سلام للطيب الموجـود=والطيب اللي يبي يحضر
سلام يسلم من المنقود=حتى اللذي مر او ينضر
رداً على طالع المنشود=ترحيب موزون ومسطر
عطره من الفاغيه والعود=تقدير منا لمن قدر
مشكور ياصاحب المردود=ترحيبكم زادنا بسـرور
ترحيبكم ذا لكم مرصـود=زاهي ومحبوك ومعطـر
يا مرحبا يسبق المردود=إعداد ما فالورق اخضر
بالطيب اللي علينا يجود=والشعر به يحفل ويزخر
ردادي تشكر على المجهود=ومثلك وشرواك به نفخر
حشاك والله عن المنقود=ما فيك غير ألوفا يذكر
هذا الذي منكـم موعـود=الطيـب ماعنكـم يقصـر
اهل الوفاء ماعليكـم زود=ناساً على الطيبـه تقـدر
وتسلم ولو جهدنا محـدود=منكم وليكم ترى المصـدر
نعمل على الجهد نبغا الفود=والناصر الله وهو ينصـر

الضيف جاكـم وهلوبـه=ترحيب الأجواد بالأجواد
ولا ترى بعلـن اتوبـه=وماعاد انا احتاج للمقعاد
أشجاني القيل في اسلوبه=ياعد لهل المثل ميراد
زاهي في فنه ومكتوبه=يامرحبا ياهلا ياستاد
الله يبقيـك هاالنـوبـه=ترحيبكم كان بالمرصـاد
ماجا على اوقات محسوبه=يوم التراحيب والأمجـاد
نـفـرش لـه الورد بدروبه=وقولت هـلا تسبق الرواد
والنار مـن قـبـل مشبوبه=دله عـلـى جمرها الوقاد
نسقيه فـنـجـال مصبوبه=ينساق ومن بـعـده البراد
يا خذ من الكيف مطلوبه=ومن ألسمينه يلاقي الزاد
حــيــاه ربــي على نوبه=والضيف قـسمه علينا زاد
تسلم ولك نعلن التوبـه=كريم بالوصف وسط الماد
ترحيب بحروف مكتوبـه=يصعب لنا نزيدها بزيـاد
هذي التراحيب منسوبـه=ومخصصه منك بالأفـراد
مثلك عسى تغفر ذنوبـه=ياشاعـر الـرد ياقصـاد
هذا الكرم والكرم ثوبـه=مثلك وشرواك له معتـاد

خلاص مالزعل داعي=بلاش نحضر نزعلكـم
مادام يزعجكم ابداعي=يحز في النفس اودعكم

يا ذيب ما آكل ذراعـي=يمناي .. وحنا نقدركم
تفزعلي و اجيك فزاعي=جمعن على اللي يكدركم

اشاور النفـس لساعـي=واود انــي اداعبـكـم
اما يجي الصاع بالصاعي=ولا تراجـع ورجعـكـم

ماعـاد يلزمنـى جوالـك=رقمه شطبته من الجـوال
وبأقطع على الخط مرسالك=يااللأسف أحسبك رجـال

امشي على الهون ويش جالك=يمكن يكون السبـب امـوال
سـدد فواتيـر مـن مالـك=يصفى لك الجـوا والأحـوال

اللى مايجى علـى جالـك=ويسمع لقولت قيل وقـال
ماينفـع تضيـع أموالـك=خسران خله فى أردى حال

الطيبـه خلهـا فـالـك=وتلمس العذر مهما طـال
يمكن ترى الوضع يحلالك=وتفوز به ياوسيع البـال

قد أيش صابر وأنا خالك=آجيه يمين يروح شمال
لاتعده هذا من أصحابك=مايستوى طيب مع بطال

مهما حدث كـان يمدالـك=حاول على الحل من عقال
دز المراسيـل اولالــك=والصلح طيب كريم اخصال

زمان وبرميت عقالـك=أكبر قضيه لها حـلال
واللى تعده من عيالـك=يأمر وينهى بدون عدال

الخير خله علـى بالـك=والناس عقال مع جهال
اصبر يجيك اللي يسعالك=وترتاح من كثرة الولوال

ألفين مشكور أقولهالـك=راعى معانى جميل أقوال
وختامها مجمـلاً حالـك=عزيز غالى وطيب فـال