يامن عرف بنت تغطت عن العين = تشابه الفنجال واكبرشويه
لياكملن ثنتين للحرمه يدين=حرمه قديمه كلها قابليه
وتجودن بلين والناس ماشين=في حرمه اخرى فوق وسق المطيه

انشد عن اللي يسكنه عدة ارجال =وممكن جميع اهل البلد يسكنونه
يضم في بطنه من الوان واشكال= وانا ماقول اسمه ولااقول لونه

انشدك عن رجل موجه ومامور =ضمن الرجال موجّهين المسير
يفتح على المحتاج وان جاله الدور=وليا قفل باب المحير تحير
يصرف على رجل بما طاب معمور=اللي ليا وقف حصيله يغير

انشد عن اللي سميت باسم جميل =مار اختلاف الناس في تفسيرها
اللي يمارسها من العالم قليل= واكثر عباد الله يحصل غيرها

ويش رجل قبل مايعمل يغسّل=ويتميز في نشاطه عن زميله
لايهاب من العميق ولايتوسل =ولايخاف من القصيره والطويله
في عميله لايبور ولايتفسل =الاصيل اللي مأخوذ من الاصيله

وش ولدين وبنت ماحد نظرهم= منهم اثنين لاهم انس ولاجن
ثالثهم انسي والجميع اعتبرهم= خيال كذب وفيه من ظنهم ظن
ماهم صحيح ولو يرددخبرهم =واعلومهم دايم مع الناس يردن

يامن يخبرني عسى الله يقويه =عن العيال الصامدين الصناديد
اللي عملهم غيرهم مايسويه =وااكثر عملهم بالصحاري وبالبيد
مع عودهم وان قام تجودوا فيه= وكلن ثبت من عقب جلد وتحديد
يجلدهم اللي كل واقف يمشيه=مع الوطى من دون شرط ولاقيد

اتشدك عن بنت لها صدر واذراع =بنت بلا رجلين لكن لها راس
لها بنات وشربها عدة انواع = ولها نفس ويضرها كتم الانفاس
وعيالها متخالفين با لاطباع = ولها عروق وكل شريان حساس

وشغلام موقعه حول الحمر= ماجلس مع سود ولايحب السمار
لو تغيب عاذر الوجه الخضر = وعذروه المنتظر ماعاد زار
كل حي يستفيد من المطر = ياحلو شوف الصياهد والخضار