حسن الختام وذكري بطيب نوماس=وعفوك وسترك مقصدي ياالاهي
ياقاضي الحاجات يامذهب الباس=امرت بالمعروف لذّنب ناهي
ياغافر الزّلات مانعرف الياس=في رحمتك كان اغلبتنا المشاهي
صرّفت مابالكون مايجيلك انعاس=وعمّا عملنا منت غافل ولاهي
بصفاتك العليا وباسمائك النّاس=تدعيك يارحمان لك عرش باهي
عبدك مقصّر مسرف بذنّب مايقاس=راجي بعفو ٍ منك ماله مضاهي
وارزقه جنّه فاحة بطيب الانفاس=دار النّعيم وتزهي بكل زاهي
وراجي جلالك مايعوّد بالافلاس=عبدك موحّد عن عبادتك ساهي