ابـتدي باسم الإله اللي خلقني واستعـين=الله المعـبود سـبـحــانـه ولاغـيـره أحـد
واحمده حمد العباد الشاكرين الذاكرين=ربنا المنعـم عـلينا وحـده الفـرد الصمد
واســألـه إنّـه يوفـقـني إلـه العالمـــيـن=وابلـغ الـغـايه بفضله بعد ماحان الوعد
وغايتي رد الجـمايل يالرجال الطيبـين=مايخـيـب اللي على ربه توكل واعتمد
ياسـلام الله عـليكم كلـكم يالحـاضـرين=ردةٍ مـن بـال صـافـي مـالها حـد وعـدد
جـيت للمحفل مـشارك يا عساربي يعين=هذه الليله وشعري مكتسي ثوب السعد
اطرقي باب المعاني ياهجوسي تسلـمين=واقطفي صفوة حروفك حفلنا نجمه صعد
فيه تكريم لمسيره عاشها معتق سنـين=طـيـلـة عـقـودٍ ثلاثه باذلٍ فيها الجـهد
عاشها فصـرح الهنيه معلم وقائد أمين=اجتهـد ربّـى وعـلّـم ماتهاون أو قـعـد
وبعد ماإخذ الإداره قادها بعقلٍ رزين=وارتفع اسم الهنيه كل من شافه شهد
فيه طيبه فيه شـدّه فيه حزم وفيه لين=فيه حنكه فيه حكمه يمتلك صبر وجلد
جامعٍ زين الطبايع فوقها تقوى ودين=حقق أهـداف الرساله جد فيها واجتهد
خرج أجيال عديده للمعارف حاملين=كان أبو خالد بعد ربه لهم عـون وسـند
وكلنا الليله في حفله بالشكر متقـدمين=باسـمي وباسـم الأهالي كلهم أبٍ وجد
وشكر من أهل الهنيه مقدمينه أجمعين=بعـد مـاأدّى الأمـانه وكل بابٍ فيه سد
واختم أقوالي بصلاة الله على الهادي الأمين=أحمد اللي نص اسمه في كتاب الله ورد

المشاركة الأصلية كتبت بواسطة أبوليلى (المشاركة 142930) صح لسانك مليون يابن العم طولت الغيبه علينا بيض الله وجهك

المشاركة الأصلية كتبت بواسطة بن فرهود الحربي (المشاركة 142964) صح لسانك مليون بيض الله وجهك على القصيده

المشاركة الأصلية كتبت بواسطة سالم الفريدي (المشاركة 142974) صح الله لسانك و بيض الله وجهك قصيدة رائعه ومن شاعر جزل تحياتي اخوك

المشاركة الأصلية كتبت بواسطة بندر الحربي (المشاركة 142992) صح الله لسانك دائما وانت مبدع بشتى المجالات تحياتى