سلام الله وانا الليله نويت ازعل الشعار
سلام الله وانا الليله نويت ازعل الشعار= ولاني رايحٍ قدام ازعلها واراضيها يقولون العرب ماعاد به طاغي سوى بشار= وانا اقول العرب بشار حاضرها وماضيها |
عليك مثل ماقلت واقول يدك والحار= ترى الشعار لازعلت تحطك تحت رجليها تريح يابوقلبين واشبع من العدس وخيار= خل البشر في حالها وعينك لاتشقيها |
هلا يامرحبا لو كان ماتستاهل المقدار = وانا نفسي معك ياصاحبي ماني معضيها ترى بعض الكلام يدخلك ياصاحبي فالنار= وبعض الناس ماتطهر سواتك لو توضيها |
اعرف انك ماتداني شوفة القط يافار= ليا من جاك فالديره رجولك ماتمشيها انا مسلم واخاف الله ولاني فالبلد ثرثار= سواتك يجمع الجله وفي رجله يدربيها |
ترى ماطيح السد في مدينة مآرب الا الفار= ومثلك لو غلط فالمحكمة ماني مقاضيها تعوذ من بليس وروح لاتقرب من الاعصار = واذا لك حاجةٍ قدام لانذبحك نقضيها |
تعوذت من ابليس ياجميل
واطلب منك السماح اذا كان اخطينا وتصبح على خير |
العيب ماهو فالخطا وانا اخوك العيب الاستمرار فيه .. وانا مسامحك الا في كسر البيوت وانا العاده البيت المكسور مارد عليه الا اذا شفت فاللي رد شي اعجبني .. صح لسانك وصح بدنك وحياك الله
|
اقتباس:
ممتاز ياجميل له يامعجب مايستاهل جميل الا العلم الجميل صح الله السنتكم وبيض الله وجيهكم ونشوفكم فمحاوراة اخرى دمتم بخير |
لك الله عن هالكلام يامعجب وانا اخوك اهد
|
الساعة الآن 06:46 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir