ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   ملتقى دواوين شعراء الالغاز (http://www.m-harb.net/vb/forumdisplay.php?f=167)
-   -   ديوان الغاز الشاعرعبدالله الفريدي (http://www.m-harb.net/vb/showthread.php?t=75036)

ابوخالد الفريدي 05-09-10 09:52 PM

ديوان الغاز الشاعرعبدالله الفريدي
 
ياهل الالغاز وش بنت عجيبه=كل مابالكون ماطابق لثرها
جنسها بالكون بأعدادٍ رهيبه=مار ماهو مثلها لو اتحصرها
معجزه وانِشوفها منا قريبه=والله بتنزيله المحكم ذكرهادي



حله البصمه حله بيان الصمت

ابوخالد الفريدي 05-09-10 10:03 PM

انشدك عن حرمه لها رجال=ورجالها عمال يتليها
وهي عقيم ولا تجيب عيال=والرجل الواحد مايكفيها



السلك والابره وحله غدير الوهبي

ابوخالد الفريدي 08-09-10 11:46 PM

ويش الهنوف اللي رقيقٍ جسدها=وحياتها يومين والثالث الموت !
بنت الكريم اللي رحل مافقدها=اقفى وخلاها مثل قطعة التوت
ماشفتها الامرةن في بلدها=لاتشرب امن الماء ولاتاكل القوت

ابوخالد الفريدي 08-09-10 11:53 PM

وش الغلام اللي مرفّّه ومرتاح=كافينه الاخوان وامريحينه
يبونه ليوم ن به السد ينباح=لاويّقت بقعا السدود المتينه
لازم يجيله يوم للكون نطاح=ياعارفين اللغز ياعارفينه
وحله الاستبنه

ابوخالد الفريدي 09-09-10 05:01 PM

وش الفتى اللي يسهر الليل كله=ويرقد نهاره عقب ماقام ليله
ليله ويومه مايغادر محله=في ماكره عبر السنين الطويله
وان شافه التايه عن الدرب دله=ويشابه اسمه بالمواشي فصيله


حله/نافع الحربي وهو الجدي

ابوخالد الفريدي 10-09-10 08:39 PM

البنادم كلف بحفظ الامانه=لو كثير من البشر ما يعتمدها
ويش خمسٍ حفظهنّْ من الديانه=من يجيب الحل من يذكر سندها
بسورة الانعام موجود" بيانه=والائمة فندوها مع عددها
حله الضرورات الخمس من بنت العلا

ابوخالد الفريدي 12-09-10 08:40 PM

يا هل الموروث وعلوم الوناسه=اسمعوا للي نقوله وانصتوا .. له
ويش رجل فيه طيب وبه خساسه=وطيبته دايم على الشك امحموله
ان مشى بالدرب ماتسمع حساسه=وان لفا عند المعزب زغرتوا .له
لانواله ديرة عقب العساسه=جني سليمان مايفعل افعوله

حله البوتوث

ابوخالد الفريدي 13-09-10 09:21 PM

انشدك عن عدة بناتٍ شجيعات=مايوصفن على البنات الرعابيب
الاصل واحد والاسامي كثيرات=والفعل بأمر اللي له السر والغيب
لهن على بعض المخاليق غارات=يمشن على بعض القبائل عواقيب
لو عارضن شيخٍ يصد المغيرات=ايحوّلنّه من طويل المراقيب
ياكود رجلٍ فالسنين القديمات=اعطنه الطاعة بليا مشاعيب
الساري ابو شمس حله الرياح

ابوخالد الفريدي 15-09-10 08:53 PM

لقيت لي شيخ عليه المهابه=جابتني الاقدار وامسيت صوبه
قلت السلام ولاتلفظ بجابه=وشوفي بعيني يوم قالت جنوبه
راسه ورجلينه وبطنه تشابه=ياهولتي به كل خلقه اعجوبه
يذكر لنا جوفه من الخلق غابه=ولاشفت فيه الا البني اللعوبه
راع الغنم لو نمدحه ماشقابه=وامصلحين الذود مافكروا به
وقت النبي مروا عليه الصحابه=وقدم لهم ماجوبهم وافرحوا به
كم واحدٍ زاره يريد الكسابه=احد كسب واحد تحول كسوبه
يالربع مافي كل قولي غرابه=واضح وضوح الشمس مابه صعوبه

حله الساري ابوشمس وهو البحر

ابوخالد الفريدي 15-09-10 08:58 PM

ويش ورع شال بنت ماتسره=حطها بين الظلوع ولاسترها
ينضرب فيه المثل لله دره=والبنيه محتمل ورعك خطرها

حله مضحي بن جمران وهو السراج وفتيلته

ابوخالد الفريدي 15-09-10 09:02 PM

ياسامعين اللغز يامفسرينه=اللغز عن عود كبير دماغه
له بالقرى مسكن وله بالمدينه=نحب شغله مير نكره فراغه

حله ابو خالد الفريدي وهو خزان ماء الحاره

ابوخالد الفريدي 15-09-10 09:08 PM

ياويش رجل لقيته مع جميع العرب=ماينجهل وايتشابه بالاسم والحروف
رجل معه ورع يفزع له يفك النشب=هل الشقا عندهم قاضي ببعض الضروف

حله نافع الحربي وهو الوسم

ابوخالد الفريدي 16-09-10 01:11 AM

من سنين غابرة والعود ثاني=دون قومه ماتردّى في مقامه
في زمان فات له بالكون شاني=فارض نفسه وقدرة واحترامه
مار قدره قل في تال الزماني=اعتلوه اطفال من عقب الكرامه

حله ابوخالد الفريدي وهو سور الصين

ابوخالد الفريدي 16-09-10 08:32 AM

ياويش ورعٍ فيه قوة وله بأس=بأشد خلق الله يسوي سوايا
الطول حول المتر وامدلمك الراس=وعليه من حليا عدوك حلايا

حله سعد الحصني وهو عقال البعير

ابوخالد الفريدي 18-09-10 01:14 AM

انشدك عن شيخ عزيز مقامه=ماله شبيه الاّ فتاةٍ عريقه
قبل آصفه يجب عليّ احترامه=والبنت دونه ماشيه في طريقه
اللي صفاله بشّره بالسلامه=وباقي اوصوفه كان تبي الحقيقه
أمه اليا وصّفتها تقل شامه=وله غاية دايم اعراها وثيقه


الحج والعمره نافع الحربي

ابوخالد الفريدي 21-09-10 01:10 PM

ويش بنت خلقها الله وكثّر نماها=والنما مايشوف امه ولا ابوه شافه
يوم جت للديار اللي جذبها حياها=حطته بالنفود وزوّعت بنصرافه

الدبا اوبيض الجراد من سعد الحصني

ابوخالد الفريدي 27-09-10 08:47 PM

ارخص الموجود فوق الوطا واغلا الوجود=الثنين اللي لهم شان رجال ومره
كل واحد ضد الاخر وفي طبعه حقود=الرجل يخاف منها وهي ماتقدره
المره عدوّته وان لبس عنها البدود=والرجل عدوها وان نزع مايستره

حله صبار العنزي وهو الماء والنار

ابوخالد الفريدي 27-09-10 10:24 PM

انشدك عن بنت لك الله شريفه=مكانها مجلاس حشمة ومقدار
واحيان بيدينك تهين العفيفه=برضاك تدخلها على دار الاشرار

حله الدله من البدراني

ابوخالد الفريدي 28-09-10 08:14 PM

انشدك عن رجال مهدور دمه=وظيفتة ينقز من بيوت لبيوت
الاسلحة بنواعها ماتهمه=لكن لو طخه ورع جاهل يموت

حله/ سامي الفكر وهو اللغز نفسه

ابوخالد الفريدي 29-09-10 11:15 AM

انشد اللي يفتهم بالمعاني والرموز=مايكيده حلها لو نصعّب حلها
ويش بنت بيّنة .. يالربع مدري عجوز=ما بقى من عمرها كثر ما ماضٍ لها
ماتحب العبد والعبد فيها مايفوز=تستحل الحر والحر دله دلها
دلها دل الكرم وانت عنها ماتجوز=مار طعني واسترح منته بواصل لها

حله مهجرس الحرف وهي الشمس

ابوخالد الفريدي 03-10-10 07:35 AM

انشدك عن ضيف يضيف المعازيب=يذبح عشاه ولايذوق الوليمه
يشرب ولاياكل ويسمع ولايجيب=والحل وارد يالعقول الفهيمه

محمد البدراني حله وهو المولود

ابوخالد الفريدي 03-10-10 07:40 AM

انشدك عن رجل يفيدك وقافه=يعطي ثقه في وقفته وان وقفها
سميه نفوس النشاما تعافه=بعض النفوس اللي كبير شرفها
كبيرهن من دون داره مسافه=في ديرة بالذكر لو ما اعرفها
حله السور من سعدالحنيني



الساعة الآن 08:52 AM

Powered by vBulletin® Copyright ©2000 - 2021, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi