعرفة عن ورع سايد = في وسط بطن أمه حماها من دواليل المكايد وتشوف راس الورع بادي كان ثوب الام بايد = ورع عزيز وفي ذرا ماجاه حر ولا برودي |
أول العلم عالم علم والعالم الله = وآخر العلم قايد ثم فرقة شهيره تجتمع كلها لو ماثبت ماتدلّه = وكل يوم ترى هالجمع بين العشيره كان يكفي وجودك علمنا فاطن له = حل لغزي شمام وللعرب جاب غيره |
والثانية وش بنت معروفة على مد العصور = من عصر أبونا آدم ومكتوبة على بيض السطور ماتختفي ياربعنا والموت يقفاه النشور = والليله الحفلة كبيرة والعوارف جت بها |
اشوف لي محبوب بين الرجاجيل = حبوه لاجل أمه شرف للمحبه ياما حصل له من عناد وبهاذيل = وللحين صامد بين طلعة وطبه ربعه قروم أهل عزوم ومشاكيل = وارقابهم لركابهم مشرهبه وله أخو يذكر معه جيل ورى جيل = متلازمين بذكرهم مانكبه |
أنا أغيب وارجع غصب مافي يدي حيله = ولا قلت لك مشغول لا . لا تصدقني أنا شاغل بالي تناقيش منديله = مسوي بها نقشا مزركش يضايقني في هذا الزمان اللي كثيرة تهاويله = أنا أحسّب أبوقه وهو صار بايقني معي دوب ما طلت مشاعل قناديله = على مركز الاهداف يبغى يسايقني يريد الطلوع أرجعه عن مناويله = ولا هو بحلو أرافقه أو يرافقني مخلي عيوني شاخصه من تعاليله = عسى الله على فرقاه ربي يوفقني |
أنا بنشدك يابدر العريمة وانشد الحضار = عن البنت الهنوف اللي خلقها الله في بنت أخرى خلق فيها ثلاث أشياء وخلاها على مقدار = وسمى كل واحد باسم وأنتم بالمراد أدرى جعلهم عبرة المسلم وحد يهدد الكفار = وردا للطغاه وحكمة في الصنع والأمرى نريد البنت وأم البنت والجدة ولا تحتار = وكذاك اسم الثلاثة والهدف منهن بالاحرى |
حكمة الله عظيمة والحكيم الحكيم = من يفكر بهالدنيا وباوقاتها حي من حي يخرج من حديث وقديم = مختلف عنه باحياها وبامواتها حي يمشي وحي في بلاده مقيم = حكمة الله في الدنيا وفي ذاتها |
متشابكة في بعضها من ثلاثة حروف = والله تعالى ذكرها جل ذكر العليم الجمع ينبيك عن ماضي وعنك معروف = في دائرة مستديرة من حديث وقديم ومفرد الجمع أيضا من ثلاثة وشوف = واوعد بها الله قوم الكفر واهل الجحيم أنا اختصرت المكرر والهدف لايطوف =إن كان وانك على كل المعاني حكيم |
صلد نكد عسر سبا ملأ قلبي فياترى ماالسبب = أحبتي لاتفزعوا حتى ترون العجب لغزا طمست معالمه عمدا لقصاص الاثر = شواهده من لفظه افتش لسان العرب |
في طرقتي عد يذبحني هجير الظمأ = في شرق حضن وشماله من جنوب المويه أدور الريم وأثر الطرد جاب العماء= ولقيت مخلوق مدري وين يخفي يديه اسمه مذكر للانثى والذكر له كما = اسم المونث وهذا خاطري مانسيه سبحان من سخره لاخبث طيور السماء=لاشافها يرتعد جسمه وتقضـي عليـه له جسم صورة غريبه لو يمس ارتما = قدام عينك وحير كل من ينتويه |
الله الله لو تأخرت يابدر العريمه= كان ابو خالد يسوي لنا دوشه وهوشه وابو عبد الله بنا قصر والدنيا مقيمه = والاوادم كلهم مايبون الا المعوشه قالوا ان الذيب الاغبر مسوي له خريمه = كل مازادت يزيد الخطر ويزيد نوشه كان يحرمنا الصفاء يالعله للحريمه = كيف نقدر نمنعه في تماديه ونطوشه شره يعم الاوادم وله قوه عظيمه = والسبب منهم وفيهم وعنهم من يحوشه |
يابن آدم ماطمعك =ويش شي ينفعك تزهمه مايسمعك = بس يتجاوب معك ان رفعته يرفعك = وعن رفيقه يمنعك ان ضربته باصبعك= انتبه لايصفعك |
لغزي من الواقع اللي كل شخص يحوزه = بس يبغى له سنافيا يحد ضروسه كم واحد ينبلش به مايفك رموزه = كان والياانه جديد وشغلته محيوسه والغشيم اليا لقاه يميزه ويروزه = يفتح ابوابه ويغلقها ويشحذ موسه لا بعيد ولا قريب ماسك عرموزه = كم داوسني وداوسته وصرت اسوسه اسمه مخالف لشكله والوسوم ببوزه = مانت داري هو برناوي والا هوسه |
فتاة شفتها متمرجحة من عام عهد سعود = ابن عبد العزيز اللي حكم والحكم لله وأنا طفل افجعتني لين عيني ما اهتنت برقود = لها صوت وضريس وتقبل وتقفي على ماهي سألت أهلي وقالوا لي خفيفة قاع يامحمود = يلاعبها النسيم وتخلف الوجهه على الطاهي لها جنية تظهر هويتها بعلم وكود= تجي من تحتها واللون عن لون أمها زاهي لها راس وسموع ولا لها عين ولا عجرود = ولها ساق نحيل منشبته برسوها الباهي ثمان عيالها اذا زما الناشد على المنشود = وهذا اللغز سويته معقد مدري افكاهي |
بنتان يازينهم مامثلهم من بنات = الاوله عاجلة والثانية أجله لاطريتهم كانهم في فمك سكر نبات= احلى من ام العيون السود والناجله بنات شخص عطاه الله قبل الممات = صبرا وعزا وجاه وعجل العاجله |
تعلّم فاني قد علمتُ بانني تعلمت علما فوق علمي من الوجد = تعلمت ان البحر فيه الجواهر وفيه الجواري تمخر في عبابه وان السماء بالنجم قد زينت به وان الكواكب رجم شيطانها المرد = وان الفجاج الواسعات بارضنا دليلا على الخلاق وارجو ثوابه وما الاثر الاّ للمسير المسير من الخيل والابل ومن غابة الاسد = وقد ذكرتني حكمة قد قرأتها قديما وشيخا مانسيت خطابه فماذا عن الشيخ المبجل تعرفوا وما اسمه حتى علا ساحة المجد = فيا مضحي اخبر عنا ابن عويضٍٍٍٍٍٍ بانّا لطشنا اللغز هاتوا جوابه اللطش هنا من حلالنا السابق |
قصة ثلاثه مع ثلاث وكل واحد وعمله = ماهي من الشاكر حكاية بل رواية عن كثير اثنان ردوا ماعطاهم ربهم من فضل حسب القبيله = والثالث آبى واحتفظ بالمال لليوم الاخير والله ابدل مالهم حسنى بدال المهزله = باحسن من اللي كان حكمة من تدابير الخبير الثالث ابغى اسمه وماله كيف حالة منزله = مع موجز لقصته قبل وبعد ماصحي الضمير |
فتى شكله مشابه للبنيه =بلون وزول وألاّ الطعم لالا وخذ مني ياسامعني وصيه= لاتغلط به بفال ولا عقالا صناعي والبنية طيبعيه= وذوقه لاحرام ولا حلا لا بنية من عصور الجاهليه = لها ورع أصيل ولا يزالا |
اشهر مجييه مرتين وغالي = جاء مرتين وراح ماعاد مرا الاوله فيها تحدي يقالي = والثانيه نهاية لكل شرا |
باسالكم ياربعنا عن شايب طال انتظاره= عيا يسير ولا يحير وطال صبره في مداره شيخ زعيم بمركزه بس أثرت فيه الحضاره = واصبح ماغير اسمه يطروا بعد هذاك الجميل |
صغير باسمه وابوه صغير مثله= لكنه أكبر من طويق وجبل شمر له وقفة كن جمر النار في حثله= وغدت به أمه ولا واحد عنه خبر أول من اللي جلب بنتين عند أهله = بنات ماجابهن بشار ومعمر |
منها وفيها ولافيها وما فيها= فرش وغطاء من قديم وتالي الهجره والارض لله ماندري بخافيها =واذا دريت أخذ نصف الاجر والاجره بنت تحب البشر والناس تشقيها= ماتبصر عيونها خرسا ومندجره |
عن غيب قال ومدح وأعطي قسم مرتين= وغيره عطي قسم واحد لاجل رأيه حكيم لو تفعل اليوم فعله كان تصبح رهين = وتصبح علومك شتات وتتهم بالغشيم |
شفت لي بنت صغيرة نايمه مزيونه= ثم جاها شيخ واقدم فوقها ياطاها قام قومه تتبعه وصدورهم ممنونه= والبنيه ماعليها لوكل جاها |
كثر ماني مندهش درت القمر جنب الثريا= والقمر نوره مغطي للثريا والجدي كم واحد له طلب لكن يبطي ماتهيا= لو يتعب في هذي الدنيا ويمشي ويعدي بينوا لي مقصدي يااهل الفكر واهل الحميا = ويابو خالد جاك علمي لا تسرّع يابعدي |
برق سرا في ظلمة الليل شعشاع = اخايله فوق الجبال العوالي اخيل نوضه بعد صيف ومرباع = ويزيد نوضه في الليال التوالي |
الهديه ماترد وقل من رد الهديه = والهديه من كريم الكف من خير الهدايا
كيف من ربه جمع بين الهديه والوصيه = وانت ماتبغى الهديه والبشر فيها سجايا وحده من ربنا والا الوصيه من نبيه = دوروا في السيره الغراء وفي كل الزوايا لغزنا قصة غريبه نجمة ماهي خفيه = الجزاء من ربها والله يعلم بالخفايا (ابو سامي) لغزنا عودقديم وفيه للعقال عبرة = فيه سر وفيه امان وفيه للشاقي مجالي ان قلبته صرت منه ورمش زال وزدت خبره = شاهده رجل خبيث الطبع باقي لايزالي اللغز اشرب الجم القراح وخل عنك الما المحلا = واعرف العلم الصحيح اللي بدا يعلن ظهوره التحدي فاز به صنديد وقناعه تجلا = وانكشف ذاك الستار وبان فجر وشع نوره يوم حل بحاله الحلحيل حول بالمحلا = واعتلا فوق الشداد وكسر المغرور كوره __________________________________"_ من اول له مكانه عندنا محشوم ومقدر = وله شرطان والثالث كبير وبه حقوق كبار وهذا اليوم ماله قدر دمه مباح ومهدر = ولا ينشد عنه لو كان يشهد صار ماله كار تخاطفه السباع يسندونه نوب ويحدّر = يجرد من ثيابه والمحاذر والله الستار ويالمحور لفاكم لغز فوقه سور ومجدر =ويالسرحان مدري كيف مدري مابها مدوار ________________ الا يالله ترد القدس مثل ادباس لابو دباس = بعد ماشاب راس ابوه واذرف دمعة العيني الا ياكثر مامرت بنا احداث تدق اجراس = وتكتب في سجل الماضيات سنين وادنيني سقي كاس المراره وهو سقاها كاس مثل الكاس = وكاس بكاس ضد البعض كيف يزيد كاسيني نقول العدل زين ومن حكم به في القضى لاباس = لكن الضلم مايرضونه الناس المواميني والا يالمحترف قفل على هاللغز بالترباس = وبالاقفال والمفتاح خله بينك وبيني ____ اعبر والبس وادفي جسمك = ورع صغير والحق قسمك جيب المعنى وارمع معنى = واللي غاوي لا يتبعنا بدل حركه لاجل البركه = بعد الاول اي في الثاني خمسه مقسومه قسماني ك ت ك و ت __________________________________تجمعوا رجلان في بنت بها وصف الشتات واحد مع الحيين والاخر حديث صناعته بنت ذكرها الله في كتابه وقبل النازعات اولهما حساس تسند في الهدف شماعته والثاني بخمسه حروف مجمعه ومفرقات دليل منها للخراب وللعدد في بدايته ____________________________________لغز سويته دوبي يالله تغفر ذنوبي رجل يمشي ويحوبي وان لمسته مات مات خايط ثوبه مع ثوبي وعرقوبه مع عرقوبي يالمحور عاين صوبي وان لقيته هات هات فكر طيب في اسلوبي والكلام المحسوبي احلى من شهد الذوبي وان بك شكه بات بات _________________________"""""___ ياويش رجل غريب ودوبهم زوجوه = باختين والكل منهن حضر رجالها عشره حضروا للزاج وكلهم باركوه = واقول هذي غريبة طور في احوالها والاغرب ان الخوات الرجل ماميزوه = متخبي وكل بنت بديرة لحالها رجل براسين كل اللي حضروا شاهدوه = الروس برا وباقي الجثه اخفى لها وان قال ماهن خوات اقولكم صدقوه = اللمس في الخمس والرمعه لمن قالها ___________________________________ ابنشدك ياللي للالغاز حلال = وتحل مايصعب على الغير حله بنت باسم بنتين في زين الاقوال = غريبة وحيدة مستقله بالوصف تقرب للمجاهيم والحال = ماشافها عبد ولا حر لله بين لي الثنتين ياطيب الفال = عساك تبلغ منزل ماتمله ____________________________________ياويش بنت عيالها عشرة عشرة واربعينا * ان قلت لي بلوى نقول الله على الدنيا يعينا * وان مات واحد ماتوا الاولاد وافطن يافطينا * بنت قديمه نايبه وتسد نوب اخوانها |
لغز سويته ودوبي بطبعه = بطبعه حتى كلامه مايضيع
في الفتاة ام السنون الاربعه =تلهم اللي ماللهمه تستطيع وان دنت من عرق ثابت تقلعه = لو ماتسمع كلامك لك تطيع خصرها ضامر وتقدر تجمعه = لو تهلك ماتدخل في البقيع ____________________________________سؤال وابغى الافادة فيه = نهيان عن قوم بالمفرد بان السبب والهدف مبديه = في ايات الاحكام والمسند ____________________________________اللغز جاكم وانا في رمعته مخفي = علوم مابديتها وعلوم مبديها جاكم لفاكم ونور البدر مايطفي = بعلومه اللي على الطيبه مضويها احيان عنده غرايب ثوبها يضفي = تمشي على الارض قاصيها ودانيها واحيان يقصر عليه الحبل مايكفي =محروم مابين بايعها وشاريها ___________________________**_____// دار مابه فود فيه الشر في راسه وعقبه = من بناه اظن فكر في مصيره يوم اشاده من تراث الاولين السابقين ومن سبق به = وصفّ الموصوف مثل الجيد طوّق بالقلاده لاجل رجل مافزع مافيه للجزعات نسبه = والمثايل تنضربه في المصايب والجلاده لغزنا فكرة وذكرا فيه للرماع نشبه = فيه لفه في اوله واوّل وحوّل للحماده |
انشدك عن بنت تحبس الرجاجيل = حبس جماعي كنه الا انفرادي
حواجز من بينهم بالمحاويل = اخوان في الطرقه وفي الاعتمادي فيهم شبه واحد عن القال والقيل = ومنهم تحدي في دروب العنادي هاتوا لي اسم البنت ياصفوة الجيل = ومنها يبان ارجالها بالوكادي ____________________________________ لغز جديد في امثالنا من هو يريد الدحي = يصبر على الكايد ولا قال احي واللغز رجل رمعته مضمونه = دوبه شباب بعمر شايب فحي ماله قرين ولا سنين بعمره = وسط الجزيره مرتكي ومنحي اول فريد وله مزايا جما = عملاق من وصفه بغيت انبحي طمرمشه |
الساعة الآن 12:35 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir