أكبر شرف نلته في حياتي
خوفك عليه من صواديف الايام=أكبر شرف نلته وأنا في حياتي بالله ياقلبي عشاني لاتنضام=تكفى دخيلك يالغلاء لاتحاتي إي والله إني أعشقك عشق بهيام=مجنون ليلى مايسوي سواتي دمعات عيني تنتثر فوق الأكمام=ياليتها تقرى وتكتب كالاتي أنا اللي حبك حب صادق ومقدام=مقدام فارس ماحسب للمماتي وسط المعارك يرتدي درع ووسام=وسط المعارك يعتزي يامناتي وليا اعتزابك يظهر الماء بالاقدام=ماعاد يحسب فقر ولا غناتي أنا دموع العين من قلب منضام=أنا دموع العين وهاذي عصاتي ياهاجسي قلي عسى باقي أنغام=ودي أوضح للحبيب صفاتي ودي أوضح شي له عشرة أعوام=يجيب له علم ٍ موثق وياتي والعلم لاجابه مثل صيد غشام=لاهده القناص وقف وباتي هذا هو أحساسي ليا جيت أبا نام=يحكي لي عنك قبل فوت الفواتي حبك بقلبي باقي ٍ طول الايام=مايموت لين الناس تسمع وفاتي |
|
صح لساانك,,,,رائعه
|
الشاعر احمد الجابري صح لسانك وعتلا شانك قصيده جزله بيض الله وجهك
|
صح لسانك يابوسليمان كلام جميل الله يعطيك العافيه / \ |
لاهنت وصح السانك
تقبل التقدير والاحترام وفقك الله |
صح الله لسانك ولاهنت وسلم فكرك وبنانك دمت برعاية الله وحفظة |
الساعة الآن 04:44 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir