( بـــعــــد غـــيــبـــة طـــويـــلــــة )
 

بعد غيبة طويلة تحت ضغط الظّروف
اقبلوا عودتي والمعذره فالغياب
يالنّفوس الجميلة نادرة بالوصوف
بيننا عِشرة أكبر من صدود وعِتاب
جيت بالخاطر اللي في غلاكُم شغوف
شرّعوا داركُم والورد في كُل باب
قوموا استقبلوني وارقصوا بالسّيوف
دقّوا الزير غنّوا واطربوا ياشباب
ودّي اسمع هلابك ياأعز الضّيوف
ورحّبوبي بفرحة يالصّدور الرّحاب
وقبل ماتحلفون وتذبحولي خروف
وسقتوا القهوة اومعها لذيذ المطاب
لاتقولون وينك ياجميل الحروف
واوقف اشوي واصمُت وانحرِج فالجواب
قولوا اهلاً وسهلاً ياأعز الضّيوف
ودّي اسمع كلام يكون مابه عِتاب

الشّاعر/ خالد بن عبيد بن معتوق الأحمدي

الحُب الباقي
اشكرك على مرورك
وصح بدنك

افرحي ياقلوب وصفقي ياكفوف
هذا ابن معتوق قادم فوق هام السحاب

مرحبا ومسهلا ومرحبابك الوف
نور الملتقى ونور الشات وحتى السناب

نذبح 🐑وننحر 🐪 🐪🐪وقوف
نكرم الضيف غالي بعد هذا الغياب

اهلا و سهلا

القدير
شموخ السلاطين
تسلم
الله يبقيك
وصح بدنك

افرحي ياقلوب وصفقي ياكفوف
تسلم اخوي حسين
الله يفرّح قلبك دائماً
اشكرك على مرورك
بالكلام الجميل
الله يحفظك