استمع لي ياسعود فالدقيقه والجلل= كلمتي مفهومها افهمه ثم افعله
من مجرب من طبيب عارف اسباب العلل= خذ دوا ينجيك من دنيا علل متعلله
ان اردت ان تطمئن من همومك والملل=اعبد الله واحمده كبر الله هلله
فكل جزء من الزمن كل شبر من الحلل=اترك اللي حرمه و اتبع اللي حلله
في طريق المصطفى المرسل بخير الملل= تمم الله سنته كل خير" دل له
وياسعود احفظ هواك لايجي فيه الخلل= كم قلوب" من هواها غدت متخلله
وعز نفسك عزها عن منازيل الزلل= مرقب الحيد الرفيع كل مزن يهلله
والشرف ماينشري بالدراهم والهلل= موتة" فيها الشرف ولا حياه مذلَلَه
وعز راسك مايجي بالقصور وبالفلل= عز راسك عزوتك كل عقد تحلله
والمعالي والعلا مايضويها الكلل= بل تضويها العزوم والهلال تهلله
لاتهولك الوهوم في مخاواة الشلل= الشلل عسكر بليس والخوي تشلله
المكاسب للكريم والبخيل ألَه الشلل= اكرم الضيف وقراه كثره لاتقلله
والشجاعه والوفا ماهي بلبس الحلل= بل بميقاف الرجال واللزوم تكمله
والزمن برد وسموم وصفقته صفق القلل= اعتبر من صفقته ولا تعيد تطلله
كان ودك تطمئن من همومك والملل= طيع ربك والنبي اقرا الكتاب و رتله

المشاركة الأصلية كتبت بواسطة الحب الباقي (المشاركة 550189) وربي انك شاعر فحل صح لسانك مليون على القصيده والله يـعـطـيـك الـعـافيـــــــــــة ويحفظلك سعود بيض الله وجهك

المشاركة الأصلية كتبت بواسطة بخيتان البشري (المشاركة 550204) صح اللسانك يابو سعود والله يحفظ لك سعود نصيحة تكتب بماء الذهب ونصيحة اعتبرها عامة الجميع يستفيد منها بيض الله وجهك

المشاركة الأصلية كتبت بواسطة سعد المحمدي (المشاركة 550212) الاخ ابو سعود صح لسانك وبيض الله وجهك قصيده مميزه تقبل تحياتي

المشاركة الأصلية كتبت بواسطة ناهس الشعيفاني (المشاركة 550216) ابوسعود صح لسااانك قصيده عن قصااائد بيض الله وجهك يابن العم والله يطوول بعمرك والله اسااال ان يحفظ سعوود ويخليله ابوووه الله على المكاارم ربــــــــــــــــــــاه وبعد هذا الشبل من ذااك الاسد تقبل مرووري.......