|
،‘، درر المحايد ،‘،
* تامر أمر *
تامر أمر يامن جمع ثلج وجمر ان كان مطلبك الرحيل تراه ماهو مستحيل أبشر بلا بكا ولاعويل أبشر برحل وبكتب قصتي وابقى على مودتي تامر أمر بس أنتبه لاجيت برحل لاتمسك في ردوني تكفى ولاتبكي ولاتبكي عيوني أسكت لو دموعك ملت منك المحاجر والصدر أهات وأعرف تر مثلك عيوني مالها صبر وقلبي مافيه أموات تامر أمر ياأجمل من ظنون البشر وأجمل من سنين العمر ومن الزهر تامر امر ماكنت أحسب ان القساوه فيك وألا تعرف أن البشر كل البشر تنظر اليك تخير انت وبس أشر وانا لي الله يأجمل سنين العمر برحل وبقول لك تامر أمر أن كان يسعدك الفراق أبشر وتامر أمر بس لي طلب قبل الرحيل ودي أشوفك مبتسم بلا بكا ولاعويل . . . وبتخيلك ... تامر أمر |
تعالي الله يخليك
الأهداء للقلب الأبيض والوجه الواضح الغير مقنع
تعالي الله يخليك ماعاد أقدر على بعدك ولاصدك ولاهجرك ولانارك تعالي الله يخليك بسولف لك عن الامي وايامي ومشاريعي واحلامي وبسمع وأخذ أخبارك تعالي شوفي الدنيا معي وشلون كيف تكون ومعاك تصير جنه مالها آخر وبدونك ميته من دون طعم ولون تعالي سولفي لي عن ضما العاشق وأهاته عن دموعه عن سكاته عن اول وأخر أحلامه ومتاهاته تعالي بسولف لك وبقبل رأس اصرارك وبعتذر منك يأطهر قلب في دنيا الوله والزيف ياأطيب قلب وأطيب نفس وأطيب كيف تعالي لاتخليني هنا غارق قبل لاقول انا مفارق تعالي يابعد كل الوجيه اللي عرفت ويابعد راسي تعالي وأنتي أعرف بي من الذاكر من الناسي تعالي بفرش الدنيا على شانك زهور وورد وبردد ياهلا بك يابعد كل الوجيه اللي عرفت ويابعد راسي تعالي وانسي اللي فات ولاتقولي ترا مامات بلاش الجرح والصده تراها تكدر الخاطر وتعكر جونا العاطر . تعالي الله يخليك ماعاد أقدر على بعدك تعالي قبل ماأفارق أنا غارق أنا غارق أنا غارق أخوكم المحايد |
ذبحني الشوق
|
ليش الحزن
تقول لي ..........
................. ليه الحزن؟ وأقول أنا أن الحزن ياغاليه .............. مثل الظلام اللي تنام به البشر ولولاه ماشفنا ولاأعجبنا .......... البدر تدرين أحسه شي مثل القدر عاش بفؤادي وأستحيت أقول له غادر وبعدين حبيته وصرت أشتاق له وأخاف لايغادر الحزن ياأم العيون اللي كساها حزنها غالي علي بالحيل مثل عيونك اللي تشرق بي وتشمل بس ماتغرب . وفيها كسل وحزن وشجن وأحبها وأموت فيها وأفرح ليا من شفتها لو الحزن فيها الحزن عندي مثل نظراتك وعينك . جمال من كثرة ماأحبه صرت أبكي ....... وربي أبكي ياغاليه بقول لك سر الحزن بس أوعديني لاتقولين لحبيبك كيف أشوفك تراي أغار حتى من يديني وأغار من عيني ليا شافت عيونك خلاص بقول لك سر الحزن بس أوعديني مايشوفه إلا أنتي وبتجاوز كل الأسباب القديمة من موت وضحاء وأنكفاء الليل في صمت النهار ومغادرة ذودي وسفر راعي الوضحاء بسم الله أبدأ لو قصتي ماترتقي للذائقة بس أعرفيها ياغلا والله ياهي صادقه كنت أصغر أخواني وكنت طفل بريء بس كنت أناني ماأحب أحد يأخذ من أغراضي غرض ومرت سنه ورا سنه حتى وصل عمري خمس السنين حسيت أني رجل ماني طفل بس القدر ياغاليه أخذ من أيامي أجمل شي عندي والله أخذ مني كل شي أخذ أبوي وصرت اصرخ أبوي أبوي ومن يومها ماعاد قلت الكلمه اللي كانت أجمل شي عندي. أبوي أبوي ومرت سنين وصرت راعي ذود أسرح مع الوضحاء على أطراف النفود أحس هالدنيا كبيره وواسعه وأحس أني مالك الدنيا من الجهات الأربعه وفي يوم مازلت أذكره جوني رجال دقونهم بيض معهم عقال ماهو عقال إلا قولي ميت عقال وقالوا شرينا البل !!!!!!!!!!!!!! وشلون ؟ كيف ؟ مدري بس حسيت هالدنيا صغيره وبكيت يوووووووووووووووووه ياغاليه والله بكيت حسيتها المره الأخيره اللي بشوف الذود (ياعل مابك من عذابي زود) ومرت سنين ورا سنين صار الحزن عندي ماهوب عيد إلا ثنين صرت ماعاد أفرح زي أول ويوم أكتمل عندي الحزن وأوراق قلبي أوشكت على التساقط والشجن جتني تمناها البشر بس هي تمنتني تصدقين أول ماشفتها وحبيتها حسيت بفقدها وفعلا فقدتها يانا فقدت أكبر غلا واجمل غلا واروع غلا تصدقين ماكانت تعرف الغلا إلا معي عرفت من بعدها طعم الأنين وصمت الثنين ودمع العين اللي مافارق مدمعي والحين ياغاليه عرفتي وش سر الحزن أخاف أفقدك أنتي يابعد كل السنين الماضيه والقادمه . يأجمل عيون البشر وأجمل قدر بس بقولك كلمة أخيره واسمعيني بالله دقيقه لاتقاطعيني تراي أخرف ماعرفت الحزن أبد شوفيني أضحك وابتسم ودموع عيني ماهي حزن هذي دموع الفرح والجرح قلبي ماأنرجح والليل ماله صبح بالله ارجوك لاشفتي دموعي تذكري كل الكلام ولاتسأليني ليش الحزن؟ |
بخلت على نفسي
بخلت على نفسي ومن يك باخـلاً = على نفسه ليـس سـواه بخيـل = فقد كنت بين الماء والزهر واقفـاً = وكان رحيق الزهر يشفي العليـل = ولكنـنـي آثــرت ألا أمـسـه = ولو كان يحيينـي وكنـت قتيـل= خشيت عليه القطف والقطف قاسياً= ولو كان للعشـاق شـيء جميـل = فودعته والقلـب للقـرب طالبـاً = ولكن بعض القـرب قـرب ذليـل = فهل يعي أني لم أكن عنه راغبـاً؟= ولكننـي خفـت عليـه يمـيـل = |
الساعة الآن 05:31 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
