أبو ذياب=
حرفي لرسم المثل لازان=يطـرب لناسـه ورواده
سلام فـي أول الألحـان=ينصى هل الطيب والساده
أحمد الغشمري=
ياناحت الحرف والاوزان=ياللي لكم في المثل عاده
يامرحبا ياندي الاشجـان=غرد واطربني بنشـاده
أبو ذياب=
تكميلكم بالوفاء عنـوان=يارمز في القيل وقيـاده
ودي معك ياصقر شيهان=أرقى على القن وريـاده
أحمد الغشمري=
الجنب بالجنب ياسلطان=يعمي نظر ناس حساده
احنا هنا ننطح العدوان=ياكم جمل طاح بشداده
أبو ذياب=
هيا أستمع مطلع الاحزان=ناره على الروح وقـاده
كل ماأقول السعد لي بان=ترجع لي جروح لهـاده
أحمد الغشمري=
سمعت منكم ... واشوف اعلان=من حضرتك جاتنـي افـاده
تقريرهـا ينـزف الشريـان=والنار فـي القلـب بزيـاده
أبو ذياب=
دمع الأسى أتعب الأوجان=غالي معي اخلـف وداده
من بعد ماكان لي بنيان=أخلف موافيه وارصـاده
أحمد الغشمري=
الدمـع لاهلتـه الاعيـان=الجفن مايهتنـي ارقـاده
واللي جرح قلب مو انسان=دام الهوى اخلف اوعاده
أبو ذياب=
والله ماكان في الحسبان = يقسى عليه ويتماده
ضحيت وذقت العذاب الوان = واليوم بانت لي أحقاده
أحمد الغشمري=
سلطان من قفل البيبـان=عن الهوى اعلن احداده
انساه في صفحة النسيان=لايشغل القلـب بعنـاده